متيم لينا قصة حقيقية رومانسية.....

[رورو]

@@متيم لينا قصة رومانسية حقيقية@@

بقلم
خالد محمود

الحلقة1


عندما يموت الأمل يمت الحلم


وإذا مات الحلم أصبحت الحياه باردة.. جف فيها نهر الشعور


لا يوجد حزن.. ما دام الأمل في الفرح قد تلاشى


لا يوجد ألم .. ما دامت المعافاة أصبحت لا أمل فيها


لا يوجد دموع .. ما دامت البسمة أختفت !


لا يوجد سوى شئ واحد ..


الامبالاة.


هذا ما كانت تشعر به لينا في الوقت الحالي ..


اللامبالاة


فقدت كل أمل في الحياة..


هي التي كان يضرب بها المثل في تفاؤلها وتمسكها بالأحلام مهما حالت الظروف دون تحقيقها أصبحت لا تبالي


هي التي كانت تتصف بالعند والتحدي والمثابرة .. أصبحت لا تبالي


وكيف لها أن تبالي


تعبت من المثابرة ؟!


حتى التعب لم تشعر به.. تخيلوا!


* جدتي مجموعي لن يدخلني الكلية التي طالما حلمت بها.. لن يدخلني هندسة. ليس أمامي سوى كليات بسيطة


* يا بنيتي اتركيها لله .. أنك فعلت كل ما هو عليك .. وأشهد أنك لم تقصري .. ولكن ما يريده الله هو ما سيكون.. من يدري قد يكون في ذلك حكمة لا يعلمها إلا الله وحدة


انتظري.. ولا تعاندي القدر.. انتظري ما سيفعله بك .. عله يكون أخير مما كنت ستخطارينه أنت .


* كلماتك تطمئنني وتخيفني في وقت واحد .. ولكن ماذا أفعل .. لم يعد بيدي حيلة .. سأسلم لقدره .. سأسلم لقدرك يا ربي


ها هي رغباتي سأقدمها غدا إلى مكتب التنسيق


* ألن تنتظري حتى يأت أخوك لتشاوريه في رغباتك كما طلب منك


* لا يا جدتي .. طالما سأسلم للقدر فلن آخذ برأي سوى رأيه


وفي اليوم الثاني ذهبت لينا مع صديقتها إلي مكتب التنسيق لتقديم رغباتهم


سيهام مكنبتيش ليه كلية تربية أول رغبة زينا


لينا انتو هتقارنوا مجموعكم بمجموعي بس مجموعي يجيب بس معهد خاص في محافظة تانية


غادة متتشائميش جايز أوي يجيلك كلية تربية ونبقى كلنا سوا بدل ما تروحي كلية تربية نوعية على الأقل تربية أحسن من نوعية


لينا مبقتش تفرق


سيهام ليه يا بنتي


لينا كل واحد حر يا سيهام


سيهام أنا غلطانة اني بتكلم معاكي ما أنتي حرة أنا كل لما أنصحك تقوليلي أنا حرة!


غادة ايه يا جماعة اهدواشوية مش كدا.. وانتي يا سيهام استحمليها انتي أكتر واحدة عارفة ظروفها


لينا متزعليش مني يا سيهام غصب عني


سيهام أنتي عارفة أن احنا صح وبتآوحي برضة


غادة سيهام عندها حق انتي اخترتي تربية نوعية علشان قسم الحاسب الآلي


لينا أمال انتوا فاكريني هعمل ذيكيوا.. حلم ضاع..لازم ييجي مكانه حلم تاني .. مش هستسلم أبدا


غادة سيبيها يا سيهام هي حرة


سيهام على العموم أنا عزماكم انتو الاتنين تيجوا تقضوا معايا يومين في المصيف


غادة أنا مش هقدر آجي


سيهام ليه يا بنتي ما تبقيش تلمة بقى


لينا انا هاجي علشان خاطرك بس


سيهام شفتي أهي لينا جاية أنتي مش جاية ليه؟


غادة انتي عارفة .. هاني مش هيوافق اني آجي


سيهام يا دي هاني .. إذا كان من دلوقتي بيتحكم فيكي أمال لما تتجوزوا هيعمل إيه؟ ما تقولي حاجة يا لينا


لينا أقول إيه هي حرة دا اختيارها وهي مقتنعة بيه ما ليش اني أقول رأيي


سيهام حد يشيلها من قدامي .. هتنقطني.. لينا هو انتي ليه هادية كدا


لينا طبيعة فيا أعمل إيه ربنا خلقني كدا


سيهام ربنا يصبرني .. صبرني يا رب


غادة لأ بجد .. انتي هادية كدا على طول


لينا فيه إيه انتوا أول مرة تعرفوني ولا إيه؟


سيهام أصل الصراحة يا لينا محدش بيطيقك من هدوئك دا .. كل الناس فاكرة انك بتصطنعي دا وبيفضلوا يسألوني هي دي طبيعتك معقول ؟


غادة فعلا انتي صوتك رقيق أوي مبتزعقيش ؟!.. زعقي زعقي


لينا بس بقى


غادة وسيهام هههههههههههههههههه هههههههههه
سيهام ولينا على شاطئ البحر


لينا بصي يا سيهام لقيت إيه
سيهام ايه دي .. دي ودعة
لينا آه .. خدي واحدة كمان آهي
سيهام أعمل بيها إيه
لينا وشوشيها
سيهام يا سلام
لينا أنا هقولها نفسي في إيه وهرميها في البحر.. انتي كمان إعملي ذيي
سيهام انتي بتصدقي في الحاجات دي
لينا لأ.. بس مش عارفة عملت كدا ليه.. عادي .. يمكن تجيب نتيجة
سيهام انتي اتمنيتي إيه
لينا مش هقول علشان تتحقق
سيهام عملت مثل لينا وشوشت الودعة ثم رمتها في البحر
لينا لنفسها يمكن امنيتي تتحقق وألاقي الانسان اللي بحلم بيه في الكلية اللي هدخلها
سيهام أختك اتصلت بيكي
لينا آه بالحق دا أنا نسيت اقولل اتصلت بيا وقالتلي إن جواب التنسيق وصل امبارح
سيهام هاه.. وعملتي إيه
لينا تربية نوعية طبعا.. غادة عملت إبه
سيهام .. معايا تربية.. كان نفسي نكون كلنا سوا
لينا ما احنا مش هنسيب بعض برضه.. وبعدين أنا نفسي أدخل قسم الحاسب الآلي
مقولتليش اتمنيتي إيه؟
سيهام لا .. مش هقولك.. عشان يتحقق
لينا هههههههه
كانت مفاجأة بالنسبة للينا بل كانت صدمة


لينا مفيش قسم حاسب إلى في الفرع دا إذاي


الموظفة مفيش


لينا أمال أنا هبقى في قسم إيه؟


الموظفة انتي علمي مش كدا


لينا آه


الموظفة اقتصاد منزلي


لينا نعم؟!


الموظفة اقتصاد منزلي


لينا لا لا مينفعش أنا كنت بحسب إني هدخل حاسب آلي


سيهام هتعملي إيه دلوقتي


لينا هحول لتربية .. مش غادة قبلت فيها .. وبعدين مفيش فرق بين مجموعي ومجموعها إلاتلاتة من عشرة في المية يعني احتمال كبير أقبل فيها


سيهام خلاص أنا هسأل هناك ولو كدا تحولي ونكون سوا.. ما كان من الأول


لينا ايه .. انتي هتبتدي من دلوقتي ولا إيه؟


سيهام هههههههههه .. أنتي عارفة اني بهزر معاكي .. يلا على العميد نقدم طلب التحويل


لينا يلا بينا


العميد باب التحويل قفل


لينا لأ لسة مكتوب في الاهرام هيقفل أول أكتوبر واحنا لسة 15 سبتمبر


العميد العدد اكتمل في الكلية خلاص مفيش تحويل


لينا بس أنا مش عاوزة أفضل في الكلية دي


العميد عايزة تكوني مع صحابك مش كدا


لينا لأ أنا كنت فاكرة إن فيه قسم للحاسب الآلي


العميد مفيش عندنا قسم حاسب آلي قفل من سنتين اتفضلي روحي على محاضراتك


لينا من فضلك يا دكتور أقبل الطلب


العميد مش قلت خلاص مفيش تحويل يلا على محاضرتك مش عندك محاضرة دلوقتي وأنا كمان عندي محاضرة مش فاضيلك .. لو عايزة تحولي خليكي السنة الجاية بقى ومتحضريش الامتحان وتكون نقطة سودا في ملفك مش هتقبلي في أي كلية بعد كدا




سيهام هتعملي إيه يا لينا



لينا مش هستسلم دا حقي ومش هسيب حقي



سيهام ما تكلمي أخوكي الكبير ما هو واسطة كبيرة برضه



لينا لأ .. أنا مش محتجالهم أنا أقدر أعتمد على نفسي كويس



سيهام ليه .. دول برضه أخواتك



لينا أنا ماليش غير أخت واحدة أختي وفاء بس



سيهام ليه عشان من بباكي مش من مامتك



لينا مين كان جنبي وأنا طفلة محتجالهم.. عايزاني دلوقتي لما قدرت أعتمد على نفسي ألجألهم..ما ينفعش يا سيهام



سيهام لو باباكي كان موجود ..



لينا حتى لو بابا كان موجود.. كان هيعمل إيه .. دا أنا مكنتش بشوفه غير كل شهر مرة.. بابا كان عايش وكأنه مش عايش مش قادرة أنسى يوم ما رحتله في شغله وقالي انتي مين أجبلك حاجة..معرفنيش يا سيهام تصوري.. أب معرفش بنته.. ما هو لازم ميعرفنيش .. كان شافني أمتى .. مرة ولا مرتين طول تسع سنين.. سيهام عشان خاطري بلاش تفكريني بالموضوع دا لأني بتعب نفسيا



سيهام مش عارفة أقولك إيه يا لينا بجد انتي بطلة انك اتحملتي كل دا



لينا عارفة يا سيهام دا آخر



امل ليا في الحياه أني أحول لكلية تربية بس لأني مش حابة أكون مدرسة تدبير



سيهام يا وحشة علشان كدا بس ..مش علشان تبقي معانا خالص



لينا ههههههههه أهو ده سبب يخليني مش عاوزة أدخل الكلية دي



سيهام ههههههههه
================================================== =========== لينا أخيرا العميد وقع على طلب نقلي


غادة مش معقول بتتكلمي جد

لينا آمال يعني بهزر .. وافق بقولكوا وافق

سيهام إذاي فجأة كدا


لينا آه قالي مدام انتي مش عاوزانا إحنا كمان مش عاوزينك ووقع على الطلب

سيهام طيب يلا بينا بسرعة على شئون الطلبة نقدم الورق

لينا يلا بينا


سيهام بصي اللي ماشي قدمنا دا

لينا ايه دا فيه حد ييجي الكلية ببرمودادي كلية ولا ماشي على البحر

غادة أنا بسمع إن دا أغني واحد في الكلية


لينا ده! مش باين يعني.. وبعدين دا شكله مقرف.. مبحبش منظر الشاب اللي بيسيب شعره طويل ذي البنات


غادة اسكتي اسكتي دا بص علينا باينو سمعك


لينا ما يسمع

سيهام يسمع إيه يا بنتي بذمتك انتي بتسمعيلها صوت .. بصي بصي دي عنيه ملونة


لينا هبص على إيه .. على العدالة .. دا منظره من ضهره يقرف هو كدا كله على بعضو يقرف مش ناقصة قرف عشان أبص لوشه
وبعدين إحنا في إيه ولا إيه يلا بينا على شئون الطلبه


غادة مش غايظني غير البت اللي ماشية معاه دي شايفة نفسها أوي


سيهام شكلها صايعة

لينا ماتخليكوا في نفسكوا كل واحد حر في تصرفاته

سيهام اشمعنى يعني دي اللي دافعتي عنها

غادة بس بقى انتي عارفة ليه


لينا ليه

غادة انتي سمعتي


لينا ودا صوت ما يتسمعش.. ممكن تسيبوني لوحدي

غادة أنا مش قاصدي يالينا انتي عارفة


لينا على فكرة أنا مش معقدة والظروف اللي أنا أتولدت لقيت نفسي فيها عمرها ما أثرت عليا


سيهام يعني انتي مبتكرهيش الرجالة

لينا أكرههم ليه .. عشان يعني بابا أتجوز بعد وفاة ماما على طول قبل الأربعين عادي..هنخلص الورق النهارده ولا إيه يلا بقى


نهى أنا كتبتكوا معايا في التربية العملي

سيهام ربنا يستر كتبتي مدارس إيه

نهى متخفوش كلها قريبة من البيت مواصلة أو اتنين بالكتير

غادة كدا قريبة.. يخرب عقلك


لينا أنا رايحة اشوف قبلنا في مدرسة أيه

سيهام هتدخلي في الزحمة دي

لينا أمال هستنى .. مش ورانا محاضرات برضه مش عايزين نتأخر عليها
سيهام حاكم أكتر اللي جابو تقدير السنة اللي فاتت مكانوش بيحضروا محاضرات إحنا كنا بنحضر ما بنفوتش محاضرة جبنا إيه مقبول

غادة لكل مجتهد نصيب


سيهام مش في الكلية دي .. أهم حاجة إنك تشتري الكتاب وتقدمي الشيت دليل على إنك اشتريتي الكتاب


لينا على فكرة قبلنا في مدرسة لازم أركبلها أنا وغادة موصلتين أما انتي ونهى مواصلة واحدة


غادة موصلتين! يلا ذي بعضوا

لينا استنوا دي في ورقة مكتوب فيها اسمي هنا

غادة يلا يا لينا المحاضرة

لينا متيم سمير المغربي

غادة مين متيم دا




انتهت الحلقة الأولى

وتليها الحلقة الثانية بإذن الله

[رورو]

:cc_confused::cc_confused::cc_confused::cc_confuse d:ايه يا جماعة انتوا مش ناويين تعلقوا ولا ايه ، طب انا مش هنزل باقى الحلقات غير لما تعلقوا ع الحلقة الاولى وتقولوا رايكم فيها بصراحة.

[ALY ELSAYED]

قصه جميله جدا يا رورو

وشدتني اني اكملها للاخر

بس ياريت تنسقي الموضوع شويه

عشان تجذب القارئ ليها

في انتظار الجزء التاني

جزاكي الله كل خير

[heba]

قصة جميلة اوي
وفي انتظار باقي الحلقات

[رورو]

شكرا لمرورك يا بشمهندس وان شاء الله احاول اعمل بالنصيحة وانسق الكلام .

[رورو]

شكرا يا هبة على مرورك وان شاء الله باقى الحلقات قريبا ..

[الورده البيضاء]

الحلقة جميلة ياحبى
فى انتظار بقية الحلقات
جزاكى الله كل خير

[farida]

لا كميليها والله حلوة

ولييييييييينا مش بيطلعلها صوت زيي بالظبط سبحان الله

ههههههههههههههههههه

تسلم ايدك

[رورو]

الحلقة الثانية

لينا: استنوا دي في ورقة مكتوب فيها اسمي هنا

غادة يلا يا لينا المحاضرة

لينا: متيم سمير المغربي

غادة مين متيم دا

لينا: معقول .. يكون ابن عمي

سيهام: ابن عمك

لين:ا كنت أسمع إن ليا عم اسمه سمير .. بس معرفش إن له ولاد في الكلية

سيهام دا في سنة تالتة

غادة: معقول يا لينا متعرفيش ابن عمك

لينا: معرفش حتى عمي .. دا اخواتي بتلخبط في اساميهم

غادة سيهام بتفكري في اللي بفكر فيه

سيهام ايه هو

غادة جه الوقت اللي لينا تعرف فيه عليتها مش كدا

سيهام عندك حق .. إيه رأيك يا لينا

لينا: هو دا اللي هعمله

في اليوم التالي بدأن رحلة البحث

ذهبت لينا إلى الجداول لتعرف جدول الفرقة الثالثة

وعرفت أن مكان المحاضرة الحالية في المدرج أ

ذهبت إلى المدرج أ هي وصديقتيها سيهام وغادة

سيهام ادخلي المدرج اسألي

لينا أسأل مين

سيهام أسألي البنت اللي قاعدة هناك دي

لينا أنا مترددة مش عارفة ليه

غادة مترددة إيه يلا بقى

واتجهت لينا نحو البنت

لينا لو سمحتي دي الفرقة التالتة

البنت آه بس الدكتور لسة مجاش

لينا تعرفي واحد اسمه متيم المغربي

البنت آه دا أشهر من النار على العلم

لينا متعرفيش هو فين دلوقتي

البنت كان هنا من شوية هتلاقيه بره

بنت أخرى مين دي

لينا انا بنت عم متيم وبسأل عليه

البنت واقف بره هناك أهو

لينا معلش ممكن تعرفيني شكله أصل أول مرة أشوفه

البنت معقول ابن عمك وعمرك ما شوفتيه

لينا أصلي مكنتش عايشة في مصر ولسة راجعة من سنة وعرفت إنه معايا في الكلية فحبيت أتعرف عليه

البنت تعالي معايا

متيم متيم

والتفت متيم ليجد لينا أمامه

اتسعت عينا لينا عندما رأته إنه هو الذي طالما حلمت به

هو الذي تمنت أن تراه في الكلية التي ستلتحق بها

متيم أهلا أي خدمة

لينا انت متيم سمير المغربي

متيم انتي تعرفيني

لينا بالصدفة.. أعرفك بنفسي أنا لينا.. لينا معتز المغربي

متيم معتز.. بنت عمي معتز .. مش معقول.. بس أنا أول مرة أعرف إن ليه بنت اسمها لينا أسمع عن وفاء وحبيبة ..و..

لينا أنا أخت وفاء

متيم انتي معانا هنا في الكلية

لينا آه أنا في سنة تانية

وافتكرت لينا حلمها أول البارحة بأنها اتضح لها أن لها قريب في الكلية اسمه متيم

متيم لينا.. انتي مش معايا ولا إيه

لينا: معاك طبعا.. هسيبك بقى علشان محاضرتك وأنا كمان عندي محاضرة

متيم هشوفك تاني

لينا طبعا

متيم: أكيد?

لينا :أكيد

متيم لو احتاجتي أي مساعدة في المنهج متتردديش تقوليلي أوكي

لينا :أوك

وسارت لينا مبتعدة عنه .. شاردة

سيهام: لينا .. لينا

لينا: نعم

سيهام: مش دا..؟

================================================== =========== لينا: دا مين

غادة: فاكرة الولد اللي كان لابس برمودا في الكلية السنة اللي فاتت

سيهام :أغنى واحد في الكلية.. هو دا .. اللي انتي مرضتيش تبصيله وقرفتي منه

غادة: لينا مالك فيه إيه

لينا: مفيش تعبانة وعاوزة أروح

سيهام: كلمك بطريقة وحشة مش كدا.. بلاش يا لينا تعرفي الناس دي .. دا شكله طالع فيها أوي.. مش هيحب يعرف واحدة فقيرة ولا هيحب يعرف صحباته إنك بنت عمه.. وبعدين دا مش مصاحب غير بنات .. عمري ما شفته واقف مع شاب.. ابعدي عنه يا لينا بدل ما يقال عليك واحدة من حريم سي متيم

لينا: خلاص يا سيهام قولتي اللي عنك هتروحوا معايا ولا أروح لوحدي

سيهام: أنا عندي محاضرة لسة هحضر

لينا: غادة هتروحي معايا

غادة: لسة عندنا محاضرة والدكتور بيآخد الغياب

لينا :يبقى خلاص همشي لوحدي

غادة: استني يا لينا

لينا مش عاوزة استنى سلام

أرتمت لينا على سريرها وبدأت تفكر به وبكلام سيهام.. أفتكرت ملامحه.. جذاب ووسيم.. وغني؟!لا تعتقد

لينا هنشوف الأيام هتجبنا لفين

فات أسبوع منذ لقائهما ولينا لم تقابله مرة أخرى حتى وجدته أمامها وكالعادة مع بعض من حريمه

كان جالسا في الكافيتريرا ممسكا بناي يعزف به والاخريات ملتفتن حوله يستمعن لألحانه

اقتربت لينا منه وعندما رآها ترك تجمعه وذهب إليها

متيم: إذيك يا لينا

لينا: الحمد لله

متيم: مشوفتكيش من يومها يعني

لينا: مش عارفة .. الصراحة أصلي نسيت شكلك فمكنتش أعرف انك إنت ولا لأ

تجهم وجه متيم

متيم: مع إني منستش شكلك

لينا: انت بتعزف ناي

متيم :آه مجرد هواية بسلي نفسي

لينا: أنا كمان بعذف ناي وبكتب أغاني وقصص كمان بتعرف تألف لحن

متيم: يعني على قدي

لينا: يبقى خلاص لقيت اللي يلحنلي أغانيا

متيم: مكنتش أعرف إن العيلة كلها فنانين كدا

لينا : ليه

متيم: أصل لينا عم في الاردن ملحن مشهور .. مسمعتيش عنه

لينا: محصليش الشرف.. تعرف إن بابا كمان كان بيكتب شعر

متيم: مش قولتلك العيلة كلها فنانين

وجاءت بنت من خلفه تناديه

البنت متيم

متيم نعم .. تعالوا لما أعرفكم.. لينا بنت عمي

البنت في زهول :والله

متيم: والله بنت عمي

ونظر متيم إلى لينا

متيم هالة صديقتي بجد هيا دي الوحيدة اللي وقفت جنبي

لينا آه مانا بسمع إن ليك أصحاب كتير

هالة: لا أنا بقى أكتر واحدة مخلصة ليه مش كدا يا متيم

متيم آه.. آه

ونظر متيم إلى لينا برهة قبل أن تقول

لينا أنا هروح بقى

متيم استني شوية روحي معانا.. دول في البيت نفسهم يشوفوكي

لينا مرة تانية سلملي عليهم وبالأخص أونكل سمير

هالة متيم لسة ورانا محاضرة

متيم احضريها انتي

هالة ما ينفعش .. يرضيكي يا لينا ما يحضرش محاضراته.. مش كفاية عدت سنة أولى

لينا انت عدت سنة أولى

متيم آه أصل محضرتش الامتحان

لينا ليه

متيم: مكنش ليا مزاج

نظرت لينا إليه باستغراب

لينا: طيب يا رب مزاجك السنة دي يخليك تحضر الامتحان

قال متيم لنفسه رد قوي جرئ .. لم تكلمنى بنت هكذا من قبل

هالة: انت سرحت في إيه

متيم مفيش .. أنا مروح.. هتروحي يا لينا

فهمت لينا مقصده

لينا آه اصحابي بيستنوني هناك هروح معاهم

متيم :هتروحي مع أصحابك

لينا أه .. عايز حاجة

متيم: خلينا نشوفك.. فيه كلام كتير لازم نتكلم فيه.. أوكي

لينا: أوكي .. باي

سارت لينا مبتعدة عنه وهي في غاية السعادة

================================================== =========== سيهام: برضه يا لينا كلمتيه

لينا: وإيه يعني ابن عمي وكلمته

سيهام

محدش يعرف إنه ابن عمك كدا سمعتك في الكلية هتبقى وحشة.. وبعدين انتي ناسية إن أحنا عمرنا ما كلمنا شباب في الكلية منظرنا هيكون إيه لما يشوفوكي وانتي بتكلميه

لينا

فيه إيه يا سيهام .. مفيش فيها حاجة لما أكلم ابن عمي .. وعلى فكرة هو معرف

كل أصحابه إن أنا بنت عمه

سيهام

أنا خايفة عليكي

لينا

من أيه

سيهام

من إنك تحبيه وهو مش ممكن يحبك

لينا

انتي عبيطة حب إيه أنا مش بفكر في الحب دلوقتي.. هتروحوا

سيهام

مش هروح معاكي غير لما توعديني

لينا

أوعدك بإيه

سيهام

بإنك تبعدي عنه..دا غني يا لينا غني

لينا

يبقى هروح لوحدي

وهمت لينا بالانصراف

غادة

لينا استني هقولك حاجة

لينا

فيه إيه يا غادة عاوزة تقولي حاجة انتي كمان

غادة

معلش استحمليها أصلها قالتلي إنها غيرانة

لينا

غيرانة من إيه

غادة

غيرانه إن ليكي ابن عم غني

لينا

أولا هو مش غني ولا حاجة.. ثانيا الصديقة الحقيقية عمرها ما تغير من صديقتها..

مش هي دي الصداقة

أنا همشي ولو مش عاوزني أكلمكم تاني خلاص.. مش هغصب نفسي عليكم ..باي

في اليوم التالي ذهبت لينا للكلية بمفردها على غير عادتها .. حضرت جميع محاضرتها دون رفيقيتيها

حتى رأت متيم فذهبت إليه

لينا

هاي متيم إذيك

متيم

إذيك انتي.. ممكن نتكلم شوبة

لينا

طبعا

متيم

يا بنات لما المحاضرة تبتدي أعطوني رنة

هالة

إنت رايح فين

متيم

جاي جااي

متيم

نتمشى ولا نقعد هناك

لينا

تعالى نقعد

متيم

عرفتي منين إني ابن عمك

لينا

بالصدفة

متيم

علي صوتك أنتي صوتك رقيق كدا.. أنا بسمعك بالعافية

لينا

دي طبيعتي

متيم

مش بيتهيألي وراثة من عمي صح؟

لينا

وراثة من أمي.. ماما كانت هادية جدا

متيم

كانت .. ودلوقتي مش هادية؟

سكتت لينا برهة

لينا

ماتت.. بعد ما ولدتني بساعات

متيم

أنا آسف.. أنا فاكر إنها

لينا

مفيش داعي للأسف عادي

متيم

ممكن أسألك سؤال

لينا

سؤال إيه

متيم

متخفيش سؤال عادي

لينا

هيزعل

متيم

مش بيتهيألي أنه ممكن يزعلك

لينا

خلاص أسأل

متيم

انتي بتحلمي بإيه

سكتت لينا برهة

لينا

بحلم

متيم

آه سؤال عادي

لينا

مش بحلم

متيم

ليه؟ دي الاحلام جميلة

شردت لينا تسأل نفسها هل يقصد..ذاك الحلم..أهو الآخر..

متيم

لينا

لينا

نعم

متيم

ليه مبتحلميش

لينا

بخاف أحلم

متيم

ليه

لينا

أخاف أحلم حلم بعدين ما يتحققش

تفآجأت لينا مما تقوله.. ما هذا الذي تقوله.. هذا عكس شخصيتها تماما.. ما الذي جعلها تنطق بهذا الكلام؟

متيم

احلمي يمكن يتحقق

لينا

ولو متحققش

متيم

يبقى كفاية انك عشتي لذة الحلم..احلمي ..احلمي

================================================== =========== متيم

يبقى كفاية انك عشتي لذة الحلم..احلمي ..احلمي

فات أسبوع ولم ير متيم لينا بعد بحث عنها في الكلية لم يجدها

لا يعرف أصدقائها كي يسأل عليها

ولم يأخذ منها رقم هاتفها الخلوي

جلس يفكر

الأمر برمته غريب

غريب

بينما هو يفكر وجدها أمامه

لينا

متيم

متيم

اذيك يا لينا.. محدش بيشوفك ليه

لينا

إنت عارف.. الأسبوع المتواصل للتربية العملي .. فمكنتش باجي المدرسة

متيم

اقعدي

لينا

عندي محاضرة

متيم لسة الدكتور مجاش.. شايف دفعتك واقفة هناك آهي.. أقعدي بقى

لينا

ماشي.. فين أصحابك

متيم

في محاضرة

لينا

وإنت مش بتحضر ليه

متيم

لا .. عادي

تشربي إيه

لينا مفيش داعي

متيم

طيب استني أنا جاي آهو

لينا

رايح فين

متيم

ههه جاي أهو

وأختفي متيم دقائق وعاد بيده زجاجتين من المياه الغازية

متيم أنا جبتلك فانتا برتقال ملقتش تفاح

لينا

ليه كدا.. أنا قلت مش عايزة

متيم

اشربي بس.. هزعل

لينا

أوك

انت فكرت تعزف ناي إمتى

متيم

تقريبا شهر 7 اللي فات

سرحت لينا ففي هذا الشهر تقريبا فكرت لينا في أن تعذب ناي

لينا

و.. اشتريته إمتى

متيم

على أول 9

وهل يعقل هذا..هل هذاتابع للعوامل الوراثية أم تابع لماذا

متيم

مالك

لينا

مفيش

متيم

بالحق أنا مخدتش رقم موبايلك

لينا

هات موبايلك

وقامت لينا بتسجيل رقمها داخل دفتر موبايله كما قامت بتسجيل رقمه لديها

نظرت لينا إلى متيم برهة

عينان عسليتان مائلتان إلى الخضرة

وجه أبيض يكسوه شعر بني مائل للصفرة

قالت لنفسها

هو سايب دقنه كدا.. ليه مش لايقة عليه

ياي شعر

كل هذا وكان متيم ينظر إلى زجاجة المياه الغازية التي أمامه وهو يقول في نفسه

هروح النهارده للحلاق

لازم أحلق دقني

محلقتهاش ليه امبارح

كان لازم ألقى وقت عشان أحلقها

زمان دقني مش عجباها الوقتي

لينا

أونكل سمير أخباره إيه

متيم

كويس .. بيسلم عليكي

العيلة دي غريبة جدا.. والله.. كبيرة بس محدش يعرف التاني مش ملاحظة كدا

أحست لينا من كلامه أنه يريدها أن تبتعد عنه

لا تعرف لماذا جاءها هذا الشعور

لينا

معرفش.. أنا رايحة أشوف المحاضرة

متيم

يعني مش ملاحظة إن العيلة دي مفككة بجد

لينا

أعمل إيه يعني؟!

قالت لينا لنفسها باين مش لاقي كلام يقوله

متيم

.. هتروحي المحاضرة

لينا

آه

متيم طب قومي

أحست لينا أن الدم يغلي في عروقها وقالت لنفسها

ماشي يا متيم أنا غلطانة إني قعدت معاك أصلا

وجال بخاطرها فكرة ترد بها على كلامه

متيم

بتوع إيه دول

لينا

حساب الفانتا

متيم

أنا حاسبت خلاص

لينا خليهم معالك لأحسن متعرفش تروح

================================================== ===========

[رورو]

:(:(:( ايه يا جماعة الحلقة التانية نزلت وما حدش دخل وعلق يعنى .. اكمل القصة ولا بلاش