أكلات لذيذه لإفطار و سحور رمضان <متجدد>

**samomran** · 08-17-2009, 11:26 AM

بسم الله الرحمن الرحيم

اسمحوا لى انى اقدم لكم بعض الاكلات الشهيه و التى تساعدنا على الصيام فى رمضان لو كانت سحور

او بعض الاكلات على الافطار

و ارجوا ان الفكر تعجبكم

اولا طبق للسحور جميل جدااا و انا عن نفسى بحبه جدااا

( العجه الإسبانيه )

المقادير:

1- بطاطس مسلوق حبتين

2- (1) طماطم مقطعه مكعبات

3- (2) فلفل بارد مقطع

4- (1) بصل مقطع

5- (2) ملعقه بازلا

6- ( 4) بيضات

7 - (3) ملاعق دقيق

8 - ملح + فلفل حسب الرغبه

9 - زيت للقلي

الطريقة:

تخلط جميع المقادير ويضاف اليها البيض ويحمى الزيت ويوضع فيه الخليط بالملعقه وعند يشقر يرفع من الزيت ويرص في

صينيه التقديم ويجمل باوراق البقدونس والخس .

و تانى اكله معانا اكله على الفطار و ارجوا انها تعجبكم

( لحم بعجين الموصلي اللذيذ )

المقادير:

1كيلو لحم بقر- ربع كيلو لية(ذيل الغنم)- عجينة غير مختمرة ويفضل ان تكون من طحين الصفر- 3رؤوس بصل - 2ملعقة كبيرة معجون طماطم- 2 ملعقة زيت .

الطريقة:

نعمل العجينة على شكل دوائر قطرها20 سم بواسطةالشوبك ونفرم اللحم قطع صغيرة و نقطع اللية ونقطع البصل

ونخلط اللحم واللية والبصل والمعجون معا ثم نضع هذه الصلصة على العجينة التي توضع على صينية مزيتة لكي لا تلصق

العجينة او صينية تيفال توضع الاكلة في الفرن الى ان تحمر تقريباثلث ساعة مع مراعاة ان يكون الفرن محمي على درجة

350 وتبقى لمدة ثلث ساعة تقريبا .

و مع احلى تحليه انا و احلى فطيره

( فطيرة ليتل سيزر )

المقادير:

العجينة :

2كوب دقيق أبيض -

ملعقة كبيرة خميرة -
فنجان زيت -
بيضة -
ماء دافي للعجن -
الحشوة..
جبنه كرافت سائله
مرتديلا -
دجاج مقطع الى مكعبات صغيرة -
شرائح فلفل أخضر بارد -
شرائح بصل -
جبنة موزريلا .

الطريقة:

تعجن مقادير العجينة وتترك لترتاح نصف ساعة ثم تقسم الى قسمين ويفرد كل قسم على شكل دائرة.

تدهن كل دائرة بمسحه من جبنة الكرافت السائله ثم توضع جبنة الموزريلا ثم توضع قطع الدجاج والمرتديلا ولفلفل

والبصل ومن ثم يرش قليل من جبنة الموزريلا وتدخل الفرن.

بعد اخراجها من الفرن تطوى كل دائرة وتقدم....وصحتين.

و ان شا الله كل يومين معانا اكله جديده

و كل سنه و انتم طيبين

**samomran** · 08-17-2009, 05:03 PM

ارجوا ان الموضوع يعجبكم

**emu** · 08-17-2009, 05:13 PM

شكرا ليك
شيف سامو
علي الموضوع الجميل ده
انا نقلت الطريقه عندي
وهستني الاكله اللي جايه
وانا ان شاء الله هتابع معاك

اسلاااااااااااااااااام؟؟
ايه المقادير بتاعت الاكله التانيه دي
مش عارفاها
هي اكله مصريه؟؟؟

**Marwa Mahmoud** · 08-17-2009, 05:48 PM

بشكرك جداا على الموضوع الجميل اللى يفتح النفس ده

وفى انتظار اكلاتك الجميلة

ايه دة انا شكلى جوعت ولا ايه :eek: :eek:

**samomran** · 08-17-2009, 05:54 PM

شكرا ليكى يا شيمو

و الاكله التانيه دى عراقيه

و المقادير

( لحم بعجين الموصلي اللذيذ )

المقادير:

1كيلو لحم بقر لحم بقرى عادى يعنى - ربع كيلو لية(ذيل الغنم) ليه خروف عاديه جدااا - عجينة غير مختمرة عجيبه مش متخمره عادى جدااااااااااااااااااا ويفضل ان تكون من طحين الصفر طحين صفر مش عاادى خالص لانى مش عرافها الحقيقه - 3رؤوس بصل - 2ملعقة كبيرة معجون طماطم- 2 ملعقة زيت .

اظن كده الحكايه ممكن تكون وضحت ليكى شويه

**samomran** · 08-17-2009, 05:56 PM

شكرا ليكى يا مروه

و بجد انا كمان شكلى جوعت

**emu** · 08-17-2009, 07:22 PM

شكرا ليك يا اسلام علي التوضيح
بس علي فكره؟؟
اللي سألت عليه هو اللي انت مش عارفه
******
انا في انتظار الاكله الجديده وعزومه منك
ماليش دعوه؟؟
انا وكل اللي هيشارك في الموضوع