لو تكشر هتكشر ليه ... ولو تبتسم هتخسر ايه ؟!

[Zooma]

ازيكم جميعا عامليــين ايه ؟؟
ع فكرة ان كل اقولكم عملين ايه ومحدش بيرد :D:D
بتشكروا ف الموضوع وبس.

هحكى ليكم النهارده قصه كده صغيرة نطلع منها
بحاجه جميله اوى يالا بينا نبدأ :



كان ف مرة طفله من ايلى هما بيبيعوا المناديل ف الشارع
وهى ماشيه شايله المناديل ع ذراعها بصت لاقت سيده
تبكى وقفت كده قدمها شويه السيده رفعت راسها تشوف
مين ايلى واقف قدمها فوجئت الطفله بعيون السيده ايلى
مليانه دموع راحت مديها منديل من بضاعتها ومعها ابتسامه
من اعماق قلبها.

المهم اديتها المنديل ومشت قبل ما السيده تديها
تمن المنديل ناديت على الطفله بصتلها ولسه الابتسامه
ع وشها وشورت ليها بايدها الضغيرة " لا مش عايزة فلوس ".
بعد لحظات طلعت السيده الموبايل وبعت رساله
"" آســفه... حقك علي !! ""
وصلت الرساله لزوجها ايلى قاعد ف المطعم مهموم حزين
فلما قراها ابتسم واعطى للجارسون 50 جنيه مع ان
الفاتورة ب 5 جنيه بس.

طبعا فرح الجارسون البسيط بالمبلغ ده راح عند واحده
غلبانه فارشه ع الارض بتبيع حلويات اشترى منها بجنيه
وسبلها 10 جنيه فرحت الست الغلبانه وقامت وهو قلبها
يرقص من الفرحه وراحت للجزار واشترت منه قطعه لحمه
ورجعت لبيتها عشان تطبخ اللحمه لحفيدتها.لحظات واتفتح
الباب ودخلت منه الطفله بائعه المناديل وهى ع وجهها الابتسامه
التى كانت السبب ف سعادة الجارسون وجدتها.

وعن أبي ذر -رضي الله تعالى عنه- قال: قال رسول الله صلى الله عليه وسلم:
" تبسمك في وجه أخيك لك صدقة.. "

ايه رايكم لو أن كل مننا حاول يعمل زى ما عملت الطفله:
- ماذا لو حاولنا رسم ابتسامة من القلب على وجه مهموم.
- لو حاولنا رسم بسمة بكلمة طيبة.
- بلمسة حانية على كتف أم مجهدة ... أب مستهلك.

- بمحاولة مسح دمعة انحدرت من قلب مثقل بالحزن.
- بصدقة قليلة لمتحاج لا يجد ثمن رغيف الخبز.
- بهدية بسيطة لمريض حبسه المرض.
- برفع سماعة الهاتف للسؤال عن رحمك الذي لم تسأل عنهم منذ العيد.
- بالمسح على رأس يتيم وجد نفسه كفرخ طير في مهب الريح.

ف طرق كتيرة لا تعد ولا تحصى لرسم البسمه ع وجوه الاخرين
فقط لو خرجنا من أحزاننا ورسمنا البسمة على شغاف قلوبنا
- لو تذكرنا نعم الله تعالى التي أنعم بها علينا ..
- لو لم نسخط على ما فاتنا من حظوظ
- لو رسمت بسمة على وجهك فسترى الدنيا مشرقة
- كن جميلاً ترى الوجود جميلاً

ياريت الموضوع يكون عجبكم
وده الحديث الكامل
عن أبي ذر -رضي الله تعالى عنه- قال: قال رسول الله صلى الله عليه وسلم:
"تبسمك في وجه أخيك لك صدقة، وأمرك بالمعروف ونهيك عن المنكر صدقة، وإرشادك الرجل في أرض الضلال لك صدقة، وبصرك للرجل الرديء البصر لك صدقة، وإماطتك الحجر والشوكة والعظم عن الطريق لك صدقة، وإفراغك من دلوك في دلو أخيك لك صدقة" أخرجه البخاري

[Hassan Mohamed]

وحوي يا حازم

[mony]

قصة جميلة يا حازم

فالابتسامه صدقه

تسلم أيدك

[medhat abotaleb]

:)
بكده اكون اول واحد عمل صدقه فى المنتدى
الله ينور ياحازم
ويارب تسعد بأول مشاركة منى فى موضوع ليك

[alaa eid]

موضوع بجد راااااااااااااااااااائع يا حازم



الله ينور عليك



عايزة كده علي طول اشوف مواضيعك الحلوة ديه



جزاك الله كل خير



:):):)

[sweet girl]

جميييييييل جدا يا حازم
ومعناه رااااائع جدااا
الله ينور
جزاك الله خيرا

[AHMED FTIHA]

الله عليك يا حازم بجد موضوع هايل جدا عجبنى اوى الصراحه الموضوع دة
جزاك الله كل خير ومتميز على طول

[ALY ELSAYED]

الله ينور ياحازم

واحب اطمنك اني الحمد الله بخير

يارب انتا كمان تكون بخير

والموضوع رائع وهادف جدا

:):):):)

جزاك الله كل خير

[Zooma]

وحوي يا حازم

:D:D:D:D:D:D
وحوى يا بو على " اضرب قرصيا "
بس ماقولتليش الموضوع عجبك ولا نو

[Zooma]

قصة جميلة يا حازم
فالابتسامه صدقه
تسلم أيدك

انتى ايلى تسلمى يا جميل

:)
بكده اكون اول واحد عمل صدقه فى المنتدى
الله ينور ياحازم
ويارب تسعد بأول مشاركة منى فى موضوع ليك

اووووووو فعلا سعيد بقى ف حد يكون
عنده رد زى ده ومش سعيد نورتى يا مدحت والله