إذا كان عمرك أقل من 35 عام .. تعالى اضحك معايا

**Mohamed Hashem** · 06-12-2009, 07:09 AM

من أجمل أيام عمرنا .. أيام الدراسة

ولاسيما المرحلة الابتدائية حيث الطفولة البريئة
(مش زى اطفال اليومين دول ههههه)

وبالتحديد سنة أولى إبتدائى ..

وهذه السنة بالذات لها ذكريات كثيرة وكلها محببة الى نفسى .. فهى اول مرة ارتدى فيها مريلة..

(ماكنش فى حاجه اسمها يونيفورم بطل ضحك انت وهى هههه)

وهى اول مرة افارق فيها يد أمى

(متعها الله بالصحة والعافية قولوا آمين)

وهى أول مرة أمتلك اشياء عديدة لم استعملها قبلا.. مثل القلم الرصاص والبراية والممحاه الخ

هذه الأيام .. تسقط دائما فى ذاكرتنا .. من طول الفترة الزمنية

فاذا سالتك ثانوية عامة سنة كام ممكن ترد بسرعة

لكن لو سالتك سنة اولى ابتدائى كانت سنة كام...

قد تحتاج لنصف دقيقة لتحسبها

(وربع ساعه فى حالتى انا هههههه )

وتسقط معها الذكريات ورغم ذلك اقل شئ يذكرك بها ..

تتذكر كل شئ تماما كما كانت بالامس حتى أسماء معلمينا

تذكرتها نعم .. أبله عنايات

(أكيد رحمها الله .... وبلاش تريقة ما كناش بنقول يا ميس)

هذا ما حدث معى أمس عندما تلقيت ايميل من زميل عمل

وبه صفحات من كتاب القراءة فى الصف الاول الابتدائى

انا قلت تتفرجوا معايا

هذه الصور من كتاب القراءة

وزارة التربية والتعليم المصرية عام 1976

فاكرين امل وعمر .. اهو هما دول

ومش عارف ليه بسبس سابت البيت كله ورايحه تلعب فى الغسيل هههههه

وكان أمهات كتير بتربى طيور فى البيت ودا طبعا قبل أنفلونزا الطيور والخنازير الخ بدليل ان ماما سايبه عمر يأكلهم ههههه

دا لا شعر ولا زجل ولا تعرف تقول عليه ايه ههههه

وبابا كمان علشان ما يزعلش

والدرس كله على بعضه كلمتين .. عيد .. سعيد
شوف الدنيا كانت سهله ازاى زمان
وواضح ان الحكومه كانت بتشجع تنظيم الاسرة من 35 سنة

كنا لا نخجل من ذكر اصولنا الريفية

ودا قبل ما عوضين يبيع ارضه طبعا

الغريب حقا هو عنوان الدرس ... البطه اللى طلعت فوق الشجرة ... ازاى .. مش عارف .. يعنى كانوا قالوا عصفورة .. على الاقل بتطير
ماعلينا

اكيد فيلم ابى فوق الشجرة كان علشان بابا طلع يجيبها هههههههه

ارجو ان الموضوع يكون عجبكم

تحياتى

**الورده البيضاء** · 06-12-2009, 07:34 AM

هههههههههههههههه
جميل جدا يابشمهندس تسلم ايدك
انا دلوقتى عرفت اصل كلمة امل وعمر
كانت بتتقال كتير وانا مش عارفة ادة
هههههههههه
كنت فكراها فيلم ولا حاجة زى عمر وسلمى
طلعت تربية وتعليم

هههههههههههههههههههههه
ميرسى جدا عالموضوع جميل اوى وبجد ضحكت على بسبس وامولة الغلبانة قال يعنى اما تقول لالا يابسبس هيسيب الغسيل
ههههههههههههههه

**Mohamed Hashem** · 06-12-2009, 07:43 AM

صباح الخير يا ايمى .. وصباح النور .. وصباح الأمل .. وصباح اللى بتغنى
مبسوط جدا ان الموضوع عجبك وضحكتى
وعلى رأيك تفاءل للحياة ..
وشكرا ليكى

**abdoitthad** · 06-12-2009, 07:54 AM

ايام زمان احلى ايام

شكرا لك

**Mohamed Hashem** · 06-12-2009, 07:58 AM

تسلم عبده والاتحاد سيد البلد يا سيدى
ههههههههه

**olivia nader** · 06-12-2009, 07:59 AM

موضوع اكتر من رائع بجد جميل جدا
بس انا مكنش عندي امل و عمر
كان علي ايامي ماجد و بسمه
و كان اول درس انا ماجد انا احب ابي و امي
مش قادره انساه
و كمان كان عندنا نشيد اسمه ابي و امي
و فكراه كويس لانه كان صعب عليه اوي كلماته اني احفظه
و اخدت ايامها تهزيق جامد و بهدله
من ماما و من الميس
مع اني كنت شاطره و من الاوائل
بس بابا اضطر يجيبلي سبوره كبيره
و طباشير ملون عشان اعرف احفظه
و كان كل حرف لون عشان منساش
هههههههههههههههههه
و كانت عندي ميس ثريا
كانوا بيدخلوا الفصل و ميطلعوش منه لاخر اليوم
كانوا بيدونا كل المواد
هههههههههههه
بس كانت كل حاجه لزيزه اوي
و فاكره اول يوم مدرسه
لما بابا و صلني و سابني و مشي اعدت اعيط
مع اني كنت متعوده من ايام الحضانه بس يومها اتجنيت
و قبلها كنت فرحانه بحاجات المدرسه الجديده
بجد رجعتلي ايام جميله
ميرسي ليك جدااااااااااااااا
علي الموضوع الروعه ده

**Mohamed Hashem** · 06-12-2009, 08:15 AM

اوليفيا
هههههههه
بجد سعيد جدا جدا انى قدرت افكرك بذكرياتك البريئة دى
جميل قوى ان الواحد يرجع بذكرياته لايام زى دى
بس انتى برضه لسه صغننه .. يادوب رجعتى 12 سنة بس
انا - اثناء كتابة الموضوع - رجعت اكتر من 30 سنة
فضلت ارجع لورا .. ارجع لورا .. لما خبطت واحد هههههههههههه
يلا صباح الفل

**Mohamed Hashem** · 06-12-2009, 11:14 AM

ايه يا شباب انتو نمتو تانى ولا ايه ؟؟؟؟؟؟؟؟

**ميرا مار** · 06-12-2009, 11:31 AM

هههههههههههههههههههههه

والله يا بشمهندس

موضوع فعلا يفرفش:o

وذكريات حلوة قوى قوى..يا بختكوا والله

انا بقى مش فاكرة اى اى اى حااااااااااااااااااااجة

غير ان اول مدرسة ليا كان اسمها مها:o على اسمى:rolleyes:

وان مدير المدرسة اول ماشافنى قاللى انتى هتطلعى مهندسة قد الدنيا:eek:

قلت هوا انا هاتخن قوى كدا:mad::confused:

بس ولسة باشوفه لغاية دلوقتى وفاكرنى اسمه استاذ محمد اسماعيل:o

ياااه والله فعلا ايام جميلة قوى
باشكرك جداااااااااااااااااااااااااااااااااااااااااااااااا اااااااااا

**Mohamed Hashem** · 06-12-2009, 11:36 AM

اهلا ميرا
وطلعتى مهندسة ايه ياترى ؟

الموضوع: إذا كان عمرك أقل من 35 عام .. تعالى اضحك معايا

أدوات الموضوع

عرض

إذا كان عمرك أقل من 35 عام .. تعالى اضحك معايا

الكلمات الدلالية لهذا الموضوع

المفضلات

المفضلات

ضوابط المشاركة