" لو لم أكن مصريا كان يبقي قشطة أوي "

**احمد عبد الحليم** · 01-08-2009, 10:50 PM

" لو لم أكن مصريا كان يبقي قشطة أوي "

" لو لم أكن مصريا كان يبقي قشطة أوي "
--------------------------------------
مش عارف ليه دايما بقيت بسمعها كتير
اوي الايام

مش عارف الجملة بتتقال تهرب من مسئوليتنا عن اللي بيحصل في البلد
و لا دي نتيجة منطقية لظروف كلنا بنعيشها ؟

أنا هسأل سؤال للناس اللي عايشة بالمقولة دي
و عايز تهاجر و تسيب البلد

نفترض امك او اختك او مراتك
تعرضت للاختطاف .. و السرقة .. و الاغتصاب
هتعمل ايه
هتدور علي ام تانيه
و لا هتقتل اختك و تتبرأ منها
و لا هتهاجر و تنسي الموضوع
و لا هتطلق مراتك و تجوز غيرها
و لا هتنتحر و تريح نفسك ؟
و لا هتكون راجل بمعني الكلمة و تدافع عنهم و تنتقم لشرفك ؟

طب ده كان مثال بسيط عن الواقع اللي بنعيشه
ما مصر يا عمنا في ايدين غيلان بيسرقوها و بيغتصبوها كل يوم
و احنا مش بنعمل حاجه غير الكلام ده لو اتكلمنا اصلا
هل هي دي الرجولة و هو ده الانتماء ؟

انتوا بتقولوا ان مصر وحشة و مش بتدينا حقنا

هل مصر هي اللي بتذلنا او بتهينا او بتظلمنا ؟
و لا احنا اللي عملنا في نفسنا كده بسكوتنا وضعفنا
احنا اللي عملنا في بلدنا كده بتخاذلنا و جبننا
مش عارف امتي هنتحرك عشان نحرر بلدنا من حزب فاسد
و نظام اغتصبها و نهبها ؟

مش عارف امتي هنحس بشويه نخوه و رجوله و ندافع عنها بجد
مش بكلام و بس ؟ياريت نفكر في الموضوع صح
و نعيد حسابتنا

متقلش مصر وحشة .. قول حكومة فاشلة و حزب فاسد

**Youssef Mostafa** · 01-08-2009, 11:01 PM

عندك حق يا احمد الناس محتاجة تفكر شوية وترجع لدينها بقى

**abdo fadel** · 01-08-2009, 11:21 PM

انا اتخضيت من العنوان يا احمد بس لما قريت الموضوع عجبينى الحقيقة شكرا علي الفكرة والامثلة

**خالد أبوسعده** · 01-08-2009, 11:23 PM

ههههههههههههه
انت مش خايف لا تتمسك ولا ايه يبنى

صح و الله عندك حق
مصر ملهاش ذنب
الذنب ذنبنا احنا

احنا الي ساكتين
و احنا الي بنصوتلهم فى الانتخابات و بعدين نرجع تانى نندم

عيب شعبنا انه محتاج للقائد
طول ما هو مفيش قائد مفيش تحرك
كله بيقول هو انا حغير الدنيا لوحدى

احنا محتاجين لتنظيم ظباط احرار جديد
ناس تكون بتحب مصر بجد

شكلى حتمسك معاك انا كمان يبنى
هههههههههههههه

**احمد عبد الحليم** · 01-09-2009, 01:05 AM

[SIZE="5"]شكرا يوسف علي مرورك ومعاك حق والله

وشكرا عبدة علي ردك

شكرا موبوتو وفعلا انا معاك احنا محتاجين وقفة او الظاهر ان احنا عاوزين جمال عبد الناصر تانى....[/SIZE]

**Sara Gamal** · 01-09-2009, 01:11 AM

متقولش مصر هى امى.........أمك راءدة جوه!!!!!

بصراحة معنديش اى تعليق دلوقتى

بس اوعدك إنى أحاول

!!!!!!

**free eagle** · 01-09-2009, 01:18 AM

يعينى يا حمادة

طيب يا احمد انت مش نفسك تسافر بره مش نفسك تخطب تتجوز بالله عليك لو انت عتهيش هنا هتعمل كل دة فقد ايه

تاني حاجة انا لو حدى مش هغير الكون انا بتصلح اوكى غيري مش راضي وبرده بتيجى على دماغى من تانى طيب هفضل فالذل دة ليه منا اسافر وارجع اعيش ملك ومحدش يتحكم فيا صح ولا غلط

**ميرا مار** · 01-09-2009, 01:23 PM

مش عارفة
هابقى اجى تانى
اصلى متلخبطة شوية

**احمدبشر** · 01-09-2009, 02:35 PM

عندك حق احنا اللى بنشوف السلوك الغلط و نسكت عليه و نعمله لدرجة ان الغلط بقى صح و الصح غلط لازم نعمل حاجة مش لازم نتكلم وبس مش شرط تكون سياسة دى حايتنا و نتعلم من بعض كام واحد فكر ان الحاجة اللى بيرميها فى الشارع حتخلى شكل الشارع وحش كام واحد فكر انه لما يعلى صوته وهو بيهزر مع اصحابه هو بيضر ناس تنيه كام واحد فكر انه لو اتعامل بذوق مع كل الناس حتى اللى ميعرفهومش ان الناس دى حتعمل زيه على الاقل 1%كلنا محتجيين نفكر فى سلوكنا فى حاجات كتتيير نقدر نعملها.......

**احمد عبد الحليم** · 01-09-2009, 06:59 PM

شكرا سارة علي مرورك ومستنيكي

شكرا يسري علي مرورك
ودة بيت القصيد ليه الواحد ما ياخدش حقه في بلدة
هيه البلاد اللي هنسافر ونتغرب فيها دى احسن
من بلدنا في ايه وطالما احنا في ايدينا الاصلاح طيب
مانصلحش ليه ..

اوكي ميرا مستنيكي

شكرا احمد بشر علي مرورك
وفعلا انا معاك انا حالنا مش هيتصلح
من فرد واحد بس لازم نيتدى كلنا نحس باهميه
اننا شايلين مسؤليه بلدنا وانها مش هاتنهض
ويبقي ليها قيمه الا بينا....

الموضوع: " لو لم أكن مصريا كان يبقي قشطة أوي "

أدوات الموضوع

عرض

" لو لم أكن مصريا كان يبقي قشطة أوي "

المفضلات

المفضلات

ضوابط المشاركة