محمد حماقى يُسيطر على أضراب 6 ابريل ... ودى خطة الحكومه

[Wild_Angel]

بسم الله الرحمن الرحيم
السلام عليكم ورحمة الله وبركاته


فاكرين كده من سنتين الشعار ده

متروحش الشغل وخليك فى البيت
اضراب 6 ابريل

طبعا الحكومه كل سنه بتفكر فى حاجه جديده عشان تخلى الشباب ايجابى وتوفرله ظروف احسن عشان ميعملش أضراب
وإليكم هذا الخبر :

اختارت جامعة عين شمس يوم (الثلاثاء) المقبل الموافق ٦ أبريل ليكون ختاماً لنشاط "For better Egypt" أو "من أجل مصر أفضل"، الذي بدأته الجامعة مع بداية العام الدراسي
وعلى رأس هذه الفعاليات
استضافة المطرب "محمد حماقي" ليحيي حفلاً داخل الحرم الجامعي
;وكذلك فريق "دي جي" وليد الحريري

وبرر الدكتور عاطف العوام -نائب رئيس الجامعة لشئون التعليم والطلاب- قائلاً: اختيار يوم ٦ أبريل الذي يتوافق مع الإضراب الذي تدعو إليه حركة الشباب التي تحمل الاسم نفسه، جاء حرصاً على تقديم نموذج إيجابي للشباب،
بدلاً من النماذج السلبية والإضرابات والاعتصامات !!
مشيراً إلى أن فعالياتها شملت استطلاعات رأى للطلاب حول ما ينتظرونه من كلياتهم وجامعاتهم وبلدهم، من أجل التعرّف على وجهات نظرهم.

وكانت إدارة الجامعة قد اختارت اليوم نفسه من العام الماضي، لإقامة احتفال أحياه "حماقي" أيضاً.

رأيي الشخصى
انا مش ضد الاضراب او معاه
والموضوع مش عشان ندافع عن اننا نعمل مظاهرات سلميه للاضراب ولا لأ

بس عايزه رأيكم
هو الشباب للدرجادى حيسيب كل شئ
افكاره ، مبادئه ، دينه ؟؟!!


كل ده وحيروح حفله حتنظمها الجامعه
محتاجه رأيكم

الخبر منقول عن موقع بص وطل

[MUHAMED SAMY]

حسبى الله ونعم الوكيل

المجتمعات مثل الاسماك تفسد من رؤسها

[Wild_Angel]

والله كلمه لخصت مضمون الموضوع
جزاك الله خيراً يا محمد

[mohamed ali]

اولالالالا الف شكررررررر ياوايلد

على طرحك للموضوع

بس فى الوقت الحالى معظم الشباب

ميشغلش دماغهم الاضرابات دى او المظاهرررات السلمية

يقولك يعم انا اوج دماغى على اييييه عيش اللحظة

مش عارفين ان بقولهم هذا بيضيعو حقهم .

جزاكى الله خيرا على موضوعك

[Wild_Angel]

انا بشكرك يا محمد على مشاركتك
المشكله مش فى المظاهرات
مش كل المظاهرات صح ولا كل المظاهرات غلط
المهم يكون لينا صوت
مش نبقى زى العرايس الماريونيت
يعملوا حفله نروح الحفله ونسيب البلد وحقها
مين اللى حيجيب حقها غيرنا ؟؟؟
هما عارفين ان الشباب هما أكبر قوه محرّكه
عشان كده كل نشاطاتهم موجهه ليهم
بس اللى يعرف

[mohamed ali]

انا بشكرك يا محمد على مشاركتك
المشكله مش فى المظاهرات
مش كل المظاهرات صح ولا كل المظاهرات غلط
المهم يكون لينا صوت
مش نبقى زى العرايس الماريونيت
يعملوا حفله نروح الحفله ونسيب البلد وحقها
مين اللى حيجيب حقها غيرنا ؟؟؟
هما عارفين ان الشباب هما أكبر قوه محرّكه
عشان كده كل نشاطاتهم موجهه ليهم
بس اللى يعرف

عندك حق فى كلامك

بس عشان يتنفذ لازم يكون للشعب وعى بحقوقة السياسة

والاجتماعية ويبطل يخاف ما دام الحق معه

هم عرفين انا احنا شعب غير واعى

لالالالازم نغير نفسنا من خلال ادراكنا ووعينا

بحقوقنا .

[KAREEM]

جاء حرصاً على تقديم نموذج إيجابي للشباب،
بدلاً من النماذج السلبية والإضرابات والاعتصامات
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!
لو الصفحة تكفى الى مالا نهاية علامات تعجب
كنت كملللللللللللللللللللللللللللللللت

هو دا الشباب الصح هو دا الشباب ( السيس )
نفكر صح ... تحسبها صح ... تعيشها صح
كلااااااااام كلو بنسعه وحكومة ميعلم بيها الا ربنا
سيبك من الحكومة على رأيك
الكلام اللى هو بيقولو دا فاهم معناه
ولا تصريحات تنقط وتضحك فى نفس الوقت
هو حمائى وحسنى والناس دى بقيت هى قدوة الشباب
بقو هما نموذج للشباب الواعى الفاهم النمووووذجى
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله يا جماعة احنا مغيبييييييين
كلــــــــــــــنا بلا استثنــــــــاء
مغيبين فى حاجات كتيرة اوى
وفى حاجات حلوة الحكومة عايزانا نشوفها وحشة
يبقى خلاص هى وحشة وتنجح فى تشويهها اعلاميا
والعكس بيحصل أيضا

ككفاية كدا مش قادر اكمل كلام سورى

شكر لطرحك للموضوع المهم جدا دا
كما عودتينا يا وايلد

[Wild_Angel]

فعلا تصريحات تنقط وتضحك
المشكله انه بيقول ان دى استطلاعات الشباب
أنهى شباااااب بالظبط
انا كتبت الموضوع عشان يمكن لما يقروه بالصدفه يشوفوا ان اللى كتبوه وعلقوا عليه شبااااب
بيرفضوا انهم يكونوا مغميين عنيهم
وبجد شباب جامعة عين شمس يبقوا رجاله لو راحو عملوا مظاهره فى قلب الحفله
ويقلبوها
و ده طبعا مش تحريض :D

[اسامه البنا]

والله من وجه نظري انا

انهم بيعملوا كده علشان يشغلوا الشباب

يعنوا يلهيهم زي الطفل الي بتجبلوا لعبه علشان يسهي

عن شيئ
حسبي الله ونعم الوكيل