أرقام مفزعة عن العالم العربي

**samomran** · 06-20-2009, 12:48 PM

هذه أرقام واحصائيات عن العالم العربي تبين بوضوح أسباب تخلفنا الحقيقي...وتعطي نظرة شاملة عن الوضعية الاجتماعية والعلمية والثقافية والاقتصادية التي نعيشها ولانحب مواجهتها...هي أرقام مفزعة بالفعل مستقاة من تقرير الامم المتحدة للتنمية الانسانية العربية...اقرأ وستعلم حجم المأساة...

*
.متوسط الكتب المترجمة هو 4.4 كتاب لكل مليون من السكان..اي أقل من كتاب واحد في السنة لكل مليون من السكان...مقارنة بلغت 519كتاب في المجر و920 كتاب في اسبانيا لكل مليون من السكان.
*
أعداد الكتب المنتجة في العالم العربي لم يتجاوز 1.1% من الانتاج العالمي رغم ان العرب يشكلون نحو 5% من سكان العالم.
*
عدد الكتب الادبية والفنية الصادرة لم يتجاوز 1945 كتاب مما يمثل 0.8% فقط من الانتاج العالمي.
*
بالمقابل هناك غزارة في انتاج الكتب الدينية بنحو 17% ولايتجاوز النسبة اكثر من من 5% في مناطق العالم الاخرى.
*
يقدر الاجمالي التراكمي للكتب المترجمة منذ عصر المامون حتى الان بحوالي 10000 كتابا وهو يوازي ما تترجمه اسبانيا في عام واحد.
*
في سنة 1991 صدرت البلدان العربية 6500 كتاب مقابل 10200 كتاب لامريكا الشمالية و42000 كتاب لامريكا اللاتينية.
*
يعتبر الكتاب الذي يوزع منه 5000 نسخة ناجحا نجاحا باهرا.
*
عدد المنشورات العلمية للسكان (26 بحثا لكل مليون فرد)..بالمقارنة بالبرازيل (42 بحث) والصين (11) والهند (19) وفرنسا (840) وهولاندا (1252) وسويسرا (1878)
*
عدد براءات الاختراع : مصر (77) اليمن (2) البحرين (6) السعودية (171) كوريا الجنوبية (16328) اسرائيل (7652) تشيلي (147)

*
لايزيد عدد العلماء والمهندسين بالبحث والتطوير في البلدان العربية على 371 لكل مليون من السكان...وهو اقل بكثير من المعدل العالمي البالغ 979 لكل مليون من السكان
*
هناك نحو 50 فنيا لكل مليون مواطن وهي نسبة متدنية....في الدول الغربية تبلغ النسبة 1000 فني لكل مليون مواطن
*
عدد مراكز البحث العلمي (خارج الجامعات) هو280 مركز في البلاد العربية
*
ما تنفقه الدول العربية على البحث العلمي لايتجاوز 0.2% من الناتج القومي..بالمقارنة تصل النسبة الى 5% في الدول المتقدمة.

**samomran** · 06-20-2009, 12:49 PM

انا لله و انا اليه راجعون

**Mohamed Hashem** · 06-20-2009, 01:06 PM

اشكرك جدا على كجهودك فى تجميع بيانات زى دى ..
واحب اضيف واجرى على الله
الناس ما بتحبش القراءة .. تضييع الوقت عندنا له الف وسيلة وطريقة لكن القراءة آخر حاجه ممكن تضيع فيها وقتك فطبعا اترجم ليه لو مش حابيع واكسب علشان اعرف اعيش
النت وسيلة استخدام سيئة .. مش مصدر معلومة او دخل
الناس بره بتكسب من مواقع افتراضية .. مجرد كمبيوتر مفتوح ليل نهار
البحث العلمى عندنا.. لفظ يثير الضحك .. لو واحد قالك باشتغل فى هئية البحوث .. روح شوفه جوه شغله .. قاعد فاضى معندهوش حاجه يعملها جوه معمل من ايام حتحور والسبب الميزانية
لو عمل بحث وتجارب على حسابه .. يا اما يتسرق ومديره يشيل اسمه ويلطع الكريمه عليه
يا اما يتحط فى دواليب وادراج .. يقراه صراصير الورق ويهضم مادته العلمية فئران المعمل
ولو سجل براءة الاختراع .. ابقى قابلنى لو حد تبنى الفكره
ولو رجل اعمال تبنى الفكره .. يديله قرشين ويكسب من وراه ملايين ..
سوق الخضار فى العبور منظم عن العمليه التعليمية فى المدارس فى مصر .. مش ممكن تطلع نوابغ الا اذا كمل نبوغه بره مصر ... مش مصدقنى ؟ احمد زويل ومجدى يعقوب وغيره كتير
المدارس بطلت تزرع فى الاولاد حب القراءة ولا حب اى حاجه
وحسبنا الله ونعم الوكيل

**samomran** · 08-06-2009, 12:22 PM

شكرا ليك يا باش مهندس

و اسعدنى مروروك و الله

**S2AH** · 08-06-2009, 08:05 PM

لا حول ولا قوة الا باللة

**خالد أبوسعده** · 08-06-2009, 11:01 PM

ليه يا اسلام بتقول انا لله و انا اليه راجعون

احنا لسه مموتناش

احنا اه ممكن يكونوا سبقونا بمراحل

بس ان عايز اقولك حاجة

زى ما هما تقدموا و سبقونا فى وقت قصير احنا ممكن كمان نوصل فى وقت قصير

بس المشكله فى الوسيله

و القائد

هم دول الى فعلا ان لله و انا اليه راجعون

**Wild_Angel** · 08-06-2009, 11:50 PM

بس انا عايزه اقول حاجه صغيره
ان للاسف الاحصائيات فى الدول العربيه على فكره ساععات بتكون مضلله

وده بشهادة ناس كتير فى الحكومه

ولكن ان كان ده صحيح ليه احنا منبتديش كل واحد من نفسه كده
ويحاول يطّور ذاته على الاقل يقرأ كتاب واحد فى الاسبوع ان شالله حتى من النت ما هو مليان كتب

ومتهيقلى اللى عايز يتغير حيتغير بس المهم الاراده