لمن يجرؤ فقط ..أسئلة جريئة للشباب والبنات

[ميرا مار]

ايه يا جووووودى الموضوع الجميل دة
باهنيك عليه
بس انا مش هاجاوب اللا لما انت تقولى الاول ......ههههههههههه

ها ايه بقى؟

[Mimi]

.هل تستطيع المرأه تغيير الرجل؟ ؟؟

بدون أدنى شك

.هــل تقبلين شاب معاق جسديا؟

كل انسان خلق معاق هو مبتلي من الله والانسان لا يعيبه الا طريقة تصرفاته وأخلاقه بس عشان الاسئلة عايزه الصراحة انا مقدرش أرتبط بانسان معاق جسديا لانه هيحتاج عناية باستمرار وانا مش واثقة في قدرتي على كدا وبالتالي لا أظلمه ولا أظلم نفسي

.هل تقبلين بشاب لاينجب ؟واذا كنتـــي تحبيـــنه ؟

اذا كنتي بحبه هتقبله بأي وضع وأنا بأمانة اذا حبيته وارتبطنا وبانت العيوب دي هفضل جنبه وهستغل الموضوع دا في اني أثبتله اني بحبه ومتمسكة بيه واني مرديتش ارتبط بيه الا عشان بحبه ومسألة الاطفال دي من عند ربنا يعني ممكن نتبنى طفل لو لزم الامر وممكن ربنا في يوم وليلة يخليه قادر على الانجاب كل شئ ممكن أهم حاجة متخلاش عنه لاي سبب

.مارايكم في الرجل الذي يبكي من اجل الحـب؟

دموع الرجل غاليه أوي أوي أوي أوي أوي عندي ومش سهل دمعة الرجل تنزل أبدا فلما توصل للمرحلة دي يبقى الرجل دا قلبه محطم ورأيي في كدا انه انسان له مشاعر وأحاسيس ومن حقه يعبر عن شعوره بأي شكل حتى ولو بالبكاء

.المرأه..ماالذي تبحث عنه عند الرجل?

المرأة مخلوق فضولي بشكل محدود يعني الحاجات اللي بتدور عليها دايما بسيطة ومش معقدة ، المرأة تبحث بكل الاشكال عن الحب وعن الأمان وعن الاحتواء

.ماهو العيب الذي تتمنى التخلص منه في شخصيتك..!!

عدم الثقة في نفسي والتردد القاتل

.ماهي طريقتك الخاصة لتتعامل مع حزنك؟؟؟؟؟

السكوت لمدة طويلة

.مارأيك في الشخص الذي يغاااااار عليك؟؟!!

غيرة المرأة جنون وغيرة الرجل شرف ، الغيرة طبع ولازم نتعامل معاه بشكل متحضر يعني انا موافقة على الشخص اللي يغير عليا ولكن بحدود يعني مش غيرة مدمرة مش غيره فيها مشاحنات وانفعالات وعصبية

.هل احبيتى من قبل؟

حبيت

.هل انتى مزاجيه؟

نوعا ما مزاجي مش متقلب اوي بس ممكن مزاجي يتماشى مع الجو اللي انا فيه


.هل تبــكي على موت إنســان جرحك يومــا ما ؟؟

أكيد طبعا لان ميجرحنيش الا حد كنت بحبه ..دا غير ان الموت مؤلم في كل الاحوال


.ايهما أهون ان يقال لك

زوجك مات ؟ او زوجك تزوج عليك للنساء فقط ؟

السؤال دا مش عايز تفكير اكيد اللي هيبكيني ان يتقالي زوجي مات ، مات وهو بيحبني ومحافظ على بيته انما لو زوجي تزوج لمجرد ان غاوي ستات مش هسمح لنفسي اتدايق وانزعج من الموضوع لانه ساعتها مش هيستاهل يتزعل عليه ولا يستاهل يتحس اصلا

.تكلم بصراحه عن طباعك السيئه في شخصيتك ؟

زي ما قلت من شوية انا شخصية مهزوزة مترددة في اغلب الوقت مش واثقة في نفسي وبالتالي ثقتي في الاخرين فيها مشكلة

.هل انتى معقده؟

اللي حوليا قالولي كدا

.ما الصفه الي تطلق عليك غالبا؟

هادية

.هل انتي عصبية؟

أبدااااا وأكره العصبية والصوت العالي


. لية البنات يحبوا يطولون اظافيرهم؟؟

هههههههههههههههههه انا والله بعاني من حكايه الضوافر دي لاني دايما باكلهم هههههههههه ونفسي اتخلص من العادة المنيلة دي بس اعتقد ان البنات بيطولو ضوافرهم من باب الجمال زي كليوباترا كدا ^_* وممكن عشان يخربشو اي حد دايقهم هههههههههههه


.هل تصدقين شاب قال انه يحبك؟

كلمة ملهاش اي مقياس عندي للحب لانها بتتقال كتير انا أصدق اللي يقولهالي بافعاله مش بلسانه وعلى رأي اللي قال Actions speak louder than words

.أتحبين الكلام مع صديقاتك عن مغامراتك الغرامية ؟

أبداا انا في الحاجات دي بالذات أحب التحفظ وبعتبرها من الخصوصيات وبنصح اي بنت بكدا


. أتعتقدين أن الخيانة الزوجية تقضي على الزواج ؟

اممممممم اجابتي مش أكيده والله ممكن نسأل اي حد متجوز بس من رأيي مش دايما


. أتعتقدين أن بامكان المرأة أن تحقق ذاتها في الحياة المهنية ؟

أعتقد جداااااااا جدااااااااا وأنا من النوعية اللي تحب تكون كيانها وذاتها من خلال شغلها


.هل ضروري أن يكون زوجك وسيم ؟ ولماذا؟

والله هو مش ضروري هو في الاخر نصيب بس بالنسبة ليا مهم عندي عنصر الشكل وأحب انه يكون جميل ووسيم ، يعني بعتبره عنصر مهم بس مش من الأولويات


.في أي سن تفضلي أن تتزوجين ؟ ولماذا ؟

أفضل سن الـ 24 وطالع

.هل ممكن أن تتزوجين من رجل ليس من قبيلتك ؟ ولماذا؟

مش عارفه ازاي مغيرتش الاسم دا قبيلة ايه احنا بنشيت في صحرا؟ هههههههههههههه طبعآ لو رجل مش من عيلتي يبقى أكيد هقبل واصلا مرفوض عندنا نتجوز من قرايبنا انما لو القصد رجل من جنسية تانية دا للاسف مش هينفع لان دا اللي حصلي مع لي حبيته سبب فشل الارتباط انه من جنسية تانية


.ماذا يكون رد فعلك إذا كان زوجك شكاك جداً ؟

أكيد دا هيبان قبل الجواز وأنا محبش أبدا الطبع دا لانه نتايجه وحشه


.هل تعتقدين ان الشباب هو من يبدأ غالبا في معاكسة البنت ؟

ههههههههههه والله في زمننا دا البنت بقت هيا كمان اللي بتعاكس حتى ولو بنسبة أقل من الشاب بس في الغالب اه الشاب هو اللي بيتجرأ ويعاكس البنت

هاااا خلاص كدا فين باه اجابات الباقي المستخبيين ..فينك ياباش مهندسة مها ..فينك ياوايلد انتي وويتتش ..

[mohamed-gohar]

يعني محدش عايز يرد علي سؤالي thank u

[AYMAN GAMAL]

ميرسييييي سينيوريتا

شي كتير كتير حلو

مميزة يا جودي في الاجابات

بتوظفي الكلمات صح اوي

[mohamed-gohar]

واضح ان في تجاهل للاعضاء الجدد

[AYMAN GAMAL]

واضح ان في تجاهل للاعضاء الجدد

تجاهل لية ؟

انت مكتبتش غير اسمك و في سنة تانية

اكتب انت في كلية اية ؟ قسم اية؟ عرفنا اكتر عنك

بس في قسم التعريف بالاعضاء الاول

ومتزعلش نفسك اوي كدة

[mohamed-gohar]

لا انا مش زعلان انا بهزر انا اداب جغرافيا الاسكندرية

[AYMAN GAMAL]

لا انا مش زعلان انا بهزر انا اداب جغرافيا الاسكندرية

هههههههههههههههههههههه

كنت عارف انك هتعمل كدة

انا لسة قايلك تكتب المعلومات دي فين؟

في قسم التعارف بالاعضاء

وعالعموم تانس و تنور يا محمد

[ميرا مار]

هل تستطيع المرأه تغيير الرجل؟ ؟؟

مش هنعتبرها قاعدة لكن اكيد ممكن

هــل تقبلين شاب معاق جسديا؟
وقفت كتير قدام السؤال دة .. واجابتى لو ايا كان خلانى اشعر انى اميرة فمهما كان فيه اقبله

هل تقبلين بشاب لاينجب ؟واذا كنتـــي تحبيـــنه ؟
اب سلولتلى .. دا رزق من عند الله .. هاشترط على ربنا بقى

.مارايكم في الرجل الذي يبكي من اجل الحـب؟
هو فين دة ؟؟؟؟؟ موجوووووود ؟

reeeeeeeeaaaaaly

المرأه..ماالذي تبحث عنه عند الرجل?
المرأة تبحث عن الامان بكل اشكاله .. عمن يشعرها بانوثتها.. عمن يحميها من كل شر حتى ولو كان الشر دة كلمة تضايقها.. عن التفاهم .. عن رجل يمسع دمعتها قبل ان تلمس خدها..

.ماهو العيب الذي تتمنى التخلص منه في شخصيتك..!!
باتحامل على نفسى واتحمل الامى فى صمت

.ماهي طريقتك الخاصة لتتعامل مع حزنك؟؟؟؟؟
اتوضى واصلى وابكى بين ايدين الخالق

مارأيك في الشخص الذي يغاااااار عليك؟؟!!
عنده حق..معذور

.هل احبيتى من قبل؟
وهل يدق قلبى الا بذاك الحب

هل انتى مزاجيه؟
يووووووه جدااااااااااااااااا باجنن اصحابى
عندى شعرة ساعة تروح وساعة تيجى
هااااااااا
قولوا
ساعة تروح ........

هل تبــكي على موت إنســان جرحك يومــا ما ؟؟
اكيد لانى بالتمس العذر لكل انسان.. والموت اكبر من اى شعور انسانى اخر

ايهما أهون ان يقال لك
زوجك مات ؟ او زوجك تزوج عليك ؟
لو باحبه قووى اكيد استحمل انه موجود ومبسوط ولا استحملش اعيش فى الدنيا بدونه
وساعتها بقى على وعلى اعدائى ..عودة الندلة الجزء التانى والانتقاااااااااااااام

تكلم بصراحه عن طباعك السيئه في شخصيتك ؟
لما باكره حد قوى ودى حصلت لى مرة واحدة باكرهه جدا .. ودى حاجة وحشة بتاثر على سلامى الداخلى

هل انتى معقده؟
ابسلوتلى لأ .;)بس انا شخصيتى complex

.ما الصفه الي تطلق عليك غالبا؟]
بيقولو ذكية .. ربنا يسامحهم

هل انتي عصبية؟
انا اللى ينطبق عليهم القول.. اتقوا شر الحليم اذا غضب

لية البنات يحبوا يطولون اظافيرهم؟؟
ودى عايزة كلاااااام ... عشان ام الخلول.. طبعا بتدى مظهر جمالى للايد

هل تصدقين شاب قال انه يحبك؟
للالالالالالالالالالالالالالاء طبعا اشوفها ف عينه الاول وبعد كدا قالها ماقالهاش خلاص ..

أتحبين الكلام مع صديقاتك عن مغامراتك الغرامية ؟
انا ليه مغامرات مرعبة.. تخويفية.. حاجات كدة يعنى اه ساعتها انا اقول على طول ..


أتعتقدين أن الخيانة الزوجية تقضي على الزواج ؟
مش عارفة بس الاكيد انها تقضى على الحب


أتعتقدين أن بامكان المرأة أن تحقق ذاتها في الحياة المهنية ؟
انا لا اعتقد بس im sure]

هل ضروري أن يكون زوجك وسيم ؟ ولماذا؟
دا سؤال بردة طبعا لازم يكون وسيم .. اهو غلاسة بقى .. بس على فكرة .. الجمال نسبى وكل عين بترى الجمال بشكل مختلف

في أي سن تفضلي أن تتزوجين ؟ ولماذا ؟
60 وطالع الحياه تبدأ بعد ال 62

هل ممكن أن تتزوجين من رجل ليس من قبيلتك ؟ ولماذا؟
طبعا لا .. لازم يكون م الجبيلة .. احنا من هوارة وبناتنا مايطلعون براتها

ماذا يكون رد فعلك إذا كان زوجك شكاك جداً ؟
هاوريه الويل لغاية مايلاقى ان الشك هيتعبه هو لوحدة .. يقوم يعتزل الشك

هل تعتقدين ان الشباب هو من يبدأ غالبا في معاكسة البنت ؟
كل واحد له طريقته

تمام يافندم .. باشكرك ع الوقت الجميل اللى قضيته فى حوارى مع اسئلتك.. ميرسىىىىىىىىىى

[Hassan Mohamed]

اجوبتك جميلة يا بشمهندسة مها وفيها نوع من الانضباط