لعبه جريئة موووووووووووووت

**semsema** · 10-01-2008, 09:44 AM

انا جيت

واللعبة شغالة والحمد لله
كنت خايفة احسن محدش يعبرنى
اتمنى ان اللعبة تكون عجبتكم
رغم ان حسن بيزوغ كتير
ولازم نفرض عقوبة على اللى يدخل يتفرج كدة وخلاص
واللى يدخل من غير من يجاوب هم هم هم.....
مش عارفة عاوزيين عقاب قاسي
طيب كل اللى يدخل يا جماعة يقترح عقاب لغاية ما نتخذ القرار
ودلوقتى ردى على السؤال
السؤال

لو صديقتك\صديقك مرتبطه\مرتبط بحد والحد ده انت اكتشفت انه انسان زباله تقوللها وتتحمل انه يبهدلك لو عرف ويقول عليك كلام وحش وتضحى بنفسك وبسمعتك ولا تسكت وتسبيها تقابل مصرها؟؟

اكيد طبعا هعرفوا وهحاول اثبتله كلامى كمان
لان مبحبش حد يتعب اصحابى لانهم بيبقوا غليين عليا اوى

سؤالى بقى على فكرة انا شريرة فى الاسئلة

ايه اكبر غلطة عملتها فى حياتك وخايف ان حد قريب منك يعرفها

**Wild_Angel** · 10-01-2008, 09:57 AM

للاسف انى كررت غلطتى ودخلت اللعبه تانى واتورطت فى سؤال كده
فدى اكبر غلطه

لا الحمد لله يعنى اما كنت بعمل حاجه غلط بروح احكى لوالدتى او اختى الصغنونه
او صحبتى الانتيم

بس اكبر غلطه اكييييييييد انى دخلت هنا واتكعبلت فى سؤال كده

**semsema** · 10-01-2008, 10:35 AM

شوفتى يا ويلد
اديكى نسيتى تحطى سؤال للبعدك
وكمان نسيتى تقترحى عقاب للى ميجاوبش

**Wild_Angel** · 10-01-2008, 10:44 AM

سؤال للبعدى ممم

ارق حاجه وارق هديه جتلك فى يوم من الايام ؟؟؟

العقاب والله قعدت افكر فيه بس ملقتش
ميرسى يا سمسمه على لعبة الاسئله دى
واحب اوجهلك سؤاااااااال مهم ولذاتك شخصيا
ما هو القسم الذى كنتى تتمنى ان تكونى مشرفته؟؟؟

**Mimi** · 10-02-2008, 02:27 AM

ارق حاجه وارق هديه جتلك فى يوم من الايام ؟؟؟

هيا مش أرق بس أحلى هدية جاتلي وكانت أورج YAMAHA EZ-30 وانا بموت في العزف والموسيقى

الســــؤال

امتى كرهت نفسك أوي ؟

**witch evil** · 10-02-2008, 03:56 AM

الســــؤال

امتى كرهت نفسك أوي ؟
كرهت نفسى لما ضعفت قدام حد استغل ضعفى كعامل قوه عشان يضغط عليا فى حاجه ونجح وخلانى عملت حاجه انا مش عايزاها

السؤال

امتى تنزل دموعك؟؟

**Mimi** · 10-02-2008, 07:09 AM

امتى تنزل دموعك؟؟

كل ما بفارق أهلي ، ولما ابقى في وسط ناس كتير مش مسلمين ويشتمو ديننا ورسولنا صلى الله عليه وسلم ومقصدش أهل الكتب قد ما اقصد الناس اللي معندهمش ملة زي البوذيين ، ممكن ابكي من عجزي على الرد عليهم

الســــؤال

امتى آخر مرة كذبت فيها على مامتك او على باباك ؟ وليه ؟

**Rania Ismail** · 10-02-2008, 12:17 PM

الســــؤال

امتى آخر مرة كذبت فيها على مامتك او على باباك ؟ وليه ؟[/CENTER][/QUOTE]

امممممممممممممممممممممممم ايه السؤال ده احنا متفقناش على كده بصى يا جودى اخر مره كدبت فيها على بابا كان بخصوص اخوا سالنى هو بيزاكر قولتلو اه علشان ميزعلقلوش
مبسوووطه كده
السؤال للى بعدى : لو معجبه او معجب بحد قوى تعمل ايه او تعملى ايه علشان تتكلمى معاه او تتكلم معاها ؟

**semsema** · 10-02-2008, 03:42 PM

يا رانيا
يعنى اول ما تزورينا تسيبى قنبلة وراكى
ماشي
بصي يا ويلد انا كان نفسي اكون مشرفة قسم الاكتئاب لما يتعمل ان شاء الله
وبالنسبة لسؤال رانيا
لو معجبه او معجب بحد قوى تعمل ايه او تعملى ايه علشان تتكلمى معاه او تتكلم معاها ؟
لا
مش هعمل حاجة هتفرج من بعيد وادعى ان يكون من نصيبى بس
سؤال بقى
امتى كرهت حياتك واصحابك وحسيت ان الدنيا مفيهاش امان مع انسان بعيد عن العيلة يعنى ؟؟؟