أهم قوانين الطبيعة

[smart girl]

قانون الطوابير :

إذا وقفت في طابور بطيء و غيرته ووقفت فطابور تانى ، الطابور الاول ( اللي غيرته ) فجأة تلاقيه يمشي أسرع من اللي انت فيه .

قانون التليفون :

عمرك ما تتصل برقم غلط ويطلع مشغول .

قانون التصليح :

بعد ما إيدك تتزيت وتتبهدل من الشحم من الماكينة، مناخيرك تبدأ تاكلك

قانون المعدات :

إذا وقع من إيدك أي شي، تأكد انه بيفضل يتـدحرج إلى أن يوصل لأسوء مكان متقدرش تطلعه منه

قانون الأعذار :

إذا تأخرت عن الشغل وقلت لرئيسك أن كان الكاوتش مخروم، اليوم اللي بعده يتخرم الكاوتش بجد

قانون حمام السباحة:

بعد وضع جسمك في الماء، يبدأ التلفون يرررررن وما يسكتش

قانون الالكترونيات :

إذا أخذت جهاز علشان تصلحه وعايز توريه انه ما بيشتغلش، وقتها يشتغل أحلى كلام ( حلااااااااوة )

قانون السينما :

اللي حاجزين كراسي في النص لازم يجوا آخر ناس ويدوسوا على رجلك

قانون القهوة :

أول مايجيلك فنجان القهوة سخن، يجي رئيسك ويعطيك شغل ما تخلصة إلا لما تبرد قهوتك

قانون المصادفات :

إذا كنت مع واحد أو واحدة وموش عاوز حد يشوفك معاهم، فجأة كل اللي تعرفهم يطلعوا من كل مكان

قانون الأقساط :

إذا عندك سيارة أو أي سلعة بالقسط،،، مجرد ما تخلص الأقساط تخرب

قانون الزواج :

بعد شهرين من زواجك ... يسألوك ها مافيش حاجة جاية في السكة ؟؟؟

قانون المرتب :

آخر الشهر لازم كل العزايم والهدايا والطلبات تزيد ... حبكت؟؟؟

قانون الطقس :

لازم بنهاية الأسبوع وانت متحمس بتطلع للحدائق أو تروح البحر
مع الصبح يبقي الجو هوى وتراب وحر ورطوبه بمعنى تأتى الفصول الاربعه في يوم واحد




قانون النوم :
أول ماتنام يطلعلك ناموسة أو ذبابة تخنقك

حالة أخرى, تلاقى والدك يقولك : تعالى انا عايز اتكلم معاك شوية .



و أخيرا قانون البحث :

إذا حبيت تدور على شيء معين(موش حتلاقيه).... مع إنك كنت كل يوم بتشوفه


منقول يارب يعجبكم

[Night Moon]

ميرسي ياسمارت علي التوبك

[الوردة الحمرا]

اية الموضوع الميل دة

[الوردة الحمرا]

اية الموضوع الجميل دا يا قمر انا اهديكى الوردة على الموضوع

[m.alghrbawy]

موضوع جميل اوى
وعلى فكره معظم الحاجات دى بتحصل معايا كتير اوى

[mon ange]

صح حاجات رخمه كده بتحصل بس بتبقى لذيذه ومضحكه