لن انساكم ابدا ..... رساله اطفال الشوارع بالصور

**Mahmoud Slem** · 10-21-2009, 01:45 AM

بسم الله الرحمن الرحيم

صـــــور الطــفـل الـذى أبـــكـى العـالــــم ....... و الله قـلـــــبك هــيتـوجـــع

مرفق 15 صــــورة للواقعة

إليكم هذا الحوار .....

أنا : أسمك بالكامل
هو : مش عــــــــــــارف
----------------------------------------------------------------------------------

انا : عنــــوانـــك
هو : اى رصــــــيف فى الشارع
----------------------------------------------------------------------------------

انا : نوعــــك
هو : ولد أو بنت مش هتفرق كلنا بنتعامل نفس المعاملة

---------------------------------------------------------------------------------

أنا : اسـم أبــــــوك .... ؟
هو : ممكن يكون أى عضو فى منتداكم ابنه تـــــاه أو أتــــخطف

---------------------------------------------------------------------------------

أنا : طيب أمــــــك ... ؟
هو : ممكن تكون واحدة غلطــــت .. وخـــافت .. فرمـــتنى
-------------------------------------------------------------------------------

أنا : مين أصــحابك .... ؟
هو : بلية و اللمبى و حنتيرة ... اللى أنت شايفهم فى الصورة ديه

أنا : هما بيعملوا أيه فى الصورة ديه
هو : ديه قعدة كلة و سجاير .. بنشمها علشان منتوجعش و ننسى همومنا

-------------------------------------------------------------------------------

أنا : فيه حد بيساعـــدك ... ؟
هو : لأ .. قليل قوى ... أنا بشوف الأعلانات و الحملات علشان الأيتـــام .... بس ناسيين أطفال الشوارع ... هو احـنا مـش أيتام برده ...

-----------------------------------------------------------------------------

أنا : طيب رمضان داخل و أكيد فيه خير كتير بيجلكم

هو : والله الناس بتــطردنا من موائد الرحمن ..... بيــقرفوا مننا .. هو مش المفروض الاكل ده لينا .. ولا علشان العمال و أصحاب المحلات و الناس اللى مش بيلحقوا يروحوا بيتهم

أنا : حسبى الله ونعم الوكيل
--------------------------------------------------------------------------------

ملحوظة : نقلاً عن جريدة الأخبار .... مصر تستورد بـ 150 مليون جنيه أكل قطط و كلاب ... سأتحدث عن مصر فقط منعاً للحساسية ... فهى وطنى و أنا اعاتبه

انا :بس أنت طفل شارع فى منطقة راقية زى ديه .. أكيد الأغنياء هنا بيساعدوكم
هو : (بيضحك )

أنا : بتضحك ليه ..
هو : أصلى بشوف الناس هنا بيشتروا علب اكل للقطط و الكلاب بتاعتهم ..... والله علب شكلها حلو قوى ... يعنى لو حد منهم أدهالى مش هقول لأ ..

---------------------------------------------------------------------------------
أنا : طيب بتاكل منين ..؟
هو : الحمد لله .. مش بحسبها ... وزى ما حضرتك قلت فى الموضوع الأولانى أن الزبالة فيها وجبات كفاية لينا

--------------------------------------------------------------------------------

أنا : طيب كويس انك بتاكل ...فين ناس فى أماكن تانية بتموت من المجاعات
هو : هما بيموتوا مرة واحدة .... أحنا بنشوف الموت بعنينا كل يوم ...

-------------------------------------------------------------------------------

انا : نفسك تطلع أيه .. ؟
هو : انا مليش أختيارات ... أنا مصيرى معروف
------------------------------------------------------------------------------

انا : ايه أكتر حاجة لما تسمعها بضيقك ....
هو : لما بسمع عن فلوس الســينما

انا : فلوس أيه ... قصدك أيــــرادات الأفــلام ....
هو : اه .. اصل الواد حنتيرة بيعرف يقرا .. وبيقولنا أن الفيلم بيعمل فى الأسبوع بتاع 10 مليون جنية ......... ده الرقم ده يحل مشكلة أطفال الشوارع كلها

أنا : يااااااااااااااااااااااااااااااااااااه .. ده انت فيلسوف .. أزاى ماجاش فى بالى الموضوع ده

------------------------------------------------------------------------------

أنا : أيه أكتر مشهد بتشوفه بيوجعك ...

هو : لما بشوف أب ماسك أيد أبنه ...
ولما الناس بتطلع بأكياس كتير مش قادرة تشيلها من السوبر ماركت .....
لما أشوف زحمة العيد والناس بتشترى هدوم لولادها ....
لما الشتا والمطر ينزل والناس بتجرى على بيوتها بس أنا مبعرفش أجــــــــرى فين
ولما .............................................

أنا : (قاطعته ..) كفاية كفاية والله وجعت قلبى

--------------------------------------------------------------------------------

هذه الصورة للبلطجى الذى اغتصب وقتل أكثر من 20 طفل فى مصر

أنا : طيب نساعدك أزاى .. تاخد فلوس ؟
هو : لأ .. لأ ... لأ

أنا : مالك فيه ايه
هو : الناس فاكرة انها بتدينا أحنا ......... الفلوس ديه بيلمها منا بلطجى ..... وكل منطقة ليها واحد مسيطر عليها

-----------------------------------------------------------------------------

أنا : طيب تحب الأعضاء فى المنتدى يساعدوك أزاى ... أن هوصل صوتك ليهم

هو : يساعدونا بأى حاجة نـــاكلها ... لقمة نضيفة وخلاص

يساعدونا بأى لبـــس قــديم عند ولادهم ... يستر جسمنا

يساعدونا ببطــــانية مقطــــعة علشان الشتا

يساعدونا بفلوس بس مش كتير حاجة بسيطة قوى ... علشان البلطجية بيضربونا لو مجبناش إيراد

يساعدونا بدعوة من قلبهــــــــــــم

--------------------------------------------------------------------------------

وجدته يتوقف عن الكلام و دموعه تلمع فى عينيه ...

أنا : مال فيه إيه ...
هو : ..................
-------------------------------------------------------------------------------

اختنق صوته وتكلمت دموعه ...... بكى و انتفض جسده الصغير
يااااااااااااااااااااااااااااااااااااااااااااالله

عجزت عن التماسك وأنهرت باكيا
احتضنته بكل قوة (تناسيت رائحته المقززة .. والأوساخ التى تعلو جسده ) .....

بكينــــــــــــــــــــــــــا معا .... وأصدر هدير بكائنا لـــــحن الألم وقسوة البشر

أنتهى الحوار ولم تنتهى المأساة

أطفال الشوارع لن أنساكم و لن تموت قضيتكم

**Mahmoud Slem** · 10-21-2009, 01:46 AM

أنا لا أريد حملة .. لأن الحملة سيأتى وقت لها وتنتهى
أريد رسالة أحفرها فى القلوب

من فضلك شاركنى الرســــــالة

أذا كنت عضواً
أحيى الموضوع بكلمة للرفع ... وان لم تجد تعليق ... من فضلك أكتب (أطفال الشوارع لن أنساكم و لن تموت قضيتكم ) حتى لا تموت الرسالة وسط باقى المواضيع ...

واذا كنت زائـــــرا
فأنا أسمح بنشر الموضوع فى أى منتدى اخر حتى تعم الفائدة ... وتذكر أن الدال على الخير كفاعله

**Marwa Mahmoud** · 10-21-2009, 02:08 AM

ياااااااااااااااااه بجد موضوع يوجع القلب

الواحد مش لاقى كلام يقوله

كل اللى اقدر اقوله ان ربنا موجود ليهم رب اسمة الكريم

دول عند ربنا احسن منى ومنك ومننا كلنا يا بختهم

لم يزوقوا نعيم لدنيا قط ولكن نعيم الاخرة ينتظرهم

بشكرك على الموضوع وجزاك الله كل خير

**Mahmoud Slem** · 10-21-2009, 02:16 AM

جزانى الله واياكى كل خير
ويارب الموضوع ده يوصل لناس كتير معانى يفهموها
وفعلا الاطفال دى انا بحس نحيتهم بشيئ من الحزن والالم
الاطفال مش اللى عايشين فى الشارع لا الاطفال دول ربنا يحميهم
شكرا لرد حضرتك

**إسلام محمد** · 10-21-2009, 02:39 PM

جزاك الله خير

على فتح هذا الموضوع

مشكلة اطفال الشوارع فعلا لازملها اى حل

عشان الاطفال دول حالهم صعب جدا

ربنا يكون فى عونهم ويسترهم و....

أطفال الشوارع لن أنساكم و لن تموت قضيتكم

بل سننساهم وستموت قضيتهم ولكن بعد حلها إن شاء الله

**Mahmoud Slem** · 10-22-2009, 12:12 AM

شكرا ليك يا اسلام واتمنى يكون فى وقفه ولو كل واحد وقف وعمل حاجه بنفسه
حاجات كتير هتتغير

شكرا ليكم جميعا

**Ma7amed Adel** · 10-22-2009, 12:55 AM

أطفال الشوارع لن أنساكم و لن تموت قضيتكم شكرا ليك يا حوده وفعلا كلام موثر

**Mahmoud Slem** · 10-22-2009, 01:12 AM

العفو يا محمد
شكرا ليك انت ويارب فعلا الناس كلها تكون استفادت
انا بشكرك جدا

**Ahmed Mohamed** · 10-22-2009, 01:32 AM

(أطفال الشوارع لن أنساكم و لن تموت قضيتكم )

فعلا يا حودة قضية لازم تتحل وجزاك الله الف خير بجد
مشكووووووووووووووووووور اوي انك فتحت الباب لمثل هذه القواضي
لان بجد دي من اهم المشاكل اللي بتواجهها مصر

فيه ناس عايشة في رفاهية ملهاش حدود وهما لو اتبرعوا ولو بجزء ضئيل من احتياجتهم اليومية من ملبس وماكل ومأوي واشياء اخري مادية
بجد علي الاقل ربع المشكلة حتتحل

وربنا يبارك فيك يا جميل

**GooD_DrSh** · 10-22-2009, 05:10 AM

الموضوع فعااااال بجد
وقضيه مثيره جداااا وياريت نجد لها حل ان شاء الله
بس يريت نعرف نساعدهم ازاى او نوصلهم ازاى ..
يعنى مثلا عن طريق جمعية رساله .. او نوصلهم ازاى .. يريت لو عندك حضرتك اى معلومه او نوصلهم ازاى توضحها لينا ويبقى ليك جزيل الشكر

ThanX

الموضوع: لن انساكم ابدا ..... رساله اطفال الشوارع بالصور

أدوات الموضوع

عرض

لن انساكم ابدا ..... رساله اطفال الشوارع بالصور

الكلمات الدلالية لهذا الموضوع

المفضلات

المفضلات

ضوابط المشاركة