نفسي حد يقوللي ... الشارع ده بتاع ميييييييين !!!

[ghsghsghsghs]

بصراحه أنا من يوم ما وعيت علي الدنيا و أن في اعتقادي ان الشارع اللي احنا بنمشي فيه مش بتاع حد او ممكن نقول بتاع أي حد بس أفتكر مره و أن صغير لقيت اتنين بيتخانقوا و واحد منهم بيقول للتاني " يلا امشي من هنا" رد التاني عليه " و انت مالك !!!! أنا واقف في شارع الحكومه" و بعدين الموقف اتكرر اكتر من مره و كل مره الاقي واحد يقول للتاني نفس الكلام أو ممكن يقول " أنا واقف في ملك الحكومه" قلت يمكن تعبير في مدينتنا بس. و بعدين سمعتها في بلاد تانيه حتي مره سمعتها في مسلسل قديم . و بصراحه انا محتار الشارع ده بتاع مين لو كان بتاع الحكومه سايباه بقالها سنين ليه و بعدين الشعب هو اللي بيقول و للامانه انا عمري ما سمعت حد من رجالة الحكومه بيجيب السيره دي. بس مش معقول الشارع بتاع الحكومه لانه لو كان بتاعها ما كانتش سابت كل واحد عنده محل واخد نص الشارع لحسابه مع انه سايب دكانه فاضي و لو كان بتاع الشعب ما كانش قال بلسانه انه شارع الحكومه . بصراحه أنا تهت و نفسي حد يقول لي ...... الشارع اللي احنا بنمشي فيه ...... بتاع ميييييييييييين؟؟؟؟؟؟؟؟؟

المصدر: Mohamed Ismail

[MUHAMED SAMY]

الشوارع بتاعت الحكومة وبتاعتنا

الحكومة:هيئة المرافق(الازالة) بتاخد الحاجة اللى مع الناس اللى
بتحطها فى الشوارع(تلاجات حاجة ساقعة وغيييييره)
محضر اشغال طريق
رصف الشوارع بعدجمع الضرائب

الشعب:الشوارع الفرعية بيعملو فيها اللى هم عايزينه

فى انتظار مشاركاتك دائما

[m.alghrbawy]

هوا ممكن يكون بتاع الشعب بس الشعب مخبى عشان الحسد