تعالوا نفتكر ايام زمان

[samomran]

اولا كل سنه و انتم طيبين

و ان شا الله رمضان كريم علينا كلنا

و ان شا الله يتقبل منا الله صيامنا و قيامنا و قراننا


و ان شا الله يغفر لنا فى الايام المباركه هذه


و تعالوا نفك شويه مع يعض كده

فاكرين زمان من 10 سنين رمضان كان عامل ازى

كان فى بوجى و طمطم

و الفوانيس الصفيح ام شمعه مش بحجاره

و كان فى بكار و عالم سمسم

و كان الصيام فى الشتا مش فى الصيف

تعالوا كل واحد يقول رمضان زمان كان بالنسبه له ايه و كان عامل ازاى و كان بيحب يتفجرج على ايه و كان بيعمل ايه


مستنيكم يا شباب يلا بينا

[sweet girl]

الموضوع جميل جدا يا اسلام بحييك عليه

واكيد رمضان زمان او من عشر سنين كان مختلف عن دلوقتى بكتير كان احسن بكتيييييييييييييير

تحس كده ان الناس كلها بتحب بعض وقلبها على بعض وتحس بجو اسرى جمييييل افضل من دلوقتى بمراحل

انا كنت بحب اوى وانا راجعه من المدرسه اتفرج على الناس والشوارع والزحمه والكنافه وهى بتتعمل هههههههه

احساس جميل اوى وكان صحابى اللى بحبهم معايا وكنت بنزل الشارع العب بفانوس رمضان مع الجيران او احيانا

كنا بنطفى نور الشقه كله ونلعب بالفوانيس وكنت بحب اوى انى اتفرج على بوجى وطمطم وطبعا بكار كان لازم

يشتغل واحنا بنفطر وكنت بحب اوى زينه رمضان اللى كنا بنزين بيها شارعنا

والفانوس الكبير اللى بيتعلق طبعا كل ده بطل يتعمل خلاص ؟!!!

حتى اغانى رمضان الجميله اللى كانت بتيجى فى التليفزيون وبوجى وطمطم وكل الحاجات الحلوه ديه بطلت تيجى

وبقى التليفزيون مقتصر على المسلسلات والافلام وكان رمضان شهر المسلسلات ؟؟؟؟؟؟؟؟ انا بصراحه حسه ان

الروح الجميله اللى كانت بتبقى موجوده فى هذا الشهر الكريم مبقتش موجوده ولم يتبقى لهذا الشهر ملامح

سوى الحرص على التقرب الى الله والاخلاص فالعباده بس المواضيع اللى عن رمضان على المنتدى حسستنى

بجو رمضان الجميل اللى كنت مفتقداه بقالى كام سنه وكمان اغانى رمضان اللى نزلتها سوما بجد فرحتنى اوى

لانها كانت وحشانى بجد ...... معلش طولت عليك بس انت اللى طلبت بقى هههههههههههه

بجد موضوعك جميل وكل عام وانت بخير واقرب الى الله

جزاك الله كل خير

[AHMED FTIHA]

موضوع جميل اوى يا سمسم ربنا يكرمك
ان شاء الله اشارك فيه

[Marwa Mahmoud]

ياااااااااااااااااه بجد كان رمضان زمان جميل اوى كانت كل حاجة فيه جميله

وخاصة أننا كنا أطفال بنفرح بالفنوس والزينة والحجات دى

بس للأسف
دلوقت مش زى امبارح حجات كتير أتغيرت وإحنا كمان كبرنا وأتغيرنا

بدأنا نتحمل مسؤليات مكناش متحملنها قبل كدة

بدأنا نشوف الحياة بشكل تانى غير الاول

بشكرك جداا يا أسلام على الموضوع الجميل دة

وكل سنة وانت طيب

[samomran]

كل سنه و انتم طيبين

و بجد شكرت لكل اللى شارك
و كل اللى شاهد و ما شاركش

و فى انتظار الباقى

[alaa eid]

اولا كل سنة وانتم طيبين


رمضان زمااااااان كان جميييييييييل جدا جدا جدا ودلوقتي والله جمميل لان كبرنا وبقينا نحس بيه اكتر من واحنا كنا اطفال لسه



شكرا ليك علي الموضوع

[Wild_Angel]

مش عارفه هو انا حاسه ان رمضان السنادى بأذن الله حيكون الناس فيه اجمل

يمكن لان الناس بقت حاسه ان الدنيا مفيهاش طيبه وكده
كل ده يخليهم يحاولوا يتقربوا من ربنا ويقربوا لبعض من تانى

خلونا نحس بشوية تفاؤل ان السنادى رمضان جمييل اوى لاننا نكون اجمل

جزاك الله خيراً يا اسلام

[samomran]

شكرا ليكم يا جماعه

وفعلا انا حاسس ان رمضان السنه دى غير عادى بالمره

و ان الثواب حيكون فيه عظيم لدرجه لا يمكن تخيلها