ҳҲҳ موســــوعة التعبيــــر والتــــرجمة ҳҲҳ

[Mimi]

ҳҲҳ موســــوعة التعبيــــر والتــــرجمة ҳҲҳ



نبدأ في سلسلة دروس جديدة في قسم اللغة الانجليزية

طبعآ في سلاسل لسة منتهش زي دروس كيف تترجم وباقي دروس الكلمات

بس هبتدي معاكم في سلسلة دروس جديدة مع استكمال باقي الدروس التانية



السلسلة الجديدة بعنوان موسوعة التعبير والترجمة

الغرض منها واضح .. هتساعدك تعرف ازاي تعبر عن موضوعات كتير اجتماعية وسياسية وصحية و ...الخ

يعني هيا هتخاطب كافة المستويات من اول طلبة المدرس تساعدهم في كتابة مواضيع التعبير وبتخاطب المثقفين بصفة عامة



الاستراتيجية اللي هنمشي عليها

في كل توبيك جاي هنتكلم عن موضوع معين وبعدين هنشوف أصعب الكلمات اللي ممكن تواجهنا وترجمتها وبعد ما نحفظها هنشوف الموضوع باللغة اانجليزية ونحاول بنفسنا نفهمه واذا مفهمناش هنلاقي تحته ترجمته بالعربي ترجمة كاملة

وبكدا ان شاء الله هنقدر نوسع ذاكرتنا في حفظ اكبر قدر من الكلمات ونعرف وظيفتها في الجمل وهنقدر نفهم اي مقالات انجليزية بدون صعوبات



أخيرآ أسأل الله العلي القدير ان نستفيد جميعآ من هذا الموضوع

وشكرآ للمتابعة ياجماعة

[Wild_Angel]

جزاكِ الله خيراً يا ميمي يا كميله
متابعه معاكِ ان شاء الله

بس أنا عايزه أطلب منك شوية أسامى قصص انجليزيه حلوه ومش كبيره أوى

نقدر نقراها وتوسع إلى حد ما الثقافه اللغويه الانجليزيه

[خالد أبوسعده]

ممممممممممم

يعنى اختار كلمات تقيله سياسه مثلا او اقتصاد او حاجات من دى؟؟

ولا نتكلم فى موضوع عام و جواه كلمات تقيله كدا

طيب مش مشكله الواحد يجى علي نفسه و يستحملك فى التوبيك دا

هههههههههههههه

انتى عارفه طبعا انى بهزر

بجد انتى الى ربنا يعينك علينا

ربنا يجازيكى خير عننا ان شاء الله

[Soma]

بجد ياميمى فكرة حلوة جدا
تعرفى فى كورس الكونفرسيشن اللى بروحه بنعمل نفس الموضوع ده بنتفق برضه على موضوع نتكلم فيه فى الكورس
غير الافلام اللى بنسمعها
بجد فكرة ممتازة جدا وانا معاكى ان شاء الله ححاول اتابع معاكى

[Mimi]

Wild_Angel

ميرسي ياحبيبتي على مشاركتك

ودا موقع بيقدملك قصص انجليزية بالصوت والصورة

ان شاء الله نبسطي بيه

اتفضلي حبي من هنا

Mopoto

ميررررسي ياخالد ع المشاركة

بس متعقدش نفسك كدا هههههههههههه

ومعلش تعالى على نفسك وخد فيا ثواب وتابع :p

Soma

ميرسي ياحبيبتي على مشاركتك اللذيذة دي

وبالفعل احنا عايزين اللي بيحصل معاكي في الكورس نعمله هنا

وأكيد مش هيبقى على نفس المستوى بس هنحاول وربنا يسهل ان شاء الله ميرسي ليكي تاني ياقمر

[Mimi]

أهلآلآلآلآ بالحلوووووين



يلا نبتدي نتكلم عن أول موضوع لينا وهو عن التردد

مش بأه التردد والطول الموجي وكلام الفيزياء دا .. لآء لآء .. دي صفة التردد اللي في ناس كتير أوي فينا

يلا نبتدي نطبق استراتيجة اللي هنمشي عليها زي ما قلنا

هنشوف الكلمات دي ونحفظها كلنا الأول قبل ما نقرأ باقي الموضوع



VOCABULARY AND STRUCTURES

Hesitation = التردد

Dilemmas = مآزق

Target = هدف

It’s not to be doubted = ليس من ريب

Mood = مزاج

Rough = وعر

Foil = يُحبط

Pitiable = جدير بالشفقة

Willingly = برغبة أو بإرادة

Perceive = يدرك

Concern = شأن أو أهمية

As it pleases = كما يشاء

Irresolution = التردد

Plain = واضح

Doubt = ريب أو شك

Torment = عذاب

Suspense = حيرة

Medicine = دواء

Roll = يدحرج



ها حفظتوها ؟ أكيد هنلاقي كلمات ممكن نكون احنا عارفينا وكلمات مختلفة لنفس المعنى هنشوف توظيفها ازاي في الجمل بعدين بس يلا نحفظ الكلمات دي كمان ونشوف اللي بعد كدا



Associated with = مرتبط بـ

Evil = شر

Seek = يسعى الى

Calm = هادئ

Decision = قرار

Indecision = التردد

Miserable = بائس

Irresolute = متردد

Oscillate = يتردد ، يتذبذب

Feather = ريشة

Blow about = يعصف به أو يدفعه

Indication = دلالة

Undetermined = متردد ، لا قرار له

Urgent = عاجل

Incentive = حافز

Suspicion = ريب أو شك

Wavering = متردد

In short = قصارى الكلام

Just = فقط



خلاص كدا .. وزي ما شوفنا كلمة التردد او متردد ليها اكتر من معنى بس بتختلف في استخدامها في الجمل او الفقرات

كدا خلصت فقرة الكلمات ونبتدي في فقرة التوبيكات

بس معلش ركزو في الجملة دي

(( كل واحـــد لازم يحاول يترجم كل فقرة من الجاية حسب حفظه للكلمات اللي فوق دي وبعد كدا يقارن ترجمته بالترجمة اللي هيلاقيها هنا .. ولو مش قادر تحفظ كل الكلمات دي بص عليها وترجم من خلالها الفقرة ))



Hesitation التـــــردد

Hesitation is associated with hard choices , dilemmas or difficult situations.
One may find oneself between two evils of which he must choose one. In such a case he might be slow in action and so he would miss the chance and fall in a state of loss missing the target in seeking. It is not to be doubted that correct thinking, a clear mind and a calm mood help one in making a quick decision without wasting time, which is a highly important factor. One should choose what seems to be the best way, however rough it may be. Anyhow, if one fails to take away, one will fall in a state of indecision, which will make one unable to do anything. This slow action will foil one’s future plans.

يرتبط التردد بخيارات عسيرة أو مآزق أو مواقف صعبة فقد يجد المرء نفسه بين شرّين عليه أن يختار أحدهما، وفي هذه الحالة قد يكون بطيئآ في العمل فيفقد الفرصة المتاحة أمامه ويقع في حالة من الضياع وبذلك يفقد الهدف الذي يسعى إليه. ليس من ريب في أن التفكير الصحيح والذهن الصافي والمزاج الهادئ كل هذه تساعد المرء في اتخاذ قرار سريع من دون هدر الوقت الذي يعد عاملآ بالغ الأهمية، فالمرء يجب أن يختار الطريق الأمثل فيما يبدو له مهما كان وعرآ، فإذا عجز عن اتخاذ طريق ما، وقع في حالة من التردد تجعله غير قادر على عمل شئ وهذا البطء في العمل يفشل خطته المستقبليه.



Break استـــــراحة

اللي عايز يشتري بيبسي او شيبسي أي حاجة يلا معاكم ربع ساعة راحة وبعدين نكمل





In fact, it is a miserable thing to live in suspense; it is life of a spider.
There is nothing in the world more pitiable than an irresolute man, oscillating between two feelings, who would willingly unite the two and who does not perceive that nothing can unite them. He does not really belong to himself. He is as a wave of the sea, or a feather in the air which the breeze blows about as it pleases. In matters of great concern, there is no better indication of a weak mind that irresolution, that is, when one is undetermined where the case is plain and urgent.

الحق انه من البؤس أن يعيش المرء معلقآ، فكأنه يعيش كالعنكبوت وليس هناك في العالم شخص أجدر بالشفقة من رجل متردد، فهو يتأرجح بين شعورين يرغب بكل إرادته أن يوحد بينهما وهو ليس بمدرك أنه ما من شئ يمكن أن يوحدهما. انه فعلا لا يملك نفسه فكأنه موجة من أمواج البحر أو ريشة في الهواء يعصف بها النسيم حيثما شاء. وفي المسائل بالغة الأهمية ليس هناك أدّل على العقل الواهن من التردد، أقصد بذلك أن يكون المرء لا قرار له عندما تكون القضية واضحة وعاجلة.





What shall I do ? I am between the devil and the deep sea!
ماذا أفعل ؟ قل لي. انني بين أمرين أحلاهما مرّ

In most cases, hesitation is caused by doubt. Suspicion should be an incentive to search for the truth. When one is in doubt, one should not hesitate about what to do. Naturally, one can reach the truth through action rather than hesitation, As a matter of fact, there is nothing harder that hesitation, the torment of suspense is very great; but as soon as the wavering mind begins to determine, it will be at ease, because one’s happiness lies in one’s work. Work is a medicine which life gives to a wavering mind. In short, irresolution, as W.Rider says, is “a heavy stone rolled up a hill by a weak child, and moved a little up just to fall back again”.

وفي الأعم الأغلب فإن التردد ينجم عن الشك وعندما يكون المرد في حالة من الشك فإنه يجب ألا يتردد في الاقدام على عمل معين، ذلك أن الشك يجب أن يكون حافزآ للبحث عن الحقيقية، ومن الطبيعي أن المرء يستطيع بلوغ الحقيقة بالعمل لا بالتردد. والحق أنه ليس هناك أصعب من الشّك، فعذاب الحيرة عذاب كبير جدآ، ولكن حالما يبدأ عقل المتردد بالتصميم فسوف يجد الطمأنينة لأن سعادة المرء تكمن في عمله، والعمل هو الدواء الذي تمنحه الحياة لعقل متردد. وقصارى الكلام فإن التردد كما يقول ( رايدر ) : " أشبه ما يكون بحجر ثقيل يدحرجه طفل ضعيف الى أعلى هضبة فيتحرك قليلآ الى أعلى ليس الا ليهبط مرة أخرى ".



أتمنى أن تكونو استمتعم بهذا الموضوع الممتع وأراكم لاحقآ باذن الرحمن

[AHMED FTIHA]

بجدجزاك الله كل خير على الموضوع الهادف دة والقيم جدا
وخصوصا انه حينفعنى جدا فى بدايتى فى كورسات الانجليزى ان شاء الله
ميرسى كتييييييييييييييييير

[Mimi]

وجزاك كل خير ميرسي اوي يااحمد

ان شاء الله كلنا نستفيد منه

[spider girl]

شكرا ليكى يا ميمى

موضوعك ممتاز كالعاده

بس فى كلمات نطقها صعب شويه

بس ان شاء الله هتابع معاكى ديما

شكرا ليكى حبيبتى الموضوع بجد شيق اوى

[Mimi]

ميرسي اوي ياسارة لمشاركتك الجميلة دي

وفعلآ عندك حق في كلمات صعب نطقها بس هدلك على مضوع موجود في نفس القسم

لزميلنا أيمن جمال بعنوان

+++++++++(برنامج للفظ المصطلحات الانجليزية و الجمل بشكل صحيح)+++++++++

دا يمكن يساعدك في النطق الصحيح لأي كلمة

وغير كدا تقدري تنسخيلي بس الكلمات الصعبة واكتبلك نطقها ياحبي

ميرسي مرة تانية لمشاركتك ياقمري