عشان السناره تغمز!!!!!!!!!

**mohamed ali** · 10-04-2010, 11:35 PM

كتاب جديد فى الاسواق لأمل محمود

عشـــــــــــــان السناره تغمز

ودا الكتاب للبنات والولاد

دا غلاف كتاب البنات

دا غلاف كتاب الولاد

"الكتاب ده عبارة عن قوانين لازم كل بنت تعمل بيها لو عايزة تلاقيلها حوت.. درفيل.. أو حتى قرموط يشبك في سنارتها.. ولازم كل ست تطبقها في حياتها الزوجية لو عايزة تعيش سعيدة وتصطاد جوزها تانى وتالت من أول وجديد".

وتقول أمل في بداية كتابها أنها من خلال عملها استمعت للمئات والآلاف من التجارب العاطفية، ووجدت أن كل مشاكل البنات تتلخص في عدم وعيها بطريقة معاملة الرجل بالشكل الجيد، فكما يقول المثل:

"مش عارفة تاخد منه لا حق ولا باطل"، ولهذا قررت أن توفر خبرة 1000 تجربة عاطفية على الأقل في هذا الكتاب أملا في أن يكون عونا لبنات مصر!

ودا فيديو للقاء فى قناه الحياه مع المؤلفة

ودا لينك الجروب على الفيس بوك

http://www.facebook.com/group.php?gid=67298526160

مستنى تعليقاتكم

**spider girl** · 10-04-2010, 11:43 PM

والله كويس جدا الكتاب هيفيد جميع الاعمار
والاحسن من كده هيفهم الطرفين كيفيه تكوين علاقه سليمه تستمر
لنهايه العمر ان شاء الله وتقلل نسب الطلاق فى المجتمع
يارب الاستفاده منه تتاخد بشكل جد ويقدر الكل ياخد منها
الى يناسبه فى اساليب حياته علشان يكون اسرة كويسه تعين المجتمع فيما بعد

دى وجهه نظرى فى الموضوع ده ان الموضوع يتاخد بشكل ثقافى وتوعيه وتنميه سلوكيه مش اكتر
شكرا يا بشمهندس على الموضوع الجميل

**ضوء القمر** · 10-04-2010, 11:50 PM

والله يا محمد فكرتني بمسلسل عايزة أتجوز بتاع هند صبري والكتاب اللي اسمه كيف تصطادين عريسا ؟؟؟ بس بصراحة دي طريقة غلط جدا ده بالنسبة لي وأكيد بالنسبة لكتير صح ولاايييييييييه ؟؟؟؟؟؟

**Marwa Magdy** · 10-05-2010, 12:08 AM

سبقتينى يا ضوء القمر
انا اول ما قرات بدايه الموضوع افتكرت كدا برضو
ههههههههههههههههههههههههههههههههههه
بس بدال الكتاب ده نزل هنا ف مصر اكيد الكل حيستغله بشكل شئ للاسف
شكرا يا محمد على الموضوع

**KAREEM** · 10-05-2010, 12:17 AM

اكيييييد حيتم استغلاله بشكل شىء
على رأي مروى زى ما قالت

محمد على اول ما ورانى الموضوع
قعدت اضحك بصراحة بيفكرنى بالكتب الغريبة دى
كيف تصبح مليوتيرا فى نص ساعة والحاجات دى
والكتاب بتاع مسلسل هند صبرى برضو بالظبط
زى ما قالت ضوء القمر

كلو كوم ولما شوفت الفيديو كوم تااااانى
اللى عاملة الكتاب دا باين اوى انها انسانة
معععععععقدة نفسيا وبتطلع العقد فى الكتاب
وربنا دى بتقول كلام يجننننننن اتفرجو وشوفو

ومفيش شكرا ع الموضوع يا على

**spider girl** · 10-05-2010, 01:01 AM

المشاركة الأصلية كتبت بواسطة Marwa Magdy

سبقتينى يا ضوء القمر

انا اول ما قرات بدايه الموضوع افتكرت كدا برضو
ههههههههههههههههههههههههههههههههههه
بس بدال الكتاب ده نزل هنا ف مصر اكيد الكل حيستغله بشكل شئ للاسف

شكرا يا محمد على الموضوع

بصى يا مروة انا فعلا معاكى ان الكتاب

فى فئه كبيرة من مجتمعنا هتنفذه بطريقه غلط

بس فى ناس هتاخده بطريقه جد وهتستفاد منه
انا مش قصدى اهزر على فكرة طب منا قريت كتاب عايزة اتجوز
وانا شفته كتاب بيناقش قضيه بطريقه هزليه وبتجارب
فيها الى كان مبالغ فيه اوى وفيها الواقعى جدا

بالظبط زى الكتاب ده بس الاختلاف هيبقى

فى التطبيق بسبب الناس فيه الى هيطبقه فى شئ يغضب ربنا
وفيه الى هيستفاد منه علشان يكتسب ثقافه تفاهم مع الطرف التانى
علشان اسرتهم متتأثرش وتستمر الى ان يشاء الله

اسفه لو كنت طولت بس انا حبيت اقول وجهه نظرى المتواضعه

**MUHAMED SAMY** · 10-05-2010, 01:03 AM

بص اعلى

اى حد بيتكلم فى اى حاجة

ويارب نحضر فرحك قريب

بس البت من دى ........
هقول ايه ربنا يهدى

**شيماء رمضان الوهيبى** · 10-05-2010, 01:06 AM

اولا : موضوع جميل بجد يستحق التعليق علية
ثانيا: ومنقدرش نقول غير بأن تأخر الزواج للبنت او للولد الا انة قدر ونصيب ايوة ممكن الواحد يطور شخصيتة ويكتسب نصائح من الاخرين مش لكى يصطاد عريس وانما لتغير الشخصية واحيانا لجذب الانتباة
ثالثا: مسلسل عايزة اتجوز فى حاجات كتير خطأ واحنا كنا بنضحك علية من باب الهزار ولكن فعلا الشخصية كانت بتقول لاى عريس انا بنت عبيطة ومش عايزة اتجوز تتجنن انت بقى وتتجوزنى علشان كدة محدش اجنن ومتجوزتش فى الاخر.