يلا نستعد لعيد الحب... ولكن..؟!

[محبة الرحمن]

يلا.. هنستعد ازاى بقى للعيد؟؟

اولا :
هنروح نشترى اى حاجه لونها أحمر داه شىء اكيد

بس المشكله ان اللون الاحمر هيبقى غالى اوى اليوم داه
بس موش مشكله بقى كله يهون

بس وانت بتشترى افتكر انه فيه حاجه حمراء رخيصه اوى اليوم داه


عارفين ايه؟؟؟


دم المسلمين فى (فلسطين والعراق و........)



اه نسيت اقولك
ان فيه حاجه تانيه اهم لونها احمر بس ديه بقى رخيصه اوى
ارخص من التراب اى حد يقدر ياخدها عارفين ايه؟؟


الناااااااااار

اه اى حد يقدر ياخدها لانها حفت
بالشهوات


اه ما تنساش بردو وانت بتهدى الحاجه الحمرا ديه لحد افتكر مين اول واحد
عطا حاجه حمرا لحد وعشانه اتعمل العيد داه ..عارفين مين؟؟؟
نصرانى ونصرانيه

واكيد عارفين ان
فالنتين داعى من دعاة النصرانيه


يعنى الموضوع كله بتاع النصارى
هوه احنا بقيت قدوتنا النصااارى
!!!



قال
صلى الله عليه وسلم ( من تشبه بقوم فهو منهم)



(من تشبه بقوم حُشر معهم )


اترضى وترضيين ان تكونوا من النصارى او حتى نتشبه بهم!!!!



طب داه عييد ومعنى العيد انه جاى بعد طاعه لله
فما هيه الطاعه ؟؟
طب اى اى عيد بنصلى فيه صلاة العيد
هتصلى العيد داه فييين؟؟
اذن فليس للمسلمين عيد غير:عيد الفطر وعيد الاضحى
يبقى اى عيد من الاعياد ال هتجى بعد كده
تبقى ايه؟؟
مبتدعه
يعنى الرسول لم يقل لنا عليها
وهو من قال :
اليوم اكملت لكم دينكم واتممت عليكم نعمتى ورضيت لكم الإسلام دينا

والرسول صلى الله عليه وسلم ارتضى لنا ديننا الاسلام بعيدين فقط ولم يرتضى اى عيد اخر
يبقى احنا ال هنرضى عن العيد التانى او اليوم التانى ونخالف اوامر واقوال الرسول!!!

قال الرسول "صلى الله عليه وسلم"
كل بدعه ضلاله وكل ضلاله فى النار"
ايعقل ان يقول الرسول شىء ونخالفه ..اليس هوه قدوتنا..اليس هوه شفيعنا..
اذن فماذا تقول له فى يوم يسألك عن هذا الذى يسمى بعيد الحب او حتى يوم الحب ؟؟

واختم بقول الله تعالى:"يَا أَيُّهَا الَّذِينَ آمَنُواْ لاَ تَتَّخِذُواْ الْيَهُودَ وَالنَّصَارَى أَوْلِيَاء بَعْضُهُمْ أَوْلِيَاء بَعْضٍ وَمَن يَتَوَلَّهُم مِّنكُمْ فَإِنَّهُ مِنْهُمْ إِنَّ اللّهَ لاَ يَهْدِي الْقَوْمَ الظَّالِمِينَ" (المائدة :15)
هذا ما قاله الله ورسوله فهل نخالف ما قالووه ؟؟

[AYMAN GAMAL]

حاجة مؤثرة فعلا و موضوع هادف

شكرا ليكي

[محبة الرحمن]

جزاك الله خير اخي في الله وبارك الله لك علي الردود والمرور علي موضوعاتي

[Nada Mohammed]

موضوعاتك كلها جميلة ومهمة
ربنا يكرمك ويجازيكى خير

[onon]

موضوع حلو اوي بجد ربنا يكرمك فعلا والله بشوف في اليوم ده حجات حمرا كتير وللاسف كمان بتكون بين المسلمين
انا لما كنت بشوفها بصراحه بتريق واقعد اهزر بس تصدقي بجد انا بعترف ان كدا غلط كان لازم انصحهم او اقولهم حاجه عشان كدا بجد موضوعك حلو ربنا يجازيكي كل خير

[اسامه البنا]

موضوع مؤلم جدا
ولله دايما عندك اختيار جذاب في العنوان
والموضوع ينصب في اتجاه اخر
جزاكي الله خيرا موضوعاتك كلها جميله

[محبة الرحمن]

جزاكم الله خير والله انتم اللي عندي اجمل من اي شئ والله انتم اللي بردودكم والله الجميلة واللي اروع من الخيال بتجملوا الموضوعات اللي بحطها

[محمد حمدى]

اكرمك الله ،اعزك الله .اغناكى الله .زادكى الله . رزقكى الله ,اعفك الله . ايدك الله . نصركى الله , جمعك الله مع الرسول الاعظم فى الفردوس الاعلى........... جزاكى الله خيرا على التذكرة دى.

[Wild_Angel]

جزاك الله خبرا
كأنك بتقرى افكارى يا وسام كنت امبارح محتاره انزل ايه بسبب العيد ده بس بارك الله فيكى انا عارفه انى مقصره بس هنعمل ايه الدراسه والكليه واكلين الوقت
بارك الله فيكى

[Mahmoud Slem]

بارك الله فيكى يا وسام
بجد
موضوع جميل
ومحتاج مننا وقفه
لانه المفروض منفلض على نفس الضلال ده
واذا كان المفروض ان الحبيب يهدى للحبيبة او الزوج للزجه
يبقى يوم فى غير هذه الايام
شكرا ليكى مره تانية ربنا يكرمك