النتائج 1 إلى 7 من 7
  1. #1
    Status
    Offline
    الصورة الرمزية ميرا مار
    عضو ملكى 100%
    تاريخ التسجيل
    Sep 2008
    المشاركات
    3,970
    معدل تقييم المستوى
    7856

    افتراضي كلمات عامية دارجة اصلها فرعونى..

    السلام عليكم
    دا موضوع مهم والحقيقة فضلت انه يبقى فى موضوع منفصل عن ارشيف الحضارة الفرعونية لانه يمس ثقافتنا الحالية..
    اولا كل سنة وانتو طيبين
    النهاردة راس السنة الهجرية


    اللغة المصرية القديمة لم تندثر تماما - بل انها باقية الى يومنا هذا .
    ان مئات الجمل والالفاظ لاتزال مستعملة كل يوم فى اللغة العامية للمصريين ..
    ( مم ) بمعنى كل للطفل الصغير ..
    اصلها مأخوذ من اللغة القبطيه القديمة
    ( موط ) والهيروغليفية ( اونم ) بمعنى كل
    ( امبو ) بمعنى ( اشرب ) . ماخوذة من كلمة ( امنموا ) القبطية بمعنى اشرب ..
    اما اذا ارادت الام ان تنهر طفلها تقول له ( كخة ) وهذه الكلمة قديمة ومعناها القذارة ..

    ( تاتا خطى العتبة ) وتاتا فى الهيروغليفية معناها ( امشى ) .


    البعبع ماخوذ من القبطية ( بوبو ) وهو اسم عفريت مصرى مستخدم فى تخويف الاطفال .

    يامطرة رخى - رخى وأصل كلمة ( رخى )
    فى العامية المصرية هو ( رخ ) فى الهيروغليفية معناها ( نزل ) .

    مدمس معناها الفول المستوى فى الفرن
    بواسطة دفنه او طمره فى التراب
    والتى تشير الى اكثر الوجبات الشعبية لدى المصريين
    وهو كلمة ( متمس ) الهيروغليفية - اى انضاج الفول بواسطة دفنه فى التراب .

    البيصارة واسمها القديم ( بيصورو ) ومعناها الفول المطبوخ .

    شبشب ( الخف ) والتى اصلها قبطية ( سب سويب ) ومعناها مقياس القدم .
    وفى الحر يقول المصريون ( الدنيا بقت صهد ) وصهد كلمة قبطية تعنى نار .

    كلمة واح والتى صارت واحة بالعربية,معناها جزيرة العرب,
    وكلمة نونو وهي الوليد الصغير,وكلمة كحكح وتعنى العجوز,
    وكلمة طنش معناها لم يستجب,....وغيرها كثير
    بطط اى دهس
    بطح: ضرب فى الرأس
    ست: امرأة
    خم: يخدع
    حبه: القليل من
    ياما : كتير
    كركر: من كثرة الضحك
    كح كح:وصل الى مرحلة الشيب
    هوسة: صوت الغناء العالى
    مأهور: حزين
    مأأ : يدقق النظر
    ادى: يعطى
    برش: بقعة
    همهم:تكلم بصوت خافت
    زعنف: زعنفة السمك
    عف: ذباب
    فنخ: فسد
    بح: انتهى
    ابح: حمل
    كاني وماني = لبن وعسل
    حتتك بتتك = لحم وعظم
    وحوي يا وحوي إياحة
    قالها د احمد خالد فى قصة من اخبار اليوم
    الحكاية انه بعد انتصار احمس على الهكسوس
    خرج الشعب يحي الملكة اياح حتب ام الملك المظفر احمس طارد الهكسوس فكانوا بيقولوا
    واح واح إياح = تعيش تعيش إياح
    مع الزمن الكلمة صارت وحوى يا وحوى إياحه وصرنا نقولها احتفالا برمضان
    وايضا كانوا ينادون بها الهلال بعد ذلك ,,,
    -موت: هي موت في اللغة المصرية القديمة و أيضا في العربية و "ميته" في العبرية
    -أصبع: نفس المعني في اللغتين المصرية والعربية
    -بكة: ذكرت في الآية الكريمة بمعنى مكة وهي كلمة مصرية
    -الدح: فهي معناها الملابس(كلمة مصرية)
    -آمون: المعبود المصري القديم هي كلمة يراها بعض العلماء على أنها مصدر أو تحريف لكلمة آمين
    -محب: بمعنى محب أو مخلص في اللغة المصرية
    و ذكرت في اسم القائد العسكري حورمحب "أي المخلص لحورس" وهو قائد الملك أخناتون ورجله الأول...

    معنى كلمه سيدنا موسى عليه السلام كلمه مكونه من مقطعين ( مو + ســــــا )
    مو اى الماء
    و سا اى ابن
    ومعناه ابن الماء وذلك لانه وجد فى الماء عندما كان طفلا
    اما كلمه مصطبه ,,,
    الغريب ان اللفظة فرعونية وتعنى (تابوت) .. غير ان لفظة "تابوت" فرعونية
    وتعنى (صندوق لدفن الموتى أو ما شابه).
    ولفظة "مصطبة" هى فى الهيروغليفية "مس تبت" وهى مركبة
    من كلمتان "مس" بمعنى (ميلاد) ، ومن "تبت" بمعنى (صندوق ، تابوت)
    فيكون معناها (ميلاد الصندوق) وهى تعنى البعث
    أو الميلاد الثانى.
    وقد تأثرت بالكلمة لغات أخرى فنجد اليونانية قد أخذتها فى اللفظة micitopoc "ميسيتوبوس" بمعنى (مصطبة ، مقعد) ،
    كما أخذتها عنها الإنجليزية بنفس النطق mastaba "ماستابا" وترجمها قاموس المورد
    بمعنى (قبر فرعونى مستطيل) وأردف أن إرتفاعه قريب من الأرض.
    والإنجليزية بها العديد من الألفاظ الهيروغليفية فنجد كلمة Christmas
    هى فى الأصل
    مركبة من كلمتين احداهما انجليزية Christ بمعنى (المسيح)
    والأخرى هيروغليفية "مس" والتى تحولت
    الى mas بمعنى (ميلاد) فيكون معناها (ميلاد المسيح) ..
    والغريب ان كلمة "كرسى" أيضا تعنى نفس الشئ
    فهى لفظة هيروغليفية "قرسو" وهى تعنى أساساً (تابوت)
    وقد تحولت فى القبطية kerco "كَرسو" بمعنى
    (كرسى).وهناك ترادف بين الكرسى والمصطبة والتابوت.
    لقب " ست " و" سى " هى القاب فرعونية مية فى المية ..
    فكان اجدادنا الفراعنة ينادون على " ربة المنزل " اوكما نقول الآن فى
    الكفر بالعامية " ست الدار " ..

    ينادون عليها ب { ست ان بر }
    ( ترجمة صحيحة من اوراق البردى )
    ومعنى هذا ان الأسم تناقلته الأجيال وتحول الى ست الدار ..
    واختصره البعض الى " ست " .. وكان أجدادنا الفراعنة يطلقون على المرأة او الزوجة اسم { مرت }
    وزوجتى { مرتى } آى " مراتى بالعامية " .. وعندنا مازلنا نقول .." مرتى "
    اما { سى ان بر } فكان اسم رب البيت وللدلع والأختصار أخذ الشق الأول
    واضافو اليه الأسم الحديث زى " سى السيد
    "
    شاشا الفجر وهى عند الفراعنة { شاهشا } وترجمتها سطع او أضاء ..
    " العيش باش " عندما تطوله المياه ..
    وكلمة { باش } كلمة فرعونية ومعناها " طرى أو ندى "
    ويقولك .. فلان " كوش " على كل حاجة ..
    وكلمة { كوش } كلمة فرعونية معناها " سرق الشئ جميعه " ..
    وفيه بلاد عندنا تقول " سك الباب "
    آى أقفل الباب وكلمة { سك } كلمة فرعونية معناها " أغلق " ..

    السنا فعلا شعب تمتد جذورة الى أعماق التاريخ .. ؟؟
    لقد أعترف مؤرخوا الحضارات بذلك ضمنا فى كتاباتهم ..
    بل والترجمات لكل ما كتب فى البرديات المحفوظة فى متحف العالم ..
    وما كتب على جدران المعابد والمقابر ..
    كلها تؤكد أن أول من أستأنس الأرض وزرعها هو المصرى ..
    أو من سقى الأرض بالعرق هو المصرى .. أول صانع محترم مبتكر هو المصرى ..
    ولحسن الحظ لم تغير الأيام أو حتى القرون ..
    الأسماء التى كان يستخدمها أجدادنا القدماء .. مثل :
    فاس ، شادوف ، شونة ، جرن ، ماجور ، زير ، مشنة ،
    بقوتى ، سلة ، بشكير ، فوطة، تخت، ششم، بتاو، ختم ، طوبة .. الخ

    القائمة طويلة جدا .. وكلها اسماء وكلمات مصرية قديمة من ايام الفراعنة ومكتوبه
    زى ماقلت فى أوراق البردى وعلى الجدران فى كل مكان زى ما بنستخدمها الوقت ..
    وكانت كلمة " عيش " تطلق فى المعابد على الخبز المقدس ..
    حتى الكلمات التى نستخدمها فى التعامل مع الحيوانات منقولة كما هى عن اجدادنا ..
    فقد كانوا يقولون للحمار والحصان .. { حا ، شى ، هس، جر، بس ، زر } وللطير { هش } ..
    ولما بنقول " ياليل ياعين "
    ليل بالفرعونى معناها الفرح .. ومعنى الجملة اللى بيغنيها الفراعنة
    وورثناها عنهم " افرحى ياعين " لما ترينه ..!
    و الان مارأيكم ان نتحدث عن المدن المصرية التى مازالت محتفظة باسمها الفرعونى.
    هناك مئات المدن التى مازالت محتفظه باسمها حتى الان وعلى سبيل المثال وليس الحصر :
    ابيس
    احدى القرى التابعة لمدينة الاسكندرية عرفت فى النصوص المصرية
    باسم ابيس وهو اله القوة والاخصاب فى مصر القديمة
    وهو عبارة عن ثور وكان الملك يتشبه به
    ارمنت
    احدى مدن محافظة قنا عرفت فى النصوص المصرية باسم بر مونت
    اى بيت الاله مونتو ثم حرفت فى القبطية
    الى ارمونت ثم فى اليونانية هرمونتيس وفى العربية ارمونت.
    وقد كانت مركز عبادة الاله مونتو وزوجتيه ايونيت وثنتيت.
    اسوان
    عرفت فى النصوص المصرية سونو ثم حرفت فى القبطية الى سوان
    واضيفت اليها الالف فى العربية لتصبح اسوان .
    كلمة سونو تعنى فى اللغة المصرية القديمة السوق
    او مركز التبادل التجارى على اعتبار ان اسوان كانت مركز التبادل التجاري بين الشمال والجنوب.
    ومن اشهر معالم اسوان وجود مقابر الدولتين القديمة والوسطى المنحوتة فى صخر الجبل الغربى للنيل .
    اسيوط
    عرفت فى النصوص المصرية باسم ساوت
    وفى القبطية اسيوت ثم تحولت فى العربية الى اسيوط
    وعرفت عند اليونانيين باسم ليكوبوليس اى مدينة الذئب الذى يرمز للاله وب- واووت.


    المصادر :
    كتاب اللغة المصرية القديمة لدكتور عبد الحليم نور الدين
    وكتاب النصوص الملكية فى المقابر الفرعونية لدكتور جمال عبد الرزاق
    موسوعة ويكيبديا
    التعديل الأخير تم بواسطة ميرا مار ; 01-04-2009 الساعة 02:49 PM
    املأ أوقات الانتظار بالاستغفار

    كيف ابكى على الاشياء ان ذهبت؟؟
    والنفس مالكة الاشياء ذاهبة!!!!!!!

    القلب النابض

  2. #2
    Status
    Offline
    الصورة الرمزية احمد عبد الحليم
    عضو محترف 50%
    تاريخ التسجيل
    Sep 2008
    المشاركات
    451
    معدل تقييم المستوى
    4318

    افتراضي

    معلومات حلوة اوى شكرا ميرا علي مجهودك

    وعارفة احلي حاجة فيكي ان موضوعاتك متجددة ...


    لا تقل اني احبك انما
    اهوى الهوى فيك وان يكن دما
    يا بهجة في القلب تدخل اينما
    رأت عيونك وثغرك المتبسما

  3. #3
    Status
    Offline
    الصورة الرمزية NOHA SHABAN
    عضو ذهبى 90%
    تاريخ التسجيل
    Dec 2008
    المشاركات
    1,056
    معدل تقييم المستوى
    4864

    افتراضي

    موضوع جميل جدا وأعتقد أى حد حيستفيد منه كتير وذى مازالت الفترة الفرعونية مؤثرة على لغتنا العامية الحالية كذلك فترة الحكم العثمانى والتركى والأحتلال الأنجليزى أثرت أيضا وياريت نناقش الموضوع ده فهو تكملة لتأثير الفترات التاريخية المختلفة على اللهجة العامية المصرية وشكرا مرة تانية

  4. #4
    Status
    Offline
    الصورة الرمزية Mimi
    مهندسه معمارية
    تاريخ التسجيل
    Sep 2008
    الدولة
    Egypt
    العمر
    32
    المشاركات
    1,687
    معدل تقييم المستوى
    5576

    افتراضي

    بصراحة ياميرا مش عارفه اقولك ايه يعني هو الموضوع مختلف ويشدك تقريه للآخر

    بس انا مقريتوش للآخر بدقة محتاج قعدة يعني بصراحة

    اصل فعلا تعرفي في بعض الكلمات اللي هيا اصلا بنقولها انا مش عارفاها واول مرة اسمعها ههههههههههه فتخيلي بشوف اصلها ايه وانا مش عارفه اصلا الكلمة دي

    وبعدين لاحظت ان الاصول مختلفة ما بين اللغة القبطية والهيروغليفية وشبه الجزيرة العربية انا اصلي ياميرا مش بستوعب بسهولة من اول مرة فصعب اقولك اني فهمت كل الكلام اللي في الموضوع دا

    بصراحة الحته اللي اتقفلت بعدها خالص ومبقاش في اي فرصة للاستيعاب والتفكير هيا الجاية دي

    وحوي يا وحوي إياحة
    قالها د احمد خالد فى قصة من اخبار اليوم
    الحكاية انه بعد انتصار احمس على الهكسوس
    خرج الشعب يحي الملكة اياح حتب ام الملك المظفر احمس طارد الهكسوس فكانوا بيقولوا
    واح واح إياح = تعيش تعيش إياح
    مع الزمن الكلمة صارت وحوى يا وحوى إياحه وصرنا نقولها احتفالا برمضان



    ههههههههههههههههههههه كل اللي عملته اني قعدت اضحك موت وقررت مفهمش حاجة بعدها

    عشان كدا ليا رجعة تانية لما ابتدي اشغل مخي تاني ياقلبي ميرسي والله بجد ليكي انا بحب اوي الحاجات دي

    وعجبتني بالمناسبة اصل كلمة موسى وكنت عايزه معلش اضيف حاجة كدا على مصطلح كاني وماني اللي هما معناهم العسل والسمن

    لما ييجي حد ليه مصلحة عند حد ومحتاجه اوي فكل شوية ياعيني يكلم الشخص دا ويسأله عن مصلحته ويحس انه بيتذل فييجي واحد صاحبه يقوله ياعم متقولش كاني وماني اكيد سمعنا اللفظ دا بس ياترى ايه المقصود بيها ؟

    زمان الفراعنه العبيد كانو عشان يقضو حوائجهم كان لازم يقدمو حاجة للرتب الاكبر منهم واللي بيقدموه عسل وسمنة عشان كدا لما واحد يبقاله حاجة عند حد مش لازم يبينله انه مذلوله عشان يقضيله حاجته


    حاسة ان مفيش حد هيفهم الكلام دا عشان مش عارفه اعبر

    عموما ياميرا انا مش هقول حاجة تانية عشان انتي عارفه باه اني مش بحب الرغي خالص وبختصر في كلامي :D :D

  5. #5
    Status
    Offline
    الصورة الرمزية white_heart
    عضو متألق 60%
    تاريخ التسجيل
    Sep 2008
    العمر
    28
    المشاركات
    562
    معدل تقييم المستوى
    4429

    افتراضي

    واللة يا ميرا دايما متالقة
    والموضوع جميل جدا
    مشكورة يا قمر وللامام
    يابو الفانلة البيضا وفيها خطين حمر

    يا مدرسة وهندسة بنجومك السمر

    من صغر سنى عاشق انا فنك

    واهتف واقول زمالك لاخر العمر

  6. #6
    Status
    Offline
    الصورة الرمزية ميرا مار
    عضو ملكى 100%
    تاريخ التسجيل
    Sep 2008
    المشاركات
    3,970
    معدل تقييم المستوى
    7856

    افتراضي

    شكرا ليكم يا جماعة مشاركاتكم بتحيينى..
    جودى..
    هههههههههههههههههههههههههههههههههههههههههههه
    بس وانا كمان ضحكت كتير على حكاية وحوى وحوى

    المهم.. شكرا ع المعلومة وطبعا مفهومة..
    وشكرا لمرور الجميع
    املأ أوقات الانتظار بالاستغفار

    كيف ابكى على الاشياء ان ذهبت؟؟
    والنفس مالكة الاشياء ذاهبة!!!!!!!

    القلب النابض

  7. #7
    Status
    Offline
    الصورة الرمزية حسام المصرى
    عضو مميز 70%
    تاريخ التسجيل
    Oct 2009
    الدولة
    عند لوحة مرحبا بك فى الاسكندرية
    المشاركات
    623
    معدل تقييم المستوى
    4326

    افتراضي

    يعنى المثل يقول
    اخدها حتتك حتتك ورامها بتتك بتتك
    او رخ حتتك حتتك ورامها ( معانها ايه بق ىمعرفش ) بتتك بتتك

    موضوع هايل بجد
    تسلم ايدك

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •