مسائل فى الاوتوكاد

**Mohamed Gaber Aly** · 02-06-2010, 08:05 PM

حل المسأله الثالثه:
كانت المسأله مقدمه من الزميل احمد والذى يطلب تحويل النقاط من الاكسيل الى الاوتوكاد وكذلك رقم النقطه والكود.
وقد قمت سابقا بوضع رابط لبرنامج يستطيع ان يقوم بتحويل النقاط وارقامها واكوادها من والى الاوتوكاد.
ولكن كان السؤال هو كيف نفعل ذلك من خلال الأكسل.

اولا فى الاكسيل

نقوم بعمل جدول مماثل وبنفس ترتيب الصفوف والاعمده يفضل ان يحتوى على نفس القيم ايضا ثم ادخال المعادلات كما هى موجوده فى المربعات التى تظهر تحت الجدول.

فى الاوتوكاد

نقوم بعمل 3LAYER وذلك لادراج النقطه ثم رقم النقطه ثم الكود.

نختار اولا LAYER النقطه تكون هى ال CURRENT LAYER ثم ناخذ نسخه من الاكسل للعمود الذى يحتوى على معادله النقطه.

نقوم بعمل PASTE فى الاوتوكاد عند سطر الاوامر بجوارCOMMAND: سيقوم الاوتوكاد برسم النقاط فى مكان احداثياتها الموجوده فى الاكسل.

نطبق نفس الشئ على رقم النقطه والكود فيظهر لنا فى النهايه النقاط وارقامها واكوادها وكل فى LAYERمستقل نستطيع ان نتعامل مع كل على حده.

وذلك لتغيير اللون او التحريك من مكان الى اخر او الى تكبير وتصغير الخط او اى تعامل من خلال اوامر الاوتوكاد.

وبذلك اكون قد اجبت على سؤال الزميل احمد فى تحويل الاكسل الى الاوتوكاد.

هناك طرق اخرى يقوم بها بعض الزملاء وياريت كل من لديه طريقه اخرى يبعث الرد هنا ليستفيد كل الاعضاء.

فى انتظار مزيد من المشاكل والاسئله التى تتعلق بالاوتوكاد وتعامله مع مشاكل المساحه.

**eslam mamdouh** · 02-06-2010, 08:15 PM

شرح ممتاز جدا يا بشمهندس

جزاك الله كل خير

بالفعل موضوع مميز ومفيد جدا وتفاعلى

فى انتظار المزيد من حضرتك ان شاء الله

**خالد أبوسعده** · 02-06-2010, 08:29 PM

موضوع ممتاز جدا يا بشمهندس

و استفدت منه فعلا

فى انتظار المسائل الجديده

**Mohamed Gaber Aly** · 02-06-2010, 11:58 PM

شكرا لك يا اسلام انت وخالد على التعليق الجميل.

وانا ياخالد اللى مستنى مسائل ثانيه للى عاوز يشارك عشان نفكر فيها سويا.

وبصفتكم مشرفين فى المنتدى فانتم ادرى منى بمعظم المواضيع فلو ان هناك اى سؤال فى احد المواضيع يتعلق بالاوتوكاد او التحويلات الى البرامج الاخرى يرجى الاشاره اليه هنا لنقوم جميعا بالتفكير فى الحل.

وجزاكم الله خيرا على المتابعه وفى انتظار متابعات اخرى من اعضاء المنتدى.

**Ahmed Waheed Shalaby** · 02-07-2010, 10:08 PM

انا بشكرك جدا يا باشمهندس محمد الفكرة اللى انت عاملة دى كان نفسى اعملها من زمان بس مكنتش عارف اعملها ازاى لانى لسة جديد فى المنتديات انا من المشتركين معاكم ان شاء الله فى الموضوع دة بس انا لية طلب واحد ياريت اى حد عارفة يقولة ازاى ارفع صور الاوتوكاد على المنتدى وياريت لو حد عندة برنامج عمل شروحات دة يكون ممتاز علشان الشرح دة يوصل المعلومة اسرع بس ياريت يكون البرنامج دة لا يعتمد على الكاميرا يكون يعنى بيعتمد على البرنت سكرين لانى معنديش كاميرا وانا ان شاء الله عندى مسائل كتير ممكن نحلها مع بعض ونستفاد منها كلنا بس ياريت يا باشمهندس تهتم بالموضوع وان شاء الله حيكون التوبك دة اهم توبك فى المنتدى ونتناقش ونستفاد كلنا وجزاك الله كل خير

**Mohamed Gaber Aly** · 02-08-2010, 12:00 AM

الزميل العزيز CARTOGRAPHER احنا هنا كلنا واحد واعتبر الموضوع موضوعك لانه فعليا يهمنا كلنا فى خدمه العمل المساحى.

بالنسبه لرفع الصور من على الاوتوكاد فزى ماانت قلت ممكن تعمل PRINT SCREEN ثم ادخاله فى اى برنامج مثل PAINT او لو عندك ADOBE PDF ممكن تطبع اللوحه على ملف PDF. ثم بعد ذلك تقوم بتحميل الصوره او الملف على المنتدى ويفضل انها تبقى صوره لكى تظهر فى الموضوع مباشره.
وده رابط لاحدى الموضوعات بالمنتدى لكيفيه التحميل داخل المنتدى.
http://mesa7a.com/forum/showthread.php?t=681

احنا طبعا يشرفنا انك مشارك معانا فى الموضوع وكل مايزيد عدد المشاركين تزيد المشاكل ويزيد التفكير فى حلها.
انا فى انتظار المسائل الكثيره اللى عندك بس نفسى الناس تشارك وتحاول تجد حلول لهذه المسائل.
وان شاء الله التوبك حيبقى اجمد توبك فى المنتدى بمشاركاتك انت وباقى الزملاء.

**Mohamed Gaber Aly** · 02-08-2010, 12:16 AM

السؤال الرابع

الهدف الاساسى لأى عمل مساحى هو الحصول على الأحداثيات او توقيع الاحداثيات.

فى معظم المشاريع نجد ان المبانى كلها ليست فى اتجاه واحد او ليست مع اتجاه الشمال مما يسبب بعض المصاعب اوالمشاكل فى الموقع عند التوقيع خاصه اذا طلب عمل حسابات فى الموقع فمن الوارد ان تقوم بعمل اى خطأ عند اجراء الحسابات والانحرافات.

السؤال هنا هو: كيف يمكننا بمساعده الاوتوكاد فى المكتب ان نتفادى اخطاء الحسابات فى الموقع وكذلك اهمال حساب الانحرافات.

المسأله الثانيه لم تحل بعد فين المحاولات؟؟
دى مسأله للمذاكرين رياضه فقط !!!!