بسبب قصة حب.....عملت كده؟؟

[Wild_Angel]

بسم الله الرحمن الرحيم
السلام عليكم ورحمة الله وبركاته


اليوم كنت اتجول عبر صفحات الانترنت ونظرت بعيداً لأرى تلك الزهره النديه" أمة الرحمن"
ذهبت إليها لاستنشق رحيقها
موضوع جميل لقيته فى أحد المنتديات لعضوه ليس لى اى صله بها
ولكن ادعو الله لها لما رأيته فى إيمان بداخلها
مش حطول اسيبكم تشوفوا الموضوع:

اخواني واخواتي في الله الموضوع ده بحضّرله من اسبوع و بالظبط من بعد ثالث حلقه من برنامج "قصة حب"

لأني من ثالث حلقه وانا حاسه بحب شديد جدا لسيدي وحبيبي رسول الله صلّى الله عليه وسلّم فكنت بسجّل ايه هو التغيير اللي بيحصلّي كل حلقه هو مكنش في نيتي اني انزل الموضوع ده لكن قلت انزله النهارده مع الفيديو

اكيد اللي لسه مفتحش اللينكات من حضارتكم بيسأل فيديو ايه ؟؟؟؟؟؟؟؟؟؟؟؟؟؟

هو فيديو من تصميمي هديه بسيطه جدا لحبيبي المصطفى صلوات ربي وسلامه عليه واللي شجعّني واعطاني دفعه رهيبه اني انزل الفيديو هي بصراحة حلقة امبارح " حب النبي للغلابة" لما استاذ مصطفى شرح اد ايه الرسول عليه الصلاة والسلام بيجبر بخاطر كل الناس لا ده كمان بيجبر بخاطر كل المخلوقات

"يا حبيبي يا رسول الله "
فقلت اكيد مش هيكسر بخاطري وباذن الله الفيديو هيعجبه يارب يعجبه

وتخيّلت كده واعمالي بتعرض عليه النهارده ويشوفه يا ترى هيكون فرحان بيه ولا هيكون رأيه ايه ؟؟؟؟؟؟؟؟؟؟؟؟ يارب يفرح اللهم امين

كل اللي عرفوني بيقولوا عني محترفة "موفي ميكر" لكن والله وانا بعمل الفيديو ده حسيت اني لسه ببدأ اتعامل مع البرنامج وكنت خايفه اوي وقلقانه
انا بحضّر الفيديو ده من اربع ايام وفي اليوم التالت كنت سهرانه وتعبانه اوي وانا بشتغل فيه واحتسبت الوقت ده عند ربنا سبحانه وتعالى انه قيام ليل واقسم بالله العلّي العظيم حسيت بيه جنبي بيقوللي :

"كفايه لو تعتبتي النهارده "
والاغرب اني رديت بقلبي وقلت تعبت ايه بس ؟؟؟؟؟؟؟؟؟ وانا كلي خجل منه ازاي انا اتعب في حاجه بعملها لحبيبي اللي تعب وبيتعب وهيتعب علشاني

بجد يا اخواني عايشه بفضل الله اجمل ايام في حياتي وانا كان سبب هدايتي وفاة اختي واخويا بس كل ما افتكر شوية الزعل اللي بسببهم ربنا هداني ودوقني كل الجمال ده بيقول يارب ده تمن قليل اوي على كل النعم اللي انا فيها دلوقتي اللهم لك الحمد يا ارحم الراحمين

على فكره لما حضارتكم تشوفوا الفيديو هتلاقوا اني كاتبه لحبيبي رساله في اخره وانا ترجمتها انجليزي ولو بجيد أي لغه تانيه كنت هترجمها لاني نفسي كل العالم يعرف حبي له بس والله ده اللي قدرت عليه

وكمان حضارتكم هتلاقوا اسمي الحقيقي في اخره " هدير " وطبعا حبيباتي حور الدنيا دلوقتي هيستغربوا لاني طلبت منهم انهم ينادوني بيه بس داخل منتدى حور الدنيا
صدقوني معرفش ايه اللي غير تفكيري يمكن علشان نفسي صلى الله عليه وسلم يعرفني بلقبي واسمي ,,,,,,, ويمكن عشان حبيت كل حاجه في حياتي انا الاول مكنتش بكره اسمي والله ولا كنت بكره أي حاجه انا كنت بحب حاجات كتير لكن دلوقتي بحب كل حاجه اكتر من الاول بمراحل

باختصار حاولت اشوف الدنيا بمنظار "حب حبيبي صلّى الله عليه وسلّم " لكل حاجه

انا اتربيت على حبي لديني ولأهلي ولأصحابي ولما كبرت حبيت مجتمعي وحبيت تنميته

ولما فهمت عرفت ان اصل أي حب في قلوبنا هو حب سيدنا ورسولنا عليه افضل الصلاة والسلام

وهو ده التغيير اللي حصلي من ساعة بداية قصة حب

جزاك الله خيرا استاذ مصطفى حضرتك ربنا اجرى على لسانك كلام غيّرني بجد

وفي اشخاص كتير ساعدوني في التغيير ده بس حضارتكم مش هتعرفوا منهم غير الشيخ الفاضل "محمود المصري"

جزاكم ربي الفردوس الاعلى عما علمتوني

اسفه جدا اني طولّت على حضارتكم بس نفسي كل الناس تعرف انا حبيت سيدنا محمد دلوقتي اد ايه وانا اللي كنت فاكره زمان اني بحبه حب لا يوصف ...........

"اللهم صلّى وسلّم وبارك عليه كما يليق بمقداره العظيم وحبه للعالم اجمعين "

واسمحولي اختم بأكتر جمله اثرّت فيّ في تتر الربنامج وهيّ :

"حبه على الدنيا انتشر غطّى الحجر قبل البشر "

" بحبك يا حبيبي يا رسول الله "
--------------------اختكم في الله amatELRHMAN "هدير"--------------------
منتظره رأي حضارتكم في الفيديو ونفسي كل الناس في كل المنتديات اللي نزلته عليها يشوفوه ويحمّلوه
الرابط الاول
http://www.4shared.com/file/12908013...html?signout=1

وده رابط الفيديو على اليوتيوب


ورابط تانى للتحميل
http://www.2shared.com/file/7534635/298aa663/_____.html

[S2AH]

جزاكى الله كل خير يا وايلد ويجازى هدير الخير
اللهم احشرنا مع حبيبك صلى لله علية وسلم

اللهم ما بلغة منا السلام

[Wild_Angel]

جزانا الله وإياكى يا ساره اللهم تقبل دعاءك
اللهم صلى وسلم وبارك على سيدنا محمد وعلى اله وصحبه أجمعين

[مى رسمى]

اللهم بارك فيك ياوليد وجزاك الله كل خير على كل شخص حيشوف الفديودى
ويارب يجزيها الله خير الجزاء صاحبة العمل
اللهم اجمعنا برسولنا الكريم فى اعلى الجنان

[Wild_Angel]

جزاكِ الله خيراً يا مي

وربنا يتقبل دعاءك يارب
نورتينى

[Nada Mohammed]

[AHMED FTIHA]

العمل رائع جدا
جزاكى الله كل خير على نقله لنا

[Wild_Angel]

جزاكِ الله خيراً يا ندا
وجزاك الله خيراً يا أحمد

اللهم صلى وسلم وبارك على سيدنا محمد وعلى اله وصحبه أجمعين

[Wild_Angel]

جزاكم الله خيراً جميعاً
اللهم صلى وسلم على سيدنا محمد وعلى ال سيدنا محمد كما صليت على سيدنا ابراهيم وال سيدنا ابراهيم
وبارك على سيدنا محمد وعلى ال سيدنا محمد كما باركت على سيدنا ابراهيم وعلى ال سيدنا ابراهيم فى العالمين انك حميد مجيد

[eslam mamdouh]

الف شكر لحضرتك على الموضوع المميز

وبجد فكره الموضوع رائعه جدا............والعنوان يلفت الانتباه الى الموضوع

جزاكى الله كل خير وجزا الله صاحبه الموضوع خير الجزاء