انتخابات مندوب تالته نظم معلومات

[Horiaa Swedan]

بسم الله الرحمن الرحيم

والصلاه والسلام على اشرف الخلق اجمعين

انتخابات مندوب الفرقه الثالثه نظم معلومات

غدا باذن الله ستقام انتخابات الفرقه الثالثه شعبه نظم معلومات بعد محاضره النصوص وقبل محاضره الاقليم الخاص

اتمنى منخدش وقت كتير ولا يحصل هرجله

وياريت اللى شايف حد كويس ينتخبه لان ده اللى حيمثلكم زى احمد حسنى بيمثل شعبه المساحه والخرائط

ياريت اللى عايز يرشح نفسه يسيب اسمه هنا ويكون فى الكليه فى المعاد المحدد

واللى شايف ان فى حد يستاهل انه يمثلكم ياريت يختاره هنا

اتمنى لكم التوفيق وياريت متستهتروش بالموضوع.

طب يعنى ايه مندوب ؟؟

مندوب الفرقه :

1-هو شخص يمثل الفرقه باكملها فى اى شئ لو فى مشكله او طلب عايزينه من دكتور او من معيد او من اى حد.

2-لو فى نشاط ما او طلبين رحله علميه او ماشابهه ذلك هو اللى حيوجهكم .

3-لو فى موعيد حتتغير او اى شئ طلبه منا الدكتور فى اى ماده هو اللى حيكون مسؤل يبلغنا.

4-لازم اللى يقدم نفسه يكون يتسم بالاخلاق الحميده وحسن التعامل والتصرف لانه حيكون وجهه دفعه.

5-تكون ناس كتير تعرفه او يبدأ يعرف نفسه للناس.

6-ميكونش عصبى ويقدر يوزع وقته اولا للدراسه احنا مش بنعطل حد.

اتمنى التوفيق للجميع

اختكم حوريه مساعد امين الجمعيه الجغرافيه.

[mesa7a3]

ارشح الاخ KAREEM

موفقين بإذن الله ... لكم مني أجمل تحية

[Horiaa Swedan]

ميرسى يا عمرو على مشركتك الفعالمه وفعلا كريم انسان يستاهل لانه خدمنا كتير وجزا الله خير بس للاسف انا مليش صوت اقدر احطه بس لو كان ليا برضوا مكنتش حقدر اقول لان كلكم اخواتى واصحابى وبتمنلكم كل خير

[KAREEM]

اخوانى واخواتى طلاب الفرقة التالتة
سلامو عليكو
اتمنى تكونوا بخير
أولا انا لسه متفاجىء بالموضوع حالا
واتفاجأت كمانت من كام يوم ان كذا واحد طلب
منى انى ارشح نفسى وعطونى حجم أكبر منى
لكن لما فكرت كويس لقيت انى كدا كدا انا بحب اساعد
وكدا كدا انا حخدم زمايلى سواء نجحت كمندوب او منجحتش
ولكن لما لقيت ان حكاية مندوب ديه ممكن تساعدنى اكتر
انى اقدر افيدكم بصورة اكبر قررت انى ارشح نفسى كأخ ليكم
عايز يخدكم بجد لان خامد القوم سيدهم وانا مش بدعى ذلك
لكن محبتش ان حد يمسك حكاية المندوب ديه ميكونش قدوة
او يكون واخدها استهتار زى ما بيحصل فى بعض الاقسام
بيكونوا واخدين حكاية المندوب ديه عشان يوصلوا او يتقربوا للدكاترة
يعنى انا مش شايف مندوب دى منصب لكن شايفها مسئولية كبير
أرجو انى اكون أدها وان صليت استخارة والحمد لله مستريح نفسيا

** بشكرك جدا أخى عمرو على ترشيحك ليا وادى ثقة كبيرة ان شاء الله
اكون أدها وربنا باذن الله هيعينى لانى مطلبتهاش لكن فى كذا حد هو
اللى طلب منى حكاية المندوب اللى مكنتش فى دماغى

انا مش هوجع دماغكوا كتير وحقول على

برنامجى النتخابى

- بالنسبة للمهام اللى قالت عليها حورية فانا بعون الله اكون قادر
عليها كلها ولو قصرت فى حاجة فيها لازم انتوا تردونى وتفوقونى
لانى فى الاول وفى الاخر اخوكو
- المحاضرات لجميع المواد حتنزل كلها على المنتدى باذن الله من اليوم
مع فريق العمل الموجود بالمنتدى وباذن الله كل فرقتنا تخش على المنتدى
وتتفاعل معاه بعد الشغل الجامد اللى حاصل فى الملتقى بتاع الفرقة التالتة
- فى حفلة قال عليها دكتور على زكى هيعملها للفرقة التاالتة مساحة وايضا عامة
واحنا باذن الله هنسعى من خلال الجمعية الجغرافية فى انجاح الحفلة بتعاوننا معاهم
- لو اى دكتور طلب مننا أى حاجة نشتريها خرايط اتو أى حاجة حنجمع مع بعضينا
ونخلى حد من اخواننا فى سنة رابعة يجيبها لنا بسعر الجملة ونبقى وفرنا واتعاوننا .
- بالنسبة للورق زى النجليزى مثلا حيتصور من خلالى ونجمع مع بعضينا كمجموعات
بدل ما يحصل اللى حصل فى ورق الانجليزى انا نفسى دوخت على الورق
وهيكون بسعر أقل من اللى بنصور بيه فى الكلية
- أى شىء مش واضح بالنسبة للمنهجج او اى استفسار بخصوص المنهج او الامتحان
اوى أى شىءممكن حيتم السؤال من خلال الجمعية الجغرافية عن طريقى يعنى
اى حاجة حضراتكم تطلوبوها حنكتبها واقدمها للدكتور من خلال الجمعية الجغرافية
وهو دا دورى واى حاجة تانية اقدر اعملها مش حتأخر لان زى ما حبيبنا النبى قال
(( خير الناس أنفعهم للناس ......... ولئن أمشى مع أخ لى فى حاجة أحب إلى من أن اعتكف فى مسجد المدينة شهرا ))

** فى مفاجأت كتير بفكر فيها مع المناسبات اللى جاية ححاول انفذهالكم بس فى وقتها

*** فى حالة وجود أى اقتراحات هيتم عمل موضوع خاص ع المنتدى نتلقى فيه الشكاوى والاقتراحات
لكن مننساس ان المنتدى زى ما قالت اختنا حورية للخريجين واحنا زيادة عليه كطلبة
فهتكون وسيلة اتصالنا الاساسية هو القسم والمحاضرات وغيره



(( أسأل الله العظيم أن يوفقنى لهذا الامر ان كان خير لى فى دينى ودنياى ،
وأن يبعدنى عنه ان كان شر وأن يوفقنى الى ما يحب ويرضى ))

جزاكم الله خير

[Horiaa Swedan]

الله ينور يا كريم بدايه مشرفه واتمنى الباقى يتفاعلوا معانا عشان نقدر نوصل للحسن

[سندريلا]

ايه البرنامج الانتخابى الجامد دة يا كريم


لا واللهى شغل جامد ربنا يوفقك

[KAREEM]

على فكرة ياجماعة
الكلام اللى انا قلته دا
هنفذه ان شاء الله
سواء بقيت مندوب أو مبقيتش
لان الغرض فى النهايسة اننا
نساعد مع بعضينا ونبقى دفعة متعاوة
وجزاكم الله خير
ويارب أكون أد الكلام والمسئولية ياسندريلا

[olivia nader]

انا كمان برشح كريم
انا متعاملتش معاه فعليا
و مش اعرفه
بس فعلا هو انسان كويس جدا و باين من المنتدي
و واضح انه يقدر يتحمل المسئوليه و عنده ضمير في كل حاجه
انا كنت مرشحاك احسن عضو كمان
اتمني ان شاء الله انك تكسب

[ALY ELSAYED]

الله ينور يا حوريه

فعلا كريم واضح انه راجل محترم

وحيقدر يفيد نفسه ويفيد اصحابه

اتمنلكم التوفيق

جزاكم الله كل خير

[KAREEM]

شكر ليكم ياجماعة
وشكرا لكل اللى وضعوا ثقتهم فيا
ويارب أكون عند حسن ظنكم
وان شاء الله اكون أد الثقة دى
والمسئولية وأول حاجة أحب أقولها
انى بشر زيكم بل اقل منكم ولو
حد شاف منى تقصير يقوللى
ولو حد عنده اقتراح يخش يقوله
هنا فى موضوع الاقتراحات والشكاوى
هينزل على الملتقى بتاعنا او فى القسم
ذات نفسه لان كل دا فى الاخر فى صالحنا
حاجة تانية انا مبعتبرش مندوب دى منصب
دى مسئول وانا بقول انا مش مندوبكم
انا خدامكم وانا مش مكسوف وان بقولها
لان سيدنا النبى عليه الصلاة والسلام
قال خادم القوم سيدهم وخيرالناس أنفعهم
للناس يعنى كل واحد فينا هيساعد زميله
ربنا هيكرمه على أد اللى بيعمله

وانا نسيت اقول حاجات من ضمن البرنامج الانتخابى
- زى مناديل معطرة لكل مواطن
- واحد فول من ابوربيع وواحد فلافل من عند هاريدى وواحد كبدة من عند فهمى يوميا
- الخطة بقى للترم التانى لاب توب لكل طالب بالشطة بتاعته كماااان



طبعا كل دا كان هذار والجد بدأ خلاص عايزين نركز فى محاضرتنا
ونتعاون مع بعض اننا نظهر بأفضل صورة أودام الدكاترة
يعنى الموبايل اللى رن النهاردة مش عايزين المنظر دا يتكرر
تانى وبقترح اقتراح لو وافقنا عليه كلنا ممكن يتنفذ
ولو نجح عندنا هنعممه على كل القسم ويمكن الكلية
** بقترح لو موبايل طالب رن فى المحاضرة يبقى عليه
غرامة مالية بسيطة وليكن اى مبلغ 2 جنيه مثلا
ممنك تضحكوا منه بس المبلغ دا هيخش لصالح الجمعية
الجغرافية اللى هى بتخدمنا فى الاخر للقسم
طبعا دا كلام دردشة دلوقتى انا هتكم فيه مع مسئولى الجمعية
بعد ما أخد آراء حضراتكو ا المبدئية فى الفكرة دى
وممكن كمان تتعمل على موضوع التدخين فى اقسم لو حبيتوا
وأعتقد الفكرة دى لو لاقت قبول تحل مشاكل كتيييييييير فى القسم


طولت على حضراتكم آسف
بس اتمنى نكون شعبة متعاونة
زى ما قلنا النهاردة عشان الدفعات
بتشتغل بسمعتها عايزين تبقى سمعة
دفعة 2011 كلها محترمة مساحة ونظم

جزاكم الله خير ,,,,,,,,,,,,,

-