محتاجه رأيكم بصراحه

[sarah]

صح يا onon اوافقك الرأى.

[Hassan Mohamed]

من الاخر زمن الحب الصادق بقا شئ نادر موجود في الافلام وانا بتكلم خصوصا علي شباب وبنات الجيل الجديد من 20 ونازل

[اسامه البنا]

بصي يا شيماء الموضوع شيق وجميل ودعوه للتفكير
بس الله اعلي واعلم بالنوايا ممكن يكون الشاب صادق ومش عاوز يبهدل بنات الناس معاه
وممكن يكون بيتسلي وبينهي القصه في الحلتين هي عليها حل واحد انها تسيبه احسن
علشان هو الي اختار كده وده حل احسن من التمسك بيه دون كرامه
وعمره ما هيحترمها بعد كده لانها رخصت نفسها
((هو ده رايك وانا موافقه))

[shimo]

شكرا يا اسامه وفعلا انت عندك حق فى كل كلمه قلتها
لان اهم شئ الكرامه

[محمود ابوالمجد]

لازم تسناه والدليل ان ساعات علاج الانسان هو في قطع ايده مثلا او رجله عشان يعيش اي نعم هي قسوة من الحياة لكن هي دي سنة الحياة

[Hassan Mohamed]

مش بالسهولة دي يا مودي الحاجات دي بتأخد وقت

[asmoaa]

انا رايى انها تبعد حتى لو كانوا هما الاتنين ما يقدروش يعيشوا من غير بعض ولو ليهم نصيب فى بعض اكيد هيكونوا لبعض لان الظروف فعلا اوقات بتظلم الانسان معاها وخصوصا لو ظروف مادية لان دى بتبقى مسؤليه .
الانسان لما بيفكر فى بكره مش بيفكر فى نفسه بس بيفكر ازاى هيقدر يصرف على الانسانه اللى بيحبها وازاى وميحسسهاش انه ضعيف ومش قادر يشيل المسؤليه بمعنى اوضح مايحسش انه ضعيف عاجز قدامها لانه مش قادر يسعدها ولما الظروف تساعده وحصل نصيب بينهم هيكونوا لبعض مهما كان.
والاراء لازم تختلف فى موضوع زى ده بس بجد ما حدش يقدر يحس حاجه زى دى غير انسان مثلا زى اللى شيماء بتتكلم عليه الظروف فعلا كتير بتظلم الانسان كتير فبيفضل انه يتظلم لوحده بدل ما يظلم حبه الوحيد معاه واكيد فى شباب كتير جدا يادوب بيعيشه على قدهم وكمان بيشتغلوا علشان يقدروا يسرفوا على نفسهم ويكملوا تعلمهم انا رايى ان الاتنين مش غلطنين اكيد فى وجع بس ربنا كبير وقادر انه يغنى اى انسان وبعدين كل ما ضاقت كل ما كان فى خير انا بسميه انسان مكافح واكيد اللى حصل ده غصب عنه وخصوصا لو كان صادق لان الظروف مش بايد الانسان.

[نور الهدي]

السلام عليكم
والله عجبنى قوي كلامك وعلى فكره فعلا دي مشكله بس فعلا ياشيمو ده مش حب عارفه ليه الحب اقوى من الظروف والحب مينفعش حد من الطرفين يتنزلو عن بعض صعب لانهم اتعهدو يكونو سوا مهما كان
ومهما كانت الظروف لانه بيبقي اقوى من الظروف صعب ان طرف واحد يتحكم فى النهايه وكمان تبقي نهايه مجرحه جدا للبنت

[م/ احمد فاخر]

بصراحه انا مستغرب على اغلب الردود اللى سبقتنى

بيتهيئلى انى مفيش واحد حط نفسه مكانه
ولا واحده حطت نفسها مكانها

اما راءى فهو بسيط جدا

اولا من جانب الولد يصارح البنت بكل حاجه وكل التفاصيل ويترك لها حريه الاختيار
اما بالنسبه للبنت فهى اللى هتحدد اذا كانت تكمل معاه ولا لا بس هى اللى هتستحمل الظروف والعواقب بعد كده
وده هيتوقف على مدى الحب بينهم

[shimo]

بصراحه انا مستغرب على اغلب الردود اللى سبقتنى

بيتهيئلى انى مفيش واحد حط نفسه مكانه
ولا واحده حطت نفسها مكانها

اما راءى فهو بسيط جدا

اولا من جانب الولد يصارح البنت بكل حاجه وكل التفاصيل ويترك لها حريه الاختيار
اما بالنسبه للبنت فهى اللى هتحدد اذا كانت تكمل معاه ولا لا بس هى اللى هتستحمل الظروف والعواقب بعد كده
وده هيتوقف على مدى الحب بينهم

بجد يا احمد رأيك عجبني جدا وبيدل على انك انسان واعي فى تفكيرك فعلا عندك حق ومرسي لمشاركتك فى الموضوع