حسنو علاقتكم معايا انتو بكرة مش عارفين ممكن أبقى ايه

[Mimi]

بصو ياجماعة



خلوني أكلمكم من قلبي وبصراحة شديدة



أنا في ناس أحيانا بتحب تتريق عليا



او يحب يضحكو عليا وكدا



والله بجد انا مش بهزر يعني مش بنقل موضوع انا بكتب الكلام دا عليا



أنا شخصيتي مش ضعيفة خالص على فكرة ولا بتحرج أرد على حد مدايقني بس المشكلة لو بنكون كذا حد بخاف أرد على اللي دايقني فأحرجه قدام الباقي وانا طبيعي عشان مبحبش الشعور دا مش عايزه حد يتعرضله



فايه أنا بتجرح من جوايا بس أنا بضحك عشان بكون عايزه اصحابي مبسوطين وبقول جايز نيتهم هزار بس



بس اذا رجعت البيت وقعدت لوحدي بحس اني متدايقة ومجروحة



وببقى عايزه الناس تتعامل معايا كويس ويحترموني



ماهو افرضو مثلا انا بكرة بقيت مثلآ وزيرة ولا حاجة وبعدين قلت بأه أسجن كل اللي كانو بيضحكو عليا



ولا مثلا بقيت شخصية عالمية وكدا وأجيب ناس أدفعلهم عشان يضربوك




فلازم كل حد يحترمني ويعاملني كويس



واللي علاقته وحشة بيا يحسنها بأه



طيب هديكم مثال انتو اكيد عارفين اينشتاين العبقري كان بيحصله ايه في صغره



كل الناس كان فاكرينو اب نورمال وانه مش طبيعي وشوفو هو بأه ايه




ياجماعة بلاش آينشتاين هضربلكم مثال حي




شوفو الراجل دا مين ؟

دا اوباما ياولاد كان قاعد بيت جده من 21 سنة شايفين كان ازاي



طيب هو قاعد فين دلوقتي ؟






على اهم كرسي في االعالم في البيت الابيض



فبليز عاملوني كويس عشان انا بحس بالاضطهاد



وعاملو كل الناس كويس بأه

[AHMED FTIHA]

بجد بجد فكرة الموضوع دة عجبانى جدا جدا
والكلام دة اتذكر فى القرأن وان محدش يسخر من حد علشان ممكن يكون احسن منه

الف شكر على الكلام الجميل دة

[yousef]

انا مش عارف ايه اللي خالاكي تقولي كده
بس انا لو حد عاملني وحش او جرحني اكيد اما هبين له ده ام هعامله زي ما بيعاملني
في حاجه انا حاططها في دماغي علي طول ان الدنيا مش بتقف علي حد مهما كان
ياريت تكوني فهمتي قصدي

[Mimi]

بجد بجد فكرة الموضوع دة عجبانى جدا جدا
والكلام دة اتذكر فى القرأن وان محدش يسخر من حد علشان ممكن يكون احسن منه
الف شكر على الكلام الجميل دة

انا مبسوطة انها عجبتك الفكرة ووصلتك النقطة اللي بتكلم فيها

وعندك حق دا مذكور في قرآننا وديننا مش بيقبل بحاجة زي كدا

بجد شكرآ لمشاركتك

[Mimi]

انا مش عارف ايه اللي خالاكي تقولي كده
بس انا لو حد عاملني وحش او جرحني اكيد اما هبين له ده ام هعامله زي ما بيعاملني
في حاجه انا حاططها في دماغي علي طول ان الدنيا مش بتقف علي حد مهما كان
ياريت تكوني فهمتي قصدي

والله يايوسف متشكرة الاول على تعليقك

وانا بتكلم بفضفضة شوية في الموضوع مع توصيل نقطة معينة من خلال الفضفضة دي

وبعدين زي ما انت بتقول الدنيا مبتقفش عن حد

الحمد لله انا عندي خطط في دماغي تخليني اتغاضى عن حاجات كتير واركز على اللي في دماغي

وشكرآ على نصيحتك واكيد فهمت قصدك

[alaa eid]

بشكرك علي الموضوع الرائع ده

تسلمي حبيبتي
والفكرة وصلت تمام

[eslam mamdouh]

على فكره يا بشمهندسه

يمكن انا معرفش حضرتك الا من خلال معرفه سطحيه من خلال المنتدى

لكن اللى اقدر اقوله ( كراى شخصى ) من خلال ردود وموضوعات حضرتك

ان بسم الله ما شاء الله عليكى شخصيه فى غايه التمييز , وتتمتع بحب واحترام وتقدير الجميع بلا استنثناء


بسم الله ما شاء الله ....زادك الله من فضله


انا اعتقد ان الموضوع ده فكرته واضحه ومميزه جدا.....حبيتى تنقلى فيها وجهه نظرك بشكل فنى جميل

بجد الفكره وصلت من حضرتك مميزه جدا

وعامل الاخريين بمثل ما تريد ان يعاملوك

لان السخريه والتهمك والاستهزاء ضعف ما بعده ضعف.........وسكوت من امامك قوه وصبر وحلم

شكرا ليكى جدا جدا على موضوعك المميز

[eslam mamdouh]

يا بشمهندسه انا كان عندى سؤال
بالنسبه لموضوعك الجميل

معنى كلام حضرتك ان الانسان يحترم الانسان خوف منه فى المستقبل او انه يفكر ان ممكن الشخص ده ممكن فى المستقبل يكون حاجه كبيره

بمعنى ان الاحترام لا يكون متبادل احترامى للروح الانسانيه ..........احترام الانسان وتقديريه لانه نفس بشريه وعقل وروح وخليقه من صنع الله عز وجل


انا شايف طبعا ان الاحترام والتقدير يكون بين جميع البشر اى كان مش هيفرق معايا يكون ايه بعد الزمن

انا بحترمه لان احترامى له هو احترام اساسا لزاتى..........ولانه نفس بشريه من جهه اخرى

[Mohamed Hashem]

الفكره وصلت طبعا .. جميل
الفكرة جميلة
وطريقة التوصيل أجمل
على رأى أخويا م/اسلام ممدوح
ما شاء الله عليكى
(احب أنا الأفكار العابرة للقارات دى)
واسمحى لى اضيف
حتى لو سخر منى أحدهم اليوم .. وحتى لو منُ الله عليا من فضله غدا بالجاه والسلطة
بلاش نفكر فى تصفية الحسابات ولو بعد 100 سنة
أفضل للقلب أن يصفح وينسى
ولنا فى ديننا الحنيف الدافع للعفو
والكاظمين الغيظ والعافين عن الناس
ويكفى الانسان من ذلك إمتلاء صدره بالحنق والضيق سنوات
ويا يقدر .. يا ميقدرش
مرة أخرى أشكرك على النصيحة والموضوع الجميل
بارك الله فيكى

[Wild_Angel]

ياااااه يا ميمي تصدقى انا اول مره اشوف الموضوع ده
طب شاوريلى كده على اللى دايقك...
لا بجد رأى باشمهندس أسلام وباشمهندس محمد صحيح ميه فى الميه
وخصوصا أن الكاظمين الغيظ والعافين عن الناس لهم أجر كبيييير جدا

وبجد طول ما أنتى بتحترمى اللى حواليكِ اكيد حتجبريهم أنهم يحترموكى
وكلمتين صغننين بينى وبينك : لو حد دايقك اوى كده كذا مره تقدرى تقوليله كلمتين بكل ذوق تخلى لسانه يتلجم أنه يضحك او يتريق عليكى
ميمي لكِ منى كل الاحترام والتقدير