في ضيافه فلان ضيف الحلقه ( esraa)

**Am.M** · 09-23-2008, 12:19 AM

أقصد يا دكتور .. أنا لم بقرأها بخاف أوىىىىىىىى لأنى بحس إن أنا من الناس المقصرة إللى هتتعاقب
يعنى مثلا : قوله تعالى " أرضيتم بالحياة الدنيا من الآخرة" بحس إن أنا بعمل كده
وكمان : سورة الزمر كلها لم بقرأها بحس إن أنا من كل أصناف الناس الوحشين المذكورة فيها..
وكمان هذه الآيات بالذات من سورة الأعراف بخاف جداااااااا أحسن أكون من أهل النار أو حتى من أصحاب الأعراف إللى حسناتهم متساوية مع سيئاتهم وإنى أقف فى نفس موقفهم يوم القيامة......

ده إحساسى ناحية الآيات دى.. ولأتمنى من ربنا سبحانه وتعالى أن إذا كنت أنا حد من إللى هيتعذب أو يتألم فى الآخرة إنه بجد سبحانه وتعالى ينجينى من سوووووء عملى ويعفو عنى وعن كل المؤمنين

**sarah** · 09-23-2008, 01:46 AM

1-هل حضرتك متفائل مع دفعة ثالثة مساحة؟
2-بما انى اول مرة حضرتك حدرسلى وده ليا الشرف , تحب حضرتك الطالب يكون ازاى واسلوب حضرتك ازاى فى المحاضرات؟

مفيش اسئلة تانى بس احب اضيف انى اتعاملت مع حضرتك وكانت لديك سعة صدر ومش بتحرج حد ,فانك تستحق التقدير والاحترام. بصراحة انا بحب القسم لان روحه عالية واحسن من اقسام تانية انا بتكلم عن الدكاترة والمعيدين و الجو ده هوة اللى ححببنى فى الجغرافيا بس لية مبيحبوش البنات فى المساحة.

**witch evil** · 09-23-2008, 04:06 AM

المشاركة الأصلية كتبت بواسطة Mohamed Saad Yassin

بس انا كنت عايزه اسأل استاذ محمد مين الدفعه اللى حضرتك زعلت انك درستلهم وكانت اسواء دفعه مرت على حضرتك؟؟

2007

ليه كده بس والله داحنا طيبين وبنحب حضرتك وبعدين انا بقول غير دفعتنا لانى عارفه ان حضرتك معتبرنا اسواء دفعه
بس والله احنا مقصدنا نزعل حد وان شاء الله نكون عند حسن ظن حضرتك السنه دى

**witch evil** · 09-23-2008, 04:20 AM

ياريت حضرتك تدى نصيحه لدفعه 2007 عشان تسمحنا ومنبقاش اسواء دفعه

وانا عارفه ان حضرتك اكيد بتتمنا ان الدفعه كلها تحول هههههههههههه

**Hassan Mohamed** · 09-23-2008, 07:20 AM

نخش بقا علي اسئلة (لو) إذا بدك يعني

لو جاتلك فرصة عشاء رومانسى فى مطعم رومانسى هادىء
تاخد مين معاك على العشاء بس حد ؟؟؟ غير بابا وماما ومرات حضرتك في المستقبل ان شاء الله

لو حد غالي علي حضرتك ( حبيبتك ) وطلبت منك وقالك قولي شعر ماذا ستقول له؟؟؟

لو جاتلك فرصة سفر تحب تكون فين ومع مين ؟؟؟؟

**Mohamed Saad Yassin** · 09-23-2008, 07:46 AM

المشاركة الأصلية كتبت بواسطة sarah

1-هل حضرتك متفائل مع دفعة ثالثة مساحة؟
2-بما انى اول مرة حضرتك حدرسلى وده ليا الشرف , تحب حضرتك الطالب يكون ازاى واسلوب حضرتك ازاى فى المحاضرات؟
مفيش اسئلة تانى بس احب اضيف انى اتعاملت مع حضرتك وكانت لديك سعة صدر ومش بتحرج حد ,فانك تستحق التقدير والاحترام. بصراحة انا بحب القسم لان روحه عالية واحسن من اقسام تانية انا بتكلم عن الدكاترة والمعيدين و الجو ده هوة اللى ححببنى فى الجغرافيا بس لية مبيحبوش البنات فى المساحة.

هل حضرتك متفائل مع دفعة ثالثة مساحة؟
و حأتشائم ليه انا بس اتمنى من ربنا ان ربنا يوفقهم و يكونوا قد الشعبة و المجهود اللى حيقوموا بيه فيها و ربنا معاكو
بما انى اول مرة حضرتك حدرسلى وده ليا الشرف , تحب حضرتك الطالب يكون ازاى واسلوب حضرتك ازاى فى المحاضرات؟
شكرا ليكى كتير الشرف ليا انا
بحب الطالب الملتزم و المجتهد وفى نفس الوقت المتفاعل
أما اسلوبى فحتعرفية ان شاء الله و لو احيانا ربنا فى المحاضرة
مفيش اسئلة تانى بس احب اضيف انى اتعاملت مع حضرتك وكانت لديك سعة صدر ومش بتحرج حد ,فانك تستحق التقدير والاحترام. بصراحة انا بحب القسم لان روحه عالية واحسن من اقسام تانية انا بتكلم عن الدكاترة والمعيدين و الجو ده هوة اللى ححببنى فى الجغرافيا
شكرا يا سارة و دى شهادة اعتز بيها و انتم كلكم زى اخواتنا و الدكاترة بيعتبروكوا زى اولادهم
بس لية مبيحبوش البنات فى المساحة
مش احنا اللى مابنحبش البنات فى المساحة و لكن طبيعة العمل المساحى هى اللى مش بتحب البنات و للتوضيح أكثر فان اصحاب الشركات و المقاولون مش بيحبوا البنات فى الشغل المساحى خصيصا لانة مجهد جدا و لا يتناسب مع طبيعة البنت

**Mohamed Saad Yassin** · 09-23-2008, 08:51 AM

المشاركة الأصلية كتبت بواسطة witch evil

ليه كده بس والله داحنا طيبين وبنحب حضرتك وبعدين انا بقول غير دفعتنا لانى عارفه ان حضرتك معتبرنا اسواء دفعه
بس والله احنا مقصدنا نزعل حد وان شاء الله نكون عند حسن ظن حضرتك السنه دى

المشاركة الأصلية كتبت بواسطة witch evil

ياريت حضرتك تدى نصيحه لدفعه 2007 عشان تسمحنا ومنبقاش اسواء دفعه

وانا عارفه ان حضرتك اكيد بتتمنا ان الدفعه كلها تحول هههههههههههه

يا سيدتى الفاضلةأولا و للتوضيح لا أكثر و كمان علشان تضيفى لمعلوماتك
تسمى (بضم التاء) الدفعة بسنة التخرج
يعنى مثلا حضرتك ان شاء الله دفعة 2011 لانك كنتى فى اولى سنة 2008 كمان مش 2007
ثم انا ماقولتش انى بأكرة دفعتكم لانى اساسا مابعرفش اكرة حد بس ممكن اتضايق من حد
و انا اتمنى انكم تكونو احسن دفعة و دة طبعا حيكون بالالتزام و احترام المحاضرات و الانشطة المختلفة اللى غايبة عن كتيير من الطلبة اللى بتدخل الكلية و بتخرج منها من غير اى شئ جديد حتى هوايتة أو موهبتة مابيحولش انة ينميها

**Mohamed Saad Yassin** · 09-23-2008, 09:09 AM

حاضر جاى لأسئلتك يا حسن

**Mohamed Saad Yassin** · 09-23-2008, 09:29 AM

المشاركة الأصلية كتبت بواسطة thesurveyor

نخش بقا علي اسئلة (لو) إذا بدك يعني

لو جاتلك فرصة عشاء رومانسى فى مطعم رومانسى هادىء
تاخد مين معاك على العشاء بس حد ؟؟؟ غير بابا وماما ومرات حضرتك في المستقبل ان شاء الله

لو حد غالي علي حضرتك ( حبيبتك ) وطلبت منك وقالك قولي شعر ماذا ستقول له؟؟؟

لو جاتلك فرصة سفر تحب تكون فين ومع مين ؟؟؟؟

انت يا حسن اسئلتك دايما مشاكل بس يا سيدى حأجاوبك علشان مش كل شوية تقولى عالماسنجر انى بأتهرب من الاجابة على الاسئلة

لو جاتلك فرصة عشاء رومانسى فى مطعم رومانسى هادىء
تاخد مين معاك على العشاء بس حد ؟؟؟ غير بابا وماما ومرات حضرتك في المستقبل ان شاء الله
شوف يا حسن انا اساسا مش من طبعى الخيانة فطبيعى مش حأقبل ان تكون فية عشوة بقى رومانسية فى مطعم رومانسى و انا متجوز و ما يكونش الشخص اللى معايا زوجتى فطبعا ان شاء الله حتكون زوجتى
و اكيد طبعا برده مش حيكون بابا و ماما على حد قول سعادتك

لو حد غالي علي حضرتك ( حبيبتك ) وطلبت منك وقالك قولي شعر ماذا ستقول له؟؟؟
أولا مفيش اتنين بيحبو بعض يا سيدى الفاضل بيطلبوا من بعض اشعار او اقوال ومفيش واحدة بتطلب من اللى بتحبة شعر او زجل او مدح والعكس لان دة عبارة عن احساس و مشاعر يعبر عنها كل منهم بطريقتةو الا بقى يعنى تبقى العمليه .................
أما لو انا من نفسى (بفتح النون) حبيت اقول شعر أو اعبر عن احساس معين فساعتها بقى يعنى تجد لسانك يمطر من الكلمات الرقيقة العذبة ما لم تكن تتخيله ودة طبعا بيكون حسب الوحى لما بينزل (بس اكيد مش حعمل زى محمد سعد الممثل فى فيلمه لما قال الحب الحب .. الشوق الشوق ..بلوبيف بلوبيف)

لو جاتلك فرصة سفر تحب تكون فين ومع مين ؟؟؟؟
اولا يا حسن انا بحب السفر و بحب اروح اماكن كتيرة فمثلا بحب ازور اقسام الجغرافيا و كليات اخرى كالعلوم و الهندسة و التخطيط العمرانى على مستوى الجمهورية و انت كمان عارف بسبب طبيعة شغلنا و دراستنا الميدانية بنلف مصر يعنى مثلا شمال سيناء و جنوب سيناء و مطروح و الواحات و اسوان و غيرها و ان شاء الله السنة دى حنسافر الغردقة و اللى جاية احتمال باذن الله حلايب و شلاتين و لما نخلص مصر كلها انا حابب انى اسافر و الف العالم
أما عن سؤالك اللئيم فحريحك (بفتح جميع الحروف و سكون الكاف)
أحب لو جاتلى فرصة سفر أسافر مع الشخص اللى حيكون من نصيبى (فاهمنى طبعا) و يفضل يكون السفر بحرا و يكون السفر الى اجمل جزر العالم (معلش يا حسن انت قلتلى فرصة و جاتلى بقى و انا طماع - مش انت اللى حتدفع!!!!!!!!!!!!!!!!!؟)

**white_heart** · 09-23-2008, 12:57 PM

لو ممكن اسال دكتور محمد مين اهم شخص غير فى شخصيتك واتاثرت بية قوى؟
كنت بتذاكر اذاى؟
ممكن تحدد شخصيت حضرتك ؟
اية اكبر عقبة وقفت فى مشوار دراستك ؟
اية الحلم الذى كنت نفسك تحققة وحتى الان ما اتحققش ؟
دكتور محمد خميس الزوكة رحمة اللة كان بيمثل اية لحضرتك؟
اول واحد بتحب تشوفة لمل بتكون فرحان او لما تحقق انجاز؟
مين الاب الروحى لحضرتك ؟
حضرتك شايف نفسك زى مين ؟
مين الشخص اللى متتمناش تبقى زية ؟
مين اكتر حد بتحبة فى الدنيا؟
لو قالوا لحضرتك حتتنفى فى جزيرة لمدة اسبوع ومسموح لشخص واحد بس يرافقك مين الشخص اللى ممكن تختارة ؟

الموضوع: في ضيافه فلان ضيف الحلقه ( esraa)

أدوات الموضوع

عرض

الكلمات الدلالية لهذا الموضوع

المفضلات

المفضلات

ضوابط المشاركة