الدعم الفنى للعاملين بالمساحة البحرية

**Mohamed Hashem** · 06-19-2009, 09:09 AM

نورت فى اى حته تروحها حبيبى .. وربنا يجعلنا اسباب فى الخير دايما قول آمين
وان شاء الله حتكون أحسن منى كمان ..
ممكن تبدأ بثلاث طرق : تاخد فكره عامة بس شاملة مع المنتدى هنا فى قسم المساحة البحرية وعندك فرصة لطرح الاسئلة بالطبع مع طلب كتب واجيب لك اللى تحتاجه باذنه تعالى
رقم 2 ممكن مع كورسات الرابطة فى المساحة البحرية
رقم 3 كورسات الاكاديمية العربية ودى بصراحة ترقى لمستوى الاحتراف غير قيمة الشهادة كجامعه معترف بها دوليا ولها ثقلها العربى والدولى
رقم 4 فى مدارس مساحة بحرية على مستويات دولية كتير ... مش مجالها هنا لاسعارها طبعا ولكن وجب التنوية عنها .. يمكن فى واحد ميسور عنده استعداد من حيث المادة والانجليزى
المواد اللى تقرأ فيها ... اولا ما تبطلش قراءة ... عارف دودة الورق ؟ اللى بتاكل الكتب ؟ هههههه وبالمناسبة دا المصطلح اللى الاجانب بيستخدموه على الناس اللى بتقرأ كتير يقولك عليه bookworm
تانى حاجه الانجليزى ... لو الانجليزى مش قد كده .... كل سنة وانت طيب ... عارف .. دخل عليا مهندس زميل اكبر منى واكثر خبره (وكنت لسه راجع من انجلترا ومعايا كتب وورق الكورس) ووجدنى قاعد اترجم فيهم للعربى فقال ما فائدة اللى بتعمله اذا كان كل شئ حتتعامل فيه بالانجليزى برضه تانى) قلت له اديهم للزملا الضعاف فى الانجليزى قال لى كلمة اعتبرها حكمه .. قال لى: يبقى برضه لم تقدم مساعده له .. او على الاقل قدمتها بالطريقة الخطأ ... تصور .. مش حاقول لك بعد كده على اهمية الانجليزى ... يكفى ان المعلومة موجوده فعلا قدامك بس مش عارف استفيد بيها بسبب انها بلغة أجنبية
المواد اللى تقرأ فيها
الفيزياء : فيزياء الصوت وفيزياء الكهرباء والمغناطيسية وياريت الكترونيات كمان ونقى الكتب اللى تفهم من عناوينها انها تمهيدية زى : introduction in - handbook on وهكذا
الرياضيات بكل انواعها حساب مثلثات وتفاضل وتكامل و إحصاء وغيره
علوم البحار والمحيطات : مد وجذر – تيارات بحرية – امواج ... الخ
الاستشعار عن بعد والاقمار الصناعية وتحديد الموقع
التدريب الصيفى مفيد طبعا
بالنسبة للتوصيات (انا معلش حذفت المصطلح اللى استخدمته انت) : طبعا الاسلوب ده موجود فى مجتمعنا بس خلى بالك التوصية تدخلك الشركة .. انما حتكمل بمجهودك .. فاهمنى طبعا ؟
بس برضه انا متحفظ على الطريقة دى لانها – وبصراحه كده – تعدى سافر على حقوق واحد تانى .. فطالما الأختيار ليس للأفضل .. يبقى ده مش مظبوط
ومفيش اى مشكله فى الاسئلة يا حمدان .. بس ياريت اعرف عنك معلومة صغيرة انت طالب ؟ وبتدرس ايه ؟ بس كده
ومرحبا بيك فى كل وقت ............... انت منوووووووووووور

**hemdan00** · 06-20-2009, 12:39 AM

أستاذي الفاضل محمد انا طالب خغرافيا شعبه مساحه واخر سنه ليا في الكليه السنه الجايه انشاءلله بس للاسف اني جامعه طنطا وعندنا الدراسه مش جامده وكويسه زي اليكس وكمان عندنا في الجامعه ما درسناش اي حاجه عن المساحه البحريه لذلك انا مش بفهم فيها اي حاجه خالص وحاولت ااقول نفسي فيها من خلال كلام حضرتك وبصراحه حبيتها جدا حته كمان خلتني احبها اكتر من الشرطه الي كان حلم حياتي اكون فيها وانا قريت لحضرتك كل المقالات اللي كتبتها عن المساحه البحريه ونزلتها عندي وطبعتها وبذاكرها علي انها كتاب ولكن بالنسبه للفيزياء سواء صوت او مغناطيسيه او كهربيه او الالكترونيات ما اعرفش انا كتب ليهم اعرفهم عموما ممكن اخلي اصحاب في هندسه كهربيه يفهموني الفيزياء بانواعها اما الالكترونيات والرياضه دي ااقراها كامادهgeneral يعني ولاماده اساسيه اما بالنسبه للتدريب الصيفي بالرابطه مش ممكن لو اخدت كورس الاكاديميه يغنيني عن التدريب في الرابطه ولا التدريب بيدي مقدمه وياريت حضرتك تعرفني التدريب دا امتي واسعاره ايه وااقدم ليه ازاي وسؤاااااااااالي الاهم بقا هما خريج جامعه طنطا ليهم فرصه زي خريج اسكندريه ولا الفرصه محدوده وياريت يا باش مهندس بردوة تحدد لي اسم كتب معينه بالاسم يعني اشتريها وااقرها في اي مجال حضرتك قلت عليها فيزيه او رياضه او مساحه بحريه لاني ما اعرفش اسماء الكتب وشكررررا جدا ليك واســــف علي الاطااااله علي حضرتك

**Mohamed Hashem** · 06-20-2009, 10:09 AM

اهلا محمد .. صباح الفل .. والله كل يوم اشرب القهوة وانا بارد عليك .. حاتعود على كده هههههه
بص يا محمد .. العملية التعليمية كلها فى مصر مش ماشية صح .. الدراسة حاجه والواقع العملى حاجه تانية .... والله ما فارق خالص اسكندرية من طنطا .. وبالنسبة للمساحة البحرية .. مفيش حاجه من اللى كاتبها هنا بتتدرس فى اى جامعه – باستثناء ال GPS – وعلشان كده مواضيعى كلها فى الحاجات اللى مش حتلاقيها فى الكليات باستثناء الاكاديمية العربية زى ما قولنا
وسعيد جدا انى قدرت اخليك تحب المساحة .. لانى باحبها جدا برضه برغم – ولا اخفى عليك سرا - انى ما دخلتهاش بمزاجى بس وقعت فى هواها
وانا فخور انك بتتعامل مع مقالاتى على انها كتاب دا فخر ليا والله وباذن الرحمن نلاقى الوقت للترجمة الكاملة للمانيوال او على الاقل عندى كتابين هايلين نفسى الاقى الوقت لترجمتهم ولو انى مبحبش حد يقرأ بالعربى ........ ما علينا
عندك هنا أربع كتب فى الرياضيات ومبادئ الهندسة التحليلية وحساب المثلثات والفراغية والإحصاء ومبادئ الالكترونيات وفيزياء الكهرباء والمغناطيسية والملف مرفوع لحضرتك مخصوص وباسمك كمان هههههه

http://www.2shared.com/file/6380526/.../__online.html

اتمنى تبدأ بيهم تأخد فكره وشد حيلك فى الانجليزى ولما تخلصهم ارفع لك تانى انا تحت امرك
واى حاجه تقع فى ايدك اقرأها بس عام طبعا زى قلنا handbook – introduction – general بالنسبة للكورسات : اما الرابطه او الاكاديمية .... الاثنين مع بعض .. مالوش لزمه
بس لو حتروح الاكاديمية .. خش عدل على كلية النقل البحرى واللوحيستات فى ابو قير قسم الدراسات العليا واسأل هناك
اما الرابطه فكل ماتريد ان تعرفه عن كورسات البحرية تجده هنا

http://www.mesa7a.com/forum/showthread.php?t=3545

بالنسبة لخريج طنطا ماله ومال الفرص بالنسبه للاسكندرية ... بص عموما فى حياتك كلها ودى نصيحة من أخ ارجو ان تتقبلها بصدر رحب بلاش نظرات الدونية للنفس ولا الشعور الانهزامى من اولها ... الطريق طويل وصعب اساسا عاوز حسن ظن بالله وعزيمة ونفس طويل .. لا تتصور ان فى حد وصل بالساهل علشان خريج اسكندرية مثلا
كتب تشتريها .. متهيألى لسه شويه وان كان دا هنا حيبقى اعلان .. عموما اى كتب جامعية تلاقيها عند زمايلك استلفها واقرأها ... زمااااااااان (1990-1993) فى اسكندرية كان فى بائعى كتب قديمة مستعملة بحالة جيدة بيفرشوا كتبهم على الرصيف فى شارع النبى دانيال .. كنت اصلى الجمعة كل اسبوع والف اشوف ايه الجديد عندهم .. وكنت بالاقى درر كتب لاعظم المؤلفين جمال حمدان وجوده حسنين وعلى شكرى ونقولا ابراهيم واحمد الخطيب وغيرهم الذاكرة ضعفت وكنت باشتريها باثمان بسيطة جدا بالمقارنة بثمنها الاصلى

اتمنى انى اكون رديت على كل اسئلتك وبالتوفيق دايما ولا تنسانا من الدعاء

**مهندس عبدالله** · 06-20-2009, 04:03 PM

السلام عليكم

رجاء لدي جهاز echo sounder نوع garmen المشكلة لدي في سحب النقاط الى كومبيوتر لدي برنامج gps utility و لكن البرنامج يسحب 100 نقطة فقط لان النسخة غير مسجلة
اذا لديكم نسخة مسجلة من البرنامج الرجاء ارسالها للضرورة

تحياتي لكم

**Mohamed Hashem** · 06-20-2009, 04:26 PM

باشمهندس عبد الله مرحبا بك
ممكن المزيد من التفصيل عن مشكلتك .. ياريت تشرحها بوضوح اكتر ؟
ما موديل جهازك بالتحديد .. هل هو من النوع fishfinder ام built-in transducer ام بيركب عليه ؟
واذا كان المشكلة فى ترخيص النسخه .. فياريت اعرف ما اسم برنامج gps utility بالتحديد لنبحث عن بديل؟
فى انتظار ردك ونعمل على مشكلتك حاليا

**Mohamed Hashem** · 06-20-2009, 05:40 PM

بص
انا دخلت موقع الشركة واللى وجدته .. (انا لسه ما اخدتش منك اى بيانات ايضاح اكثر)
ان انت بتستخدم النوع الموجود به مذبذب

garmin ECHO SOUNDER GPS deph sounder map

هل جربت موقعهم على الانترنت ؟ هل جربت تسجل النسخة اصلا ؟

**Mohamed Hashem** · 06-22-2009, 10:54 AM

فينك يا هندسة ؟

**مهندس عبدالله** · 06-25-2009, 07:22 AM

السلام عليكم

في البداية اعتذر عن التأخير لظروف العمل

جهز echo sounder نوع garmin 570 ونوع الفايل الذي يخرجة هذا الجهاز adm extension

ونوع transducer فهو built out

والرجاء اذا كان لديك برنامج gps utility with licence
ارجوا ارسالة

وتحياتي لك

**Mohamed Hashem** · 06-25-2009, 03:37 PM

وعليكم السلام ورحمة الله وبركاته .. لا اعتذار أخى .. لقد كنا نريد فقط الإطمئنان عليك
بص يا بشمهندس اسمح لى أوضح بعض النقاط اللى مش غايبة عن علمك بالطبع ولكن ضرورى أذكرها
الجهاز ده مش جهاز مساحى لأنه عبارة عن GPS مدمج به Echo Sounder مخصص لعمليات الصيد الاحترافية يستطيع كشف أسراب الاسماك بخلاف عمله فى تحديد الأعماق وفائدة وجود الـ GPS هو أنك تحديد نقاط معينة فى البحر بطريقة Man of Board
ولذلك أعتقد بعد بحث فى الأنترنت أنه ليس أمامك سوى تسجيل البرنامج من الموقع طالما كنت مالك الجهاز الأصلى ومعك أوراقه مثل part number & serial number وكده
https://my.garmin.com/mygarmin/marketing/register.htm

لأن الأساس فى المساحة وجود برامج منفصلة متخصصة فى تسجيل الأعماق فى ملفات آسكى ASCII على الهيئة XYZ بيفهمها اى برنامج تانى بسهولة حتى ول كان Excel
الكلام ده باقوله لانه صعب تلاقى حل سوى ان حد تانى بيستخدم نفس جهازك يديك النسخة دى .. أنا عارف طبعا ان طلب حضرتك من الأول بس للأسف النوع ده لم أستخدمه للأسباب السابقة
وان كنت حاستمر فى البحث ونسأل بعض المعارف فى اسكندرية أصحاب لنشات الصيد لربما
وتمنياتى لك بالتوفيق .. ولا تؤاخذنا إن لم نستطع مساعدتك على الوجه الأكمل .. فالكمال لله وحده