فكره وياريت حد يرد عليا او يقترح عليا اقترح احسن !!!!!

**ahmed ghareeb** · 10-28-2009, 11:02 PM

السلام عليكم ورحمه الله وبركاته

كان ليا اقتراح صغير على قدى وده لطلبه 3 مساحه
احنا يا جماعه اول ما اتقبلنا فى الشعبه كان عددنا حوالى 132 طالب فى الشعبه ومن يومين سمعنا ان بقينا حوالى 194 طالب تخيلو العدد ده قد ايه وكلنا عارفين ان احنا مطلوب مننا رسم خرائط فى سنه 3 وفى سنه 4 واحنا بنرسم الخرائط دى على تربيزات وعلى ما اظن ان فى القسم حوالى 3 تربيزات بس دول اللى شفتهم فى مدرج 58 فعدد الطلاب الكبير ده هيقدر يتحمل 3 تربيزات بس ولا كل مجموعه هتقعد تتعارك مع التانيه علشان التربيزه ويبقى شكلنا وحش

اقتراحى .ان شعبه 3 مساحه تقدم طلب لرئيس القسم ان القسم يوفرلنا التربيزات دى ولو ان الموضوع ده منفعش ممكن الرابطه تجتمع بالطلبه بعد محاضره ولا حاجه وتطلب من كل طالب انهم يخدو منو مبلغ معين بحيث ان احنا نجمع فلوس ونعمل تربيزات تانيه على حسبنا وفى الاخر ده لمصلحتنا وهيبقى فى صورتنا احنا لما الدكاتره تقول ان شعبه 3 مساحه هى الكلام ده ده كان اقتراحى وياريت حد يوافقنى فيه او يقترح اقتراح احسن من كده علشان نبدا نتحرك من دلوقتى

**ALY ELSAYED** · 10-28-2009, 11:08 PM

والله دي كلام جميل اوي يا احمد

ظبط مع زميلك وكل واحد يساهم بالي بقدر عليه

واكيد الرابطه والدكتور سيد حيدعمكم

ربنا يوفقكم

**Wild_Angel** · 10-28-2009, 11:18 PM

والله اقتراح جميل
بس للاسف ممكن فى القسم يقولو الميزانيه متكفيش
بس لو ممكن فعلا اى حد يتبرع مثل الرابطه بأنها تتولى هذا الموضوع وتحاول انها تهدى ترابيزات للدفعه
واتمنى من كل قلبى
ان القسم يعمل مكان للرسم (مرسم )
لاننا بالفعل وجودنا فى طرقة القسم شئ متعب جداً
على الاقل ان المرسم يحوى 10 ترابيزات ويكون جيد التهويه

يا جماعه بجد معظم الدفعات اللى اتخرجت حاولت بكل الطرق حل مشكلة الترابيزات اننا نقسم عددنا على ايام الاسبوع
بس الاقتراحات دى عشان العمل يكون بشكل اسرع وافضل
وأسفه على الاطاله

**Ma7amed Adel** · 10-28-2009, 11:21 PM

اقتراح جميل جدا منك ويارب تسعو الى ان تحولو ان تشتروا ويستفيد منها الجميع

**sajen_zenda** · 10-28-2009, 11:27 PM

فعلا الاقتراح اللي اقترح الاخ كويس جدا اننا نجمعوا وكده حتي ولو نشتروا تربيزات علي حسابنا اصل فعلا مش هينفع خاصه ان عدد التربيزات 3 وبعين العقل وبحسبه بسيطه لو اتقسموا علي عددنا يبقي مش هنخلص ولا اي شغل هيتم مننا فياريت نبص للموضوع ده بعين العقل شويه وشكرا

**maroooo_14** · 10-28-2009, 11:58 PM

والله بجد اقتراح جميل جدا جدا وكمان طالما احنا حندفع فلوس يبقى اكيد القسم حيهتم وانا مستعد للدفع وكمان اول واحد.
كمان لو الموضوع ده حيتم ان شاء الله يبقى طلبة سنة رابعة هى كمان حتشارك اكيد معانا ده لو الموضوع حيخلص على طول عشان هما كمان يستفيدوا بيها كمان

**دندونه** · 10-29-2009, 08:20 AM

انا موافقه بجد على الفكره دى وكويس ان فى ناس بتبص وتفكر لادام مش دلوقتى وبس وياريت نلاقى حل بجد لان انا اعرف ناس صحابى كانوا بييجوا من الساعه7ونص الصبح
عشان يلحقوا يخدوا تربيزه فياريت نلاقى حل بجد

**Ahmed Mohamed** · 10-29-2009, 12:10 PM

ربنا معاكم وتلاقو حل بجد عشان احنا فكرنا في كده السنة للي فاتت والطلبة احتجت علي دفع فلوس

وطبعا بما ان الطلبة والطالبات امتنعوا يبقي اكيد الاقتراح باظ بس انتم شدو حيلكو

ولو دفعتكم رضت علي الاقتراح ده نفذوا في اسرع وقت عشان تلحقوا

وربنا معااااااااكم باذن الله ويوفقكم

**e4e** · 10-29-2009, 11:25 PM

السلام عليكم ورحمة الله وبركاته
فعلاً اخى فى الله الترابزات ده مشكلة كل سنة. والسنة ده الدفعة زاد عددها جداً ووصل الى 234. فعلينا ان نتوصل الى حل عملى يرضى كل الاطراف . وتأكد اننا لن نحصل على موافقة 100% على اى قرار نتوصل اليه بأذن الله.
فالمطلوب الى ان نتوصل الى قرار يرضى الاغلبية ثم المضى فيه انشاء الله.
وكما ذكرت اخى الفاضل الخطوة الاولى هى كتابة طلب وليكن تحت اشراف أحد الدكاترة فى القسم والذى سيتفهم المشكلة انشاء الله او احد السادة المعيدين ومن ثم أخذ تواقيع أكبر عدد ممكن من الطلبة لهذا الطلب. ونرجوا من الله التوفيق.
الحل الآخر لا قدر الله اذا لم يتم الموافقة على الطلب من الممكن محاولة ان نجمع مبلف مالى من الطلاب لشراء ترابيزات اذا وافق ما نسبته 90-95% من الدفعة.
وجزاكم الله خيراً.
وفقنا الله واياكم الى ما يحبه ويرضاه.