الغرور والتكبر ..... مرض العصر

**Hassan Mohamed** · 09-17-2009, 05:22 AM

بسم الله الرحمن الرحيم

نريد ان نعرض هذه المشكلة ونبحث لها عن حلول

مشكلة تتفاقم يوم بعد يوم

ودي موجودة عن كثير من الناس

ليه التكبر !!!

وليه الغرور !!!

كلنا يا بني آدم مخلوقون من تراب

مفيش اي فرق مبين الامير والوزير والدكتور والاستاذ واللي مش لاقي شغل والفقير

كلنا ولاد 9 زي مبيقولوا

ليه كتير من الناس شايفة نفسها انها شئ عظيم

مع ان العظمة لله وحده !

ليه كتير من الناس علي لسانها كلمة انا ... انا عملت انا سويت انا خليت !

هل التكبر مرض !

ام هيا صفة من صفات الانسان ؟

وايه هيا طريقت مواجهتك للنوعيات دي

هل بتواجهم

ولا بتتجنبهم وتخاف منهم

يلا الكل يقولي هو بيعمل ايه

**ALY ELSAYED** · 09-17-2009, 05:39 AM

بجد يا حسن قضيه جميله اوي

الي انتا طرحتها وهي الغرور والتكبر

وبنشوفه في ناس ياما اوي بس للاسف النوعيه دي

مش بتتقبل اي حد يوجهها للصح او يعدل عليها او ينصحه

لانه شايف انه صح وعلي حق دايما

وصعب ان يحد يقدر انه ياثر عليه

ولو مثلا انا اكتشفت اني مغرور او متكبر لازم اعالج نفسي

وللاسف عشان انعدل واتصلح مفيش غير حل واحد

ان نفسي تكسر

الشيخ الشعراوي في عزه لما شعر بس مش اكتر انه حيتغر

كان بيروح ينضف الحمامات في المساجد

عشان نفسه تنكسر ومينساش انه عبد لله في الاول والاخر

ياريت نتعلم من هذا الرجل الجليل

شكرا ليك يا حسن

وجزاك الله كل خير

**AHMED FTIHA** · 09-17-2009, 05:47 AM

موضوع نقاش هااااااااااايل يا حسن الصراحه انا بعتبر الغرور دة مرض فى الانسان لانه بيتكبر بحاجه من امور الدنيا الزائله
اجاوب على اسئلتك

ليه كتير من الناس شايفة نفسها انها شئ عظيم
اعتقد لأنهم لم يؤمنوا ان العظمه لله وان ماهم فيه الا صفر على الشمال بالنسبه لعظماء الاسلام

مع ان العظمة لله وحده !

ليه كتير من الناس علي لسانها كلمة انا ... انا عملت انا سويت انا خليت !

عشان يبين نفسه ويرضى مرضه ونسى ان الامر لله وحدة
هل التكبر مرض !

بكل المقاييس لايدخل الجنه من كان فى قلبه ذرة كبر
ام هيا صفة من صفات الانسان ؟

احنا اتخلقنا على الفطرة واكتسبنا حجات وحشه كتير
وايه هيا طريقت مواجهتك للنوعيات دي

الدعاء بأجتناب الناس دى ومكنش زيهم
هل بتواجهم
سعات
ولا بتتجنبهم وتخاف منهم
اللى شايف انه ممكن يجى منه نتيجه بنصحه
.,.,.,.,.,.,.,.,.,.,.,.,.,.,.,.,.,

ولكن فى الاخر كلنا فى متر فى مترين
واللى بيتكبر او بيتغير دة بيكون سبب زيادة فى حاجة عندة زى فلوس منصب او سلطه او علم او حجات كتير
ونفسى كل متكبر او مغرور يبص لنفسه مهما وصل فى المال او السلطه او العلم او اى مكانه ويسأل نفسه انتا مين ؟؟؟
الاجابه انسان من لحم ودم يعنى مش ملك ولا نبى او رسول
ايه يعنى فلوس ايه يعنى صحه ايه يعنى علم او سلطه
انتا مش احسن من حد فى الحجات دى لأن ربنا زى ما ادهالك ممكن يديها لحد تانى عادى جدا

**Voodoo Doll** · 09-17-2009, 09:43 AM

السلام عليكم ورحمة الله وبركاته
أولا بالنسبة للتعامل مع الناس دي
انا رأيي هو التجاااااااهل
الناس اللي من النوع دا بيبقو شايفين انهم احسن منك واعلى منك وبالتالي نظرتهم لنصيحة منك او تعليق بتكون كاهانة ليهم
طبعا التجاهل مش عشان خوف منهم
بس المتكبر دا مشكلته بتبقى اصعب
يعني الصفة دي بالذات معالجتها صعبة جدا لأن المتكبر نفسه هو الوحيد اللي يقدر يعالج نفسه
دا زائد ان الكبر لو تطور ممكن يوصل الانسان لنتايج هو مش أدها
منها الالحاد والعياذ بالله :(

**ساره مجدى** · 09-17-2009, 02:48 PM

موضوعك جميل اوى يا حسن
وانا رأى ان الأنسان الى بيتكبر او بيتغر عليك
ممكن تتعامل معاه بس بحدود شويه
اما النسان الى بيعيرك بالحاجه الى بيعملهالك
فالأفضل انك تقطع علاقتك بيه نهائيا
شكرا ياحسن على الموضوع الحلو

**Hassan Mohamed** · 09-17-2009, 05:40 PM

انا بشكر علي واحمد ونعمة وسارة علي مشاركتهم الفعالة جدا في الموضوع

وكل كلامكم بينصب في النهاية ان الشخص المغرور والمتكبر ده انسان مريض فعلا

ولازم نتجنبه نهائيا

شكرا ليكم جميعا ومستني اسمع راي بقية الاعضاء

**Yamyam** · 09-17-2009, 07:30 PM

الموضوع جميل يا حسن و منتشر بالفعل

و معظم المتكبرين و المغرورين بيكونوا حاسين

بنقص او انها ترجع لطريقه التربيه يعنى ممكن

اهله يحسسوه ان مفيش ذيه او انه فوق الناس

و ربنا يهدى انشاء الله

**اسامه البنا** · 09-17-2009, 07:37 PM

والله يا حسن

انت ممكن تقولهم بشكل بسيط
وواضح مباشره مني له

وكمان ممكن يكون الشخص الي فهم انه غرور يكون غلطان

لان الناس درجات في العلم والدين والحياه

يبقي كل واحد لازم ياخد قدره

يعني انا لو في الموقع هتخيل ان الاستشاري مغرور مع ان ده منصبه كده

والحكايه تبقي اننا مهما نكون مش هينفع ولا نقدر نحكم علي حد انه مغرور ولا لا

وموضوع جميل يا حسن

**S2AH** · 09-17-2009, 07:40 PM

جزاك الله كل خير يا حسن على الموضوع المهم دة
وفعلا المتكبرين فزمنا دلوقتى كتيير وبدليل انتشار الفقر بصورة مش طبيعية بمعنى ان لو كل واحد معاة منصب او غنى ويقدر انة يساعد الفقير وميتكبرش علية ويساعدة من غير ما يذلة وقتها فى فى مشاكل كتير هتتحل
والكبر دة مرض من امراض القلوب وصعب علاجة الا اذا حس الانسان المتكبر بالانكسار
وطبعا هنتعامل مع الانسان المتكبر بتجاااااااااهل وقتها هيعرف قيمة الحياة من غير حب الناس لية وانها ملهاش اى لازمة
وبعدها هيغير تعاملة مع الناس اكيد لانة مش هيفضل عايش لوحدو
شكرا ليك على الموضوع

**Hassan Mohamed** · 09-18-2009, 01:38 AM

شكرا يا نادية ويا اسامة ويا سيحا

ومنتظر راي بقية الاعضاء

الموضوع: الغرور والتكبر ..... مرض العصر

أدوات الموضوع

عرض

الغرور والتكبر ..... مرض العصر

الكلمات الدلالية لهذا الموضوع

المفضلات

المفضلات

ضوابط المشاركة