بيريل ..... استرجل

**mohamed ortega** · 09-12-2010, 03:34 AM

السلام عليكم و رحمة الله و بركاته
" كده بقى شكلها ارجل ….. بيريل استرجل " , " حط الانكل على الركبة تبقى ارجل من دروجبة " ,
" اضرب صاحبك لو هم كتير "

هذه الشعارات هى حمله اعلانية لمشروب شعير خالى من الكحول و لكننى وقفت امامها عاجزة
…. اهذه هى مفهوم الرجولة …..

هل اصبحت الرجولة شئ يستهان به لهذه الدرجة ….
ام لكثرة ما نشاهده اليوم فى شارعنا او فى اى شارع عربى بيبقى معظم الشباب مش فاهم الرجولة صح
…… عارفين فاهمين الرجولة ايه ؟؟ اقولكم الرجوله يعنى شرب سجاير
…… الرجولة انك تصاحب بنت و اتنين و تلاتة
……. الرجولة انك لما تشوف اى حالة تحرش قدامك تبقى واقف و لا يبقى ليك اى رد فعل ايجابى لهذا المنظر الذى يتكرر كثيرا امام اعيننا ……
الرجولة انك تمشى انت بقى تعاكس و ربما يصل هذا الى التحرش …….
الرجوله انك تسب من حولك بالفاظ تخجل الاذن ان تسمعها …..
الرجولة انك متراعيش ربنا فى مراتك وولادك و تضرب و تشتم فيهم ليل و نهار …….
لا بقى بجد اللى بقينا نشوفه ده كتيير جدا
و ربما يزداد اذا لم نعى و نعد كما كنا ايام الزمان التى كان للرجوله معنى سامى يختلف عما سبق بكثير

اظن ان الرجولة قديما كانت تعنى الشهامة و ذلك فى ان تساعد من حولك و تقدم لهم يد العون من قبل ان لجاوا اليك
, ان تتقدم لمن اعجبت بها و احسست انها ستبقى خالدة فى قلبك عزيزة لا يذلها الزمن
من تصرفاتك الهوجاء و الضرب و السب , اظن ايضا ان الرجولة كانت ليست بالعضلات و الجسم و الطول و الهيئة و لكن الرجولة على ما اظن على قدر عقلى الصغيير انها بالتفكير السليم
و التانى قبل اتخاذ القرار فاى مناسبة الرجولة ايضا بالهدوء و الرزانة

و ليست بالعصبية و الهوجاء و بيان درجة الصوت التى من وجهة نظرنا انها هى التى تدل على الرجولة ,
الرجوله و هى اهم نقطة بمراعاة الخالق الرحيم فى كل الافعال و الاقوال و استشارة القلب الذى هو محل الايمان ,
فكر بم انعم الله بك من عقل و قلب و جميع حواسك اللتى تنعم بها الان
و استغلها باحسن الاستغلال و ليس باسوئها كى يرعاك الله فى دنياك و اخرتك و كى تكسب ايضا احترام الخلق
و كى تكسب رضا الله الذى نحن فى حاجة اليه دائما و ابدا و رضا نفسك
فلابد لنا من اعادة النظر لذلك المفهوم الخاطئ عن الرجولة

المصدر: ريهام وائل

**mohamed ortega** · 09-12-2010, 03:43 AM

معلش ياجماعة الموضوع مكتوب بطريقة وحشة بس فكرة الموضوع حلوة وانا عن نفسي كنت بضحك جدا من الاعلانات دي لك لما قريت الموضوع ده وعجبني فهمت ان اللي بيحصل ف الاعلانات دي حاجة مستفزة وياريت تدخلوا تقوليلي رايكم

**mohamed ali** · 09-12-2010, 03:43 AM

عندك حق يامحمد وكثير من الناس فهما الرجوله خطا

الرجوله فعل مش كلام

**حنين الحياة** · 09-12-2010, 12:32 PM

بجد الموضوع جميل جدا وجه في وقته...بجد بقي في شعارات بنلاقيها كل يوم بتطلع والشباب بيتأثر بيها مش كلهم بس اغلبهم...علي ما اتذكر اناستاذ عمرو خالد اتكلم عن الموضوع ده في حلقه من حلقات برنامج رحله للسعاده...بجد الواحد بيزعل لما يشوف الهيافات الي بتظهر كل يوم وبقي ده حال الدنيا والله المستعان

**mohamed ortega** · 09-12-2010, 04:56 PM

المشاركة الأصلية كتبت بواسطة mohamed ali

عندك حق يامحمد وكثير من الناس فهما الرجوله خطا

الرجوله فعل مش كلام

والله انت اللي عندك حق لازم تكون فعل
شكرا لمرورك

**mohamed ortega** · 09-12-2010, 04:59 PM

المشاركة الأصلية كتبت بواسطة حنين الحياة

بجد الموضوع جميل جدا وجه في وقته...بجد بقي في شعارات بنلاقيها كل يوم بتطلع والشباب بيتأثر بيها مش كلهم بس اغلبهم...علي ما اتذكر اناستاذ عمرو خالد اتكلم عن الموضوع ده في حلقه من حلقات برنامج رحله للسعاده...بجد الواحد بيزعل لما يشوف الهيافات الي بتظهر كل يوم وبقي ده حال الدنيا والله المستعان

اه والله مفيش اكتر من الهيافات واللي كترت اوي ف رمضان وربنا يرحمنا بقي عشان الواحد بجد اتخنق

شكرا لمرورك ياحنين

**KAREEM** · 09-13-2010, 10:53 PM

المشاركة الأصلية كتبت بواسطة حنين الحياة

بجد الموضوع جميل جدا وجه في وقته...بجد بقي في شعارات بنلاقيها كل يوم بتطلع والشباب بيتأثر بيها مش كلهم بس اغلبهم...علي ما اتذكر اناستاذ عمرو خالد اتكلم عن الموضوع ده في حلقه من حلقات برنامج رحله للسعاده...بجد الواحد بيزعل لما يشوف الهيافات الي بتظهر كل يوم وبقي ده حال الدنيا والله المستعان

فعلا يا حنين دكتور عمرو خالد اتكلم
ودى النقطة اللى كنت حقولها وفرتى عليا

الموضوع مهم اوى يا محمد
تسلم لنا عليه

والرجولة زى ما قالوها من زمان
الرجولة اخلاق
وحتفضل الرجولة اخلاق مهما حصل

جزاك الله كل خير