مسائل فى الاوتوكاد

**Mohamed Gaber Aly** · 02-02-2010, 05:08 AM

لكل اعضاء المنتدى الذين يهتمون بالاوتوكاد.

سنحاول سويا ان نضع بعض المشكلات والمسائل الصعبه وحتى السهله فى الاوتوكاد هنا ونحاول حلها سويا.

فكل من لديه مشكله او مسأله صعبه حتى ولو يعرف حلها وخاصه المتعلقه بأعمال المساحه
يضعها ويترك لباقى الاعضاء محاوله حل هذه المسأله حتى يستفيد كل المشاركين وانا أول المستفيدين.
ويالا ورونا المشاكل.

سابدأ باول مسأله:
لدينا 5 نقط ونريد ان نرسم خط او نضع نقطه عند متوسط هذه النقط ويكون ذلك فى خطوه واحده دون عمل اى خطوط مساعده. كما هو موضح بالشكل

السؤال الثانى 3POINT RESCETION

السؤال الثالث تحويل النقاط من الاكسل الى الاوتوكاد مع وضع الاكواد ورقم النقطه

السؤال الرابع كيف يمكننا بمساعده الاوتوكاد فى المكتب ان نتفادى اخطاء الحسابات فى الموقع

السؤال الخامس LISP لحساب المساحات ووضعها فى جدول

السؤال السادس كيفيه تصغير او تكبير ال TEXT فى الرسمه كلها دون تحريك اى كتابه

السؤال السابع كيفيه رسم مثلث بمعلوميه طول ضلع وزاويتيين باقل عدد من الاوامر

السؤال الثامن رسم قطعه ارض وحساب مساحتها

السؤال التاسع كيفيه نسخ الاشياء الى LAYER اخرى مع الحفاظ عليها فى ال LAYER الاصليه

السؤال العاشر تقسيم قطعه ارض الى مساحتين متساويتين

السؤال الحادى عشر رسم خط مواسير

السؤال الثانى عشر: كيفيه الربط بين نصين كتابه

**ahmedko** · 02-02-2010, 02:52 PM

اهنيك على الموضوع الفوق رائع يا استاذ محمد
و ربنا ينفعد بثوابه و يجازيك عننا الخير
سؤال بس عشان افهم قصد حضرتك
يعنى اية نقطة متوسطة
يعنى المسافات بينها و بين باقى النقاط تكون واحدة
طب و لو خط هيكون نفس النظام

مستنى رد حضرتك
بكرر شكرى لحضرتك

**Mohamed Gaber Aly** · 02-02-2010, 03:11 PM

شكرا يااحمد على المشاركه.

المطلوب هو متوسط النقط يعنى لوعندك خمس قيم للاحداثيات تقوم بجمعهم ثم القسمه على خمسه سيعطينا المتوسط.
وليس لها علاقه بالمسافات بين النقط فكما يبدو من الشكل ان النقطه اللبنى ليست على مسافات متساويه من النقاط الخضراء.

ارجو ان اكون وضحت المسأله.

وجزاكم الله خيرا

**ahmedko** · 02-02-2010, 03:42 PM

اللله يفتح عليك يا بشمهندس
شكرا على التوضيح
و دى نفس الفكرة لو خط عايز اجيب نصه
بكرر شكرى على التوضيح

**ahmedko** · 02-02-2010, 03:53 PM

سؤالى لحضرتك
فى حصر الكميات
هو اينعم مش فى الكاد
بس هو يعتبر شغل برامج كمبيوتر
فى عندنا برامج كتير بتحسب كميات الحفر و الردم
سيرفر SURFER
لاند LAND DESK TOP
مايكروسيرفاى MICROSURVEY
اكسيل EXCEL
و اكيد فى حجات تانية
المهم
ان انا لما باجى احسب اساسا بلاقى ان الكنتورية المرسومة فى اللاند او السيرفر فيها حبة تشويهات
يعنى مثلا بلاقى خطوط متقاطعة و تانية فوق بعضها
يريت نتناقش فى الموضوع دة لو حضرتك متمانعش

**eslam mamdouh** · 02-02-2010, 09:06 PM

موضوع مميز جدا يا بشمهندس محمد

وهو فى صميم الخبرات والمناقشات العلميه الهادفه

وبجد متابعه تبادل المعلومات بين حضرتك وباقى الزملاء على المنتدى مفيد جدا جدا

اتمنى ان حضرتك تعمم الفكره وتجعل الموضوع للمناقشه فى جميع مسائل البرامج الهندسيه والمساحيه لتبادل الخبرات بيننا جميعا

وبعد اذن الساده الافاضل

تم تثبيت الموضوع لاهميته العلميه

جزاك الله كل خير يا بشمهندس محمد

**Mohamed Gaber Aly** · 02-03-2010, 12:08 AM

الزميل AHMEDKO: شكرا على السؤال بس انا كنت افضل انك تضعه فى موضوع اخر مثلا (الطرق المستخدمه لحساب الكميات) فى منتدى المساحه البحريه( http://www.mesa7a.com/forum/showthread.php?t=13728 ). حتى يكون الموضوع هنا لمسائل الاوتوكاد والتى تمس العمل المساحى لان الاوتوكاد برنامج كبير جدا واحنا عايزين منه اللى يفيد شغلنا.

صديقى اسلام: شكرا على كلامك الجميل وعلى تثبيت الموضوع
انا بعتلك رساله خاصه للرد على اقتراحك وان شاء الله تكون وصلت

جزاك الله خيرا

**ahmedko** · 02-03-2010, 08:55 PM

طيب يا باشا
انا بصراحة فى حاجة محيرانى شوية فى الكاد
انا دلوقتى لما بنقل داتا من الاكسيل للكاد عن طريق concatenate
مبعرفش ادخل النقط بالكود او رقمها
بدخلها e , n, z
بالله عليك يا هندسة لو الموضوع ليه حل عند حضرتك تقولى عليه

**Mohamed Gaber Aly** · 02-03-2010, 11:08 PM

الزميل احمد

سأحاول باذن الله ان اشرح طريقه التحويل كما ذكرت انت ولكنى ساقدم طريقه اخرى لك:

لقد نشرت هذا الرد فى موضوع سابق ولكن يبدو ان مكانه الصحيح هو هنا فشكرا على سؤالك.
البرنامج المرفق يقوم بالتحويل من اوتوكاد الى اكسيل والعكس وكذلك الى الكثير من البرامج هو البرنامج قديم شويه بس لسه شغال ومافيش مشاكل
من الممكن عمل FOLDER جديد باسم TFR وتضعه على :C مباشره وبعد كده تضع البرنامج وكل الملفات التى تريد التعامل معها فى نفس المكان

لتحميل البرنامج اضغط هنا

التحويل من اكسيل او ASCII FILE الى اوتوكاد عن طريق TFR الموجود بالرابط

1- فى حاله وجود احداثيات النقاط فى جدول اكسيل نقوم بترتيب الخانات كما يلى حيث يحتوى هذا الملف على احداثيات النقط ووصفها ولايحتوى الملف على هذه الكلمات المذكوره بالاسفل ولكن فقط القيم
POINT NUMBER, EAST, NORTH, ELEVATION, DESCRIPTION
2- نقوم بعمل SAVEAS للملف ولكن بنوعيه CSV وذلك حتى يستطيع برنامج TFR قرائته وليكن TEMP.CSV.
3- نفتح برنامج TFR ونذهب الى Change data file sub-directory وذلك لاختيار مكان الملف TEMP.CSV.
4- ثم نذهب لقائمه CHANGE CONVERT FILE FORAMT
5- نختار DCA file وهو يقوم بتحويل اى ملف يحتوى على
POINT, EAST, NORTH, ELEVATION, DESCRIPTION
6- نختار Convert DCA file to DC file فسيظهر لنا Enter source file name فنقوم بكتابه TEMP.csv .
7- فيظهر لنا Enter destination file name: TEMP.CR5 ثم نضغط على ENTER سيقوم البرنامج بانشاء الملف الجديد
8- ثم نذهب لقائمه CHANGE CONVERT FILE FORAMT
9- نختار Autocad DXF file ثم نضغط ENTER.
10- ثم نختار Convert DC file to AutoCad file فسيظهر البرنامج ملف TEMP.CR5.
11- سيقوم البرنامج بانشاء ملف TEMP.DXF بعد اجابه الاسئله التى ستظهر

وبذلك نكون حصلنا على ملف اوتوكاد من ملف اكسيل وسيشمل هذا الملف:
النقاط و رقم كل نقطه و وصف كل نقطه ومنسوب النقطه وكذلك تحمل النقاط نفسها المناسيب.

يارب تجرب البرنامج ويعمل بطريقه جيده