ايهما اخطر في نظرك ...الوحدة ام الفراغ...؟

[farida]

السلام عليكم


مجرد سؤال لمحته فى احدى المنتديات جعلنى اتردد واقول :

فعلا ايهما اخطر الوحدة ام الفراغ؟؟

فحبيت اسمع رأيكم فيه وبكل صراحة

ايه الاخطر فى نظرك

انك تشعر بالوحدة او انك تشعر بالفراغ

الوحدة

احساس ممكن يقتل بل بيدمرك من جواك ويهز مشاعرك

فأكيد صعب عليك انك تحس بالوحدة

انك تكون وسط الاف بل ملايين من الناس ولا تشعر بهم اطلاقا ولا تحس بهم مجرد الاحساس اللى ممكن يزيل
ولو لجزء بسيط الشعور بالوحدة


واكيد برده صعب انك تحس

بالفراغ

وده انك تكون وسط الناس كلها شايفهم وحاسسهم لكن وجودهم كالعدم مفيش اى رد فعل تجاهم

قد يكون ارتبط الفراغ بالفراق

فاعتدت ان ترى اناس ابتعدوا ثم عادوا وابتعدوا ثم عادوا

وخلال غيابهم قد تراهم صدفة فى داخلك عايشين .........

يضحكون ويبكون

ولكنهم اصبحوا مجرد كان او ماضى

فتشعر وكانك لا ترى ولا تحس ولا تشعر حتى

اليوم زى امس وامس زى بعده وقبله

كنت قد اعتدت على شئ وفجاة ضاع واختفى فتشعر بالفراغ

اما الوحدة فاحساس عميق قد يصل بك لدرجة انك قد تفقد صوابك

عندما تشعر او كنت تشعر بان لا احد حولك ويستمر معك هذا الشعور مع ان الناس قد تكون حولك

ومادين لك يدهم

ولكنك لا تشعر ولا تشعر الا بشئ واحد

وهو الوحدة

فهل جربت احساس الوحدة

وهل افزعك احساس الفراغ ؟؟!

هل يوما بكيت على انك كنت او مازلت وحيد

وهل يوما قتلت بسبب دمار احساس الفراغ

فالوحدة احيانا كثيرة تشعر بها مثل الاف من الرجال والنساء فهناك نساء كثيرات قد تراهم وسط

اازواجهم وابنائهم ولكنهم يكونون وحيديين ايضا

والفراغ كالوحدة ايضا مجرد احساس

ولكنه يرتبط بالاخر ويرتبط دوما بغياب الاخر

عندما تكون مجرد شئ.... تضحك وتبكى

بلا مشاعر او احاسيس

فتبقى جسدا كباقى الاجساد

شئ من بشر........وشئ من حجر

وشئ من فتات

وهو القدر!!

ولكن كل ماتوصلت اليه وكل ما وصلنى لاجمع بين احساس الوحدة و احساس الفراغ

ان كلاهما يوصلاك لاحساس اعمق ومدمر

احساس الغربة

ممكن اسمع ارائكوا؟

[Youssef Mostafa]

والله يافريدة الاتنين اخطر من بعض الوحدة والفراغ انا شايف كدة بعد مشرحتى الاتنين

[farida]

عندك حق يا يوسيف

هما الاتنين اخطر من بعض

بس كل واحد نقيض التاني

يعني يا بتحس من ده يا ده

و ميرسي يا يوسيف علي مشاركتك

[farida]

يلا يا جماعة عايزة اشوف ارائكوا ايه

[اسامه البنا]

يا فريده الفراغ اخطر من الوحده طبعا

لان الفراغ بيهدي الي اشياء اخطر كتير

لكن الوحده شيئ صعب فعلا لكن ملوش اخطارزي الفراغ

[ياسمين]

والله يا فريدة انا مع اسامة فى رأيه
الفراغ فعلا اخطر بكتير من الوحدة
انا ممكن اكون وحيدة بس اشغل نفسى بحاجات كتير والوقت هيعدى
لكن انى احس بفراغ يعنى مفيش اى حاجة اعملها شوفى وقتها الواحد ممكن يفكر فى ايه وممكن التفكير دة يؤدى لايه
شكرا جدا يا فريدة فعلا موضوع جامد ولازم الكل يدخل ويقول رأيه