قريبا****مترو انفاق الاسكندرية

**MUHAMED SAMY** · 07-10-2010, 12:13 AM

مترو أنفاق الإسكندرية يدخل مرحلة التنفيذ.. ويبدأ من فيكتوريا
__________________________________________________ _

قرر مجلس الوزراء المصري برئاسة الدكتور أحمد نظيف إقامة مترو الأنفاق بمحافظة الإسكندرية‏،‏ وقال وزير النقل المهندس علاء فهمي‏ إن إنشاء المترو ضروري لتخفيف الكثافة المرورية السطحية‏، خاصة أن الإسكندرية تحتاج إلي شبكة نقل محورية لنقل الركاب داخل المحافظة‏.‏
وأضاف فهمي أنه سيتم توفير التمويل للمشروع من خلال الدولة‏‏ أو بالمشاركة مع القطاع الخاص‏، وهناك العديد من الدراسات التكميلية للوصول إلي التصميم النهائي لمشروع المترو‏، كما ورد بصحيفة الاهرام.
وأوضح محافظ الإسكندرية اللواء عادل لبيب أن المترو يبدأ في مرحلته الأولي من فيكتوريا‏، وهي محطة انطلاق خط ترام الرمل‏ إلي محطة الرمل‏، وهي نهاية الخط في وسط المدينة‏.‏
جاء ذلك خلال اللقاء الذي عقد أمس الأول بحضور الوفد الفرنسي، وقيادات النقل البحري،‏ وغرف التجارة والملاحة‏.‏

يارب يارب

المشروع ده يتم بجد
ونترحم من زحمة المواصلات ومن اللى بتنشوفه فيه

**eslam mamdouh** · 07-10-2010, 12:40 AM

شكرا يا محمد على الموضوع ولمعلومات المميزه جدا دى
لكن عارف يا بشمهندس المشكله بجد فى ايه ان احنا بنتكلم كتير وى وبنخطط بشكل كبير
لكن فى النهايه بنكون تخطيطنا كله عهشوائى وعشان نعمل حاجه بندمر قدامها حاجات كتير
الواحد بيسمع عن المشروع ده من زمان اوى
من ايام ما كانت شركه كاجيما اليابانيه بتجدد لاسكندريه الوطنيه للحديد والصلب
لكن كل ما يفكروا يعملوه يلاقوا ان فى عقبات كتير امام تنفيذ المشروع
ده زى مثلا طبيعه لتربه وزى مثلا ان انشاء المترو ده لازم يكون بعيد تماما عن لعمران
يبقى حنا عاوزيين نوفر وسيله مواصلات عشان تقرب لناس من المترو
تبقى لنتيجه ايه ????????

لنتيجه ان احنا ناجل الخطه دى للموازنه لجايه فى لخطه لخماسيه الجايه
لكن فى النهايه يارب يتنفذ الموضوع ده بشكل سليم ويحقق الهدف لمرجو منه
شكر مره اخرى يا بشمهندس موضوعاتك كلها المميزه

**ALY ELSAYED** · 07-10-2010, 01:12 AM

معلومات فعلا جامده جدا

بس فعلا هيا قديمه وكنت سامع اصلا ان مشروع المترو

في الاسكندريه فشل

لوجود المياه الجوفيه لان معظم اسكندريه تقع بين

البحر المتوسط شمالا وترعه المريوطيه جنويا

اتمني فعلا ان المشروع ده يتم لانه حيكون متحضر جدا

ويستعينوا بخبرات مهندسنا اسلام ممدوح

وانتم كمان تتخرجوا تلاقوا شغل

**MUHAMED SAMY** · 07-10-2010, 03:02 PM

عند حقك ياباشمهندس إسلام
مشكلتنا التسويف
واسكندرية اصبحت
زحمة جدا
شكرا ياباشمهندس على
وسمعنا عن مشكلة المياه الجوفية
وعدم وجود خرائط للصرف الصحى
بشكركم لتفاعلكم

**blue_sky** · 07-10-2010, 06:59 PM

المشكلة مش في وسيلة أخرى وجديدة للمواصلات المشكلة في التنظيم والإدارة اللي في البلد لو أتحلت كل حاجة هتتحل

**KAREEM** · 07-10-2010, 11:40 PM

هو فعلا زى ما مهندسينا قالو وزى الى سمعته من دكاترة القسم
قبل كدا ان تربة الاسكندرية رملية مينفعش الحفر فيها او
عمل طبقة جوفية يمر خلالها مترو انفاق لان السقف بالطبع حينهار
لهشاشة تكوينه الرملة دا غير المشكلات التانية ودى مشكلة واحدة كفاية
عموما هو تفكير كويس للمستقبل لان دلقتى احنا فى اسكندرية
يعتبر معندناش زحمة زى القاهرة مثلا ، هو فى زحمة لكن مقبولة حاليا
بس لو المشروع متنفذش مسقبلا عنقريب حيبقى الوضع اصعب من كدا بكتييييييير

شسكرا يا سامى يا متااااااابع ياجاااااااامد انت دايما كدا

**Mohamed Gaber Aly** · 07-11-2010, 12:32 AM

ياريت المشروع ده يشتغل عشان انا نفسى اشتغل فى الانفاق تانى هى شغلها متعب شويه بس كله تفكير وحسابات

**MUHAMED SAMY** · 07-11-2010, 12:05 PM

المشاركة الأصلية كتبت بواسطة smsma

المشكلة مش في وسيلة أخرى وجديدة للمواصلات المشكلة في التنظيم والإدارة اللي في البلد لو أتحلت كل حاجة هتتحل

وهناك مشكلة اخرى زيادة عدد السكان
بالاضافة
للممصييفين
اللى بيزحموا الدنيا
شكرا لمشاركتك

**MUHAMED SAMY** · 07-11-2010, 12:09 PM

المشاركة الأصلية كتبت بواسطة kareem

هو فعلا زى ما مهندسينا قالو وزى الى سمعته من دكاترة القسم
قبل كدا ان تربة الاسكندرية رملية مينفعش الحفر فيها او
عمل طبقة جوفية يمر خلالها مترو انفاق لان السقف بالطبع حينهار
لهشاشة تكوينه الرملة دا غير المشكلات التانية ودى مشكلة واحدة كفاية
عموما هو تفكير كويس للمستقبل لان دلقتى احنا فى اسكندرية
يعتبر معندناش زحمة زى القاهرة مثلا ، هو فى زحمة لكن مقبولة حاليا
بس لو المشروع متنفذش مسقبلا عنقريب حيبقى الوضع اصعب من كدا بكتييييييير

شكرا يا سامى يا متااااااابع ياجاااااااامد انت دايما كدا

فعلا عندك حق احنا موش زحمة زى القاهرة
بس اسكندرية بالنسبالى
طريق رئيسى
يبدأ من بحرى يتفرع عند المجمع بفرع ش بور سعيد ثم ش ابو قير ثم جمال عبد الناصر
والاخر هو الكورنيش حتى ابو قير
تصدق يا كيمو يشبهو النيل!!!
يارب يتنفذ
الاسكندرية مدينة شطرنجية