تعالى هنا بئا "" احكلنا وقولنا قصتك ايه ؟؟ اتكلم براحتك

[Hassan Mohamed]

السلام عليكم

ازيكم يا جماعة

انا النهارده جايب لكم موضوع من وجهه نظرى لذيذ

بصوا بقى انتوا طبعا عارفين ان حياة الانسان زي بصمه الايد مفيش اثنين حياتهم زي بعض بالضبط

واكيد كل واحد فينا مرت عليه تجارب مختلفة واتعلم حاجات كتير من التجارب دي

تعالوا بقى يا جماعة كل واحد فينا يحكي لينا عن حياته

.......

هتقولوا ازاى اقولكم

يعنى هيحكى عن الحاجات اللي اتعلمها

والمواقف اللي مرت عليه وهى :-

1)اول ضحكة طلعت من قلبك واول صدمه خدتها في حياتك

2) واول قصة حب مر بيها

3) احلي صحاب عشت معاهم في اي فترة من حياتك

4)والناس اللي بتتعامل معاهم ... وياتري مين فيهم قدوة ليك

5)وايه يا تري اول خيانة حصلتلك

6)وايه النصيحة اللي تقدمها لبقية الاعضاء

كفاية كده ونتكلم كلنا ونتناقش فى الموضوع

وطبعا احنا مش هنسيب الموضوع مفتوح كده

احنا هنخليه موضوع مثير شويه

ايه رايكم يا جماعة

يعني نناقش بعض في ردود بعض وكده يعني

يلا في انتظار اول رد

[Marwa Mahmoud]

بشكرك جداااا يا حسن على الموضوع الرائع ده

فكرتة جميلة جدااا وبيقربنا أكتر لبعض وبيفتح ساحات جميلة للحوار بنا

وانا هكون سعيدة جداا وانا بجاوب على الاسئلة الجميلة دى

وبالتأكيد هجاوب عليها بكل صراحة

1)اول ضحكة طلعت من قلبك واول صدمه خدتها في حياتك

اول ضحكة طلعت من قلبى كنت وانا مع كل قريبى متجمعين فى بيت العيلة
كان يوم ملوش كان كل واحد يقول كلمة او حاجة بجد تضحك
وبجد انا مكنتش قادرة امسك نفسى من الضحك الايام الحلوة دى عمرى مبنساها وبتمنى
ان ترجع الضحكة الحلوة لقلب الواحد زى مكانت بتتطلع منة زمان كان ليها طعم .

اول صدمة اختها فى حياتى كانت ليا صديقة بحبها من كل قلبى وكنا أكتر من الاخوات
وفاجئة لقيتها ضاعت من ايديا بدون اى مقدمات وهيا كمان كانت بتحبنى اوى دلوقت معدناش بنشوف بعض
او حتى بنكلم بعض بالرغم انى بتصل بيها وبسأل عنها بس للأسف ولا حياة لمن تنادى
مشكلتى ان بيعز عليا الناس اوى ومش بقدر انسى حد بسهوله مش عارفة العيب فى مين بالظبط بجد انا مصدومة ان حالنا وصل لكدة .


2) واول قصة حب مر بيها
اول قصة حب مريت بيها كانت اجمل ايام عمرى كان حب صاامت بدون كلام
بس هو أحلى بكتير من الكلام حب مفهوش تجريح ولا غدر ولا خيانة محتفظة بيه للأن لانة انتهى
سبت المكان اللى اتولد فيه الحب الجميل ده ورحت مكان تانى مقيمة فيه دلوقت
بفتكر كل يوم ذكريات عمرى مهنساها .

3) احلي صحاب عشت معاهم في اي فترة من حياتك
كانت وانا فى 2 ثانوى كانت أجمل ايام عشتها مع اصدقائى اللى بجد عمرى مهنساهم
كنا أكتر من الاخوات ايام ليتها تعود .

4)والناس اللي بتتعامل معاهم ... وياتري مين فيهم قدوة ليك
حاليا بعد مدخلت الكليه ولقيت نمازج رائعة من الاساتذة اللى بيدونى
بجد انا بخدهم كلهم قدوة جميلة ليا بتعلم منهم كل يوم حاجة جديدة بيصحوا فى الواحد حجات كتير اوى
وهما فعلا بيعملونا معاملة اكنهم اباء أو أخوات كبار لينا .. بشكرهم وانا بجد ليا الشرف انهم يكونوا مثل أعلى ليا.

5)وايه يا تري اول خيانة حصلتلك
لا الحمد لله متعرضتش لخيانة من حد ولو حصل بيكون سؤ تفاهم وبيعدى
وانا بجد بسامح كل الناس حتى لو حد غلض فى حقى ( أنا مسمحاه )

6)وايه النصيحة اللي تقدمها لبقية الاعضاء

هقولم إحنا هنا كلنا أخوات وأصدقاء ياريت كل واحد فينا يتقبل وجه نظر التانى
حتى لو كل واحد شايف حاجة بس لازم نحترم وجهة نظر بعض .
ومنخليش حجات صغيرة تأثر علينا وتزعلانا من بعض بدون سبب .

المنتدى هنا بتنا التانى اللى بيجمعنا وبيربطنا ببعض فأكيد كلنا عاوزين نقوى الحاجة الجميلة اللى بتربطنا بعض دى ونخليها ديما متميزة مفيش أى حاجة ممكن تأثر عليها أو تقف عاقبه أدمها .

أرجوا أننا كلنا نتفاعل مع المواضيع ومع أقسام المنتدى مش مجرد ان كل واحد يركز على قسم معين ويترك باقى الاقسام او يكون ليه هدف فى الرد على مواضيع أعضاء معينة ويترك باقى مواضيع الاعضاء .

فنحن هنا بناء متكامك بنكمل بعض بأيدى وأيدك هنبنى المنتدى وهنرفع دايما من شأنة وهيكون سفير لينا
بين كل المنتديات .

عذا للأطالة ولكن بجد انا سعيدة جداا وانا بتكلم وحسة انى بتكلم مع نفسى

[Marwa Mahmoud]

أتمنى أن كل الاعضاء يشركوا عشان نتفاعل كلنا مع ونقدر نساعد بعض

[alaa eid]

)اول ضحكة طلعت من قلبك واول صدمه خدتها في حياتك
أول ضحكة طلعت من قلبي كان يوم ماجبت مجموع عالي في الثانوية وفرحت وقتها جدااااا
لكن بصراحة اول صدمة اتصدمت فيها لما مادخلتش كلية اللي انا عايزاها بس بعدين قولت ان كل حاجة للانسان خير

2) واول قصة حب مر بيها

اول قصة حب مريت بيها كانت جميييييييلة جدا لكن للاسف الظروف كانت اقوي منا وانفصلنا الحمد لله علي كل شئ


3) احلي صحاب عشت معاهم في اي فترة من حياتك


احلي صحاب بصراحة عشت معاهم كانت ايانم الثانوية كانوا صحابي جداااااااااااااا وللان بس دلوقتي ما بيقناش زي الاول بسبب الكلية وكل واحد في قسمه مش بنشوف بعض غير ايام مححدة

4)والناس اللي بتتعامل معاهم ... وياتري مين فيهم قدوة ليك


انا قدوتي في دكتور عندي في الكلية بعتبره قدوتي في الكلية والعمل والنشاط اما قدوتي في حياتي العامة هي خالتو

5)وايه يا تري اول خيانة حصلتلك


بصراحة الحمد لله مافيش خيانة حصلت قبل كده

6)وايه النصيحة اللي تقدمها لبقية الاعضاء

النصيحة اللي بقدمها لكل الاعضاء اننا نكون كلنا اخوة في الله وماحدش يزعل من التاني وان لكل انسان وجهة نظر وكل انسان يحترم وجهة نظر الاخرين ولا يتضايق واننا نعمل جاهدين علي ان ننمي هذا المنتدي والرابطة وشكرا ليك يا حسن علي الاسئلة بجد جمييييييل جدا الموضوع

[Hassan Mohamed]

طبعا انا بشكرك مروة وآلاء علي الردود الجميلة دي

مروة انا حسيت انها بتطلع الكلام من جوة قوي وده شئ في حد زاته جميل

وبردو آلاء كده

بس العامل المشترك اللي لقيته هو موضوع الحب وكمان موضوع الصداقة

اللي استغربتله بقا هو موضوع الصداقة الزاي لحد دلوقت معرفتوش معني الصداقة في الجامعة بجد عشان انتوا بس لسه في سنة اولي لكن مع العشرة والاربع سنين هتحبوا اصحابكم قوي وهتعرفوا ان دي احلي صداقة ... وطبعا انا بتكلم باللي شوفته في كليتي ومع صحابي ممكن والله اعلم يكون فيه اختلاف مبينا ومبينكم

[Marwa Mahmoud]

يا حسن أنا أكتر فترة كنت بحس فيها إن أنا وأصدقائى روح واحدة بجد كانت ايام االثانويه

كان كل واحد فينا بيفكر بعقل التانى كن اكتر من اخوات عارف ازاى مكنش فيه بنا أسرار

قضينا أجمل سنتين من عمرنا مع بعض بس انا بعتقد ان دخولنا الكليه كان من اسباب

تفرقنا لان معظمهم سافر ومش بيجوا الى قليل جدااا وبالتالى معتش بشفهم زى الاول

بس أنا عمرى متخليت عن صديقة ليا او ممكن أفرط فيها بسهولة بالعكس انا مستنيه الاجازة بفارغ الصبر

عشان اشفهم

[اسامه البنا]

1

)اول ضحكة طلعت من قلبك واول صدمه خدتها في حياتك

لما بتلم انا واصحابي

او لما بعرف اساعد حد


2) واول قصة حب مر بيها

انا بقي عكس الناس بدات متاخر اوي

في قصه وانا في سنه رابعه وبعدين كنت ناوي اما اخلص اشتغل واعمل الخطوبه علي طول بعد الصيف

بس للاسف محصلش نصيب

3) احلي صحاب عشت معاهم في اي فترة من حياتك

لو نقول فتره الشقاوه يبقي الاعدادي

ول الصداقه بجد يبقي في الكليه خاصه سنه 4 للاسف


4)والناس اللي بتتعامل معاهم ... وياتري مين فيهم قدوة ليك


اصحابي في الكليه زميلي في الشغل

قدوتي ولدي

5)وايه يا تري اول خيانة حصلتلك


؟؟؟؟؟؟؟؟؟؟؟؟؟؟؟؟؟؟؟؟؟؟


6)وايه النصيحة اللي تقدمها لبقية الاعضاء

النصيحه يا اخواتي
(ان المظهر بيكون خادع في ناس كتتتتتتتتييييييييييييير اوي

اياك ان تغتر بالمظهر)


علي العموم شكرا يا او علي علي الموضوع القيم ده

[alaa eid]

أن شاء الله يا حسن بس بجد للان مش لاقيه الصديقة اللي اقدر اقولها علي اسراري وكل حاجة لان كله عايز مصلحته ده انا بحكي علي اللي معايا في قسمي اما في بنات تانية في اقسام تانية كويسين والله ومنهم مرمر حخبيبه قلبي بجد صديقة وكان نفسي نكون في قسم واحد بس برده مش مشكلة بنشوف بعض كتير وببجد المنتدي وثق علاقتنا ببعض اكتر وبقينا دايما بنسأل علي بعض

[Hassan Mohamed]

يا حسن أنا أكتر فترة كنت بحس فيها إن أنا وأصدقائى روح واحدة بجد كانت ايام االثانويه

كان كل واحد فينا بيفكر بعقل التانى كن اكتر من اخوات عارف ازاى مكنش فيه بنا أسرار

قضينا أجمل سنتين من عمرنا مع بعض بس انا بعتقد ان دخولنا الكليه كان من اسباب

تفرقنا لان معظمهم سافر ومش بيجوا الى قليل جدااا وبالتالى معتش بشفهم زى الاول

بس أنا عمرى متخليت عن صديقة ليا او ممكن أفرط فيها بسهولة بالعكس انا مستنيه الاجازة بفارغ الصبر

عشان اشفهم

ايوا مانا بقولك عشان انتي لسه في سنة اولي ويدوبك لسه سايبة صحابك في ثانوي بس بكرة صدقيني هتعرفي معني صداقة الجامعة ...

وبالنسبة لانك عمرك متخليتي عن الصداقة فده شئ جميل جدا علي فكرة وده بيدل علي انك انسانة اجتماعية جدا

برافوا عليكي يا مروة

[Hassan Mohamed]

1

)اول ضحكة طلعت من قلبك واول صدمه خدتها في حياتك

لما بتلم انا واصحابي

او لما بعرف اساعد حد

2) واول قصة حب مر بيها

انا بقي عكس الناس بدات متاخر اوي

في قصه وانا في سنه رابعه وبعدين كنت ناوي اما اخلص اشتغل واعمل الخطوبه علي طول بعد الصيف

بس للاسف محصلش نصيب

3) احلي صحاب عشت معاهم في اي فترة من حياتك

لو نقول فتره الشقاوه يبقي الاعدادي

ول الصداقه بجد يبقي في الكليه خاصه سنه 4 للاسف

4)والناس اللي بتتعامل معاهم ... وياتري مين فيهم قدوة ليك

اصحابي في الكليه زميلي في الشغل

قدوتي ولدي

5)وايه يا تري اول خيانة حصلتلك

؟؟؟؟؟؟؟؟؟؟؟؟؟؟؟؟؟؟؟؟؟؟

6)وايه النصيحة اللي تقدمها لبقية الاعضاء

النصيحه يا اخواتي
(ان المظهر بيكون خادع في ناس كتتتتتتتتييييييييييييير اوي

اياك ان تغتر بالمظهر)

علي العموم شكرا يا او علي علي الموضوع القيم ده

ليه يا اوس علامة استفهام علي سؤال الخيانة ؟

هو للدرجة دي ولا ايه