هل الحب اصبح علنا؟؟؟

[Youssef Mostafa]

اتعجبت كتير اتخيلت ان انا مش فى الدنيا دى بس براقبها من بعيييد لقيت ان الحب دة بقى شئ عادى جدا كلمة اصبحت على لسان الصغير والكبييير المراهق والعجوووز اصبحوا يعملون بهذه الكلمة والغريب ان الشاب من هؤلاء عندما يكون فى حالة حب اصبح الكل يعرف ان فلان يحب فلانة وايه الضمان ان فلان حيتجوز فلانة عشان بيحبها
الكل فى غيبوبة الكل نسى معنى الصداقة بل نسوا الكلمة فى حد ذاتها اصبح كل شاب وفتاة فى حالة حب نرى قلة الاصدقاء وكثرة العشاق
وزى م المثل بيقول ...دارى على شمعتك تئيد...

ارجو انى مكنش ازعجتكو ودة مجرد راى وظاهرة حقيقية وانا مش ضد الحب بس انا مع الحب بتاع زمااان!!!

[samomran]

ان امعاك ان الحكايه دى بقيت منتشره جدااااااااااااااااااااااااااااااااااااااااا

بس انا حقول لك حاجه يا يوسف


اللى اتغير احنا مش الزمن

الحقد او الغيره او الاحساس بالنقصان عن الاخرين اللى بيولد الحكايه دى و ده راى

[اسامه البنا]

رايك جميل اوي يا يوسف الله ينور عليك

[free eagle]

عندك حق والله

بس النية المهم لو الواحد نيته كويسة ربنا هيكرمه

وزى مقال اسلام العيب فينا

(نعيب زماننا والعيب فينا ومال لزماننا عيب سوانا)



موضوع جامد يا جو

[eslam mamdouh]

بعد اذن حضراتكم


انا عندى راى مختلف


اسم موضوعك يا يوسف هل الحب اصبح علانا؟



يجب ان يكون الحب موجود بشكل علنى


بمعنى ان انسان لو احب انسانه يكون حبه فى العلن بمعنى انه يسلك الطريق الصح ويتزوج من الفتاه التى احبها ............بشرط ان يكون واثق تمام الثقه من مشاعره

وان ذلك الاختيار مناسب له بكافه الاشكال ( يعنى فى الفكر والمستوى الثقافى والاجتماعى ).

وبعد ان يتاكد يجب عليه ان يبوح بحبه من خلال التقدم الرسمى لخطبه من احبها.



ولكن فى حاله عدم المقدره مثلا على التقدم الرسمى يجب عليه ان يجعل حبه داخله ولا ينشر ذلك امام الناس

لان فى حاله لا قدر الله مفيش نصيب يبقى كده هو ضر الانسانه اللى بيحبها بحبه ده



واما تردد كلمه من صغار السن والمرهقيين....فدى مجرد مراقهه مش اكتر, ويجب على الاهل توجيه البنات قبل الابناء ان دى مجرد مراهقه مش اكتر وانجزاب للجنس الاخر



واما فى ناس اخريين مشاعر الحب لا توجد ابدا عندهم وحل محل الحب النزوه والشهوه...واصبح الحب عندهم مجرد كلمه جوفاء لا تحمل اى معنى



موضوعك رائع جدا

وربنا يوفقك ويكرمك

[lolaa fahmy]

موضوع جميل
بس عندي تعليق كلنا بنقول الحب بتاع دلوقتي كذب والحب بتاع زمان هو صح وان مثلا الرومانسيه كانت ايام زمان واختفت دلوقتي
طيب انا متاكده مليون في الميه اننا لو رجعنا قرن واحد من الزمن هنلاقي مجموعه من الناس بتردد نفس الكلام مفيش حاجه اتغيرت احنا زي ما احنا بشر من ايام ادم والزمن هو هو ساعات وداقيق بتعدي
جملة القول ان الانسان هو اللي بيوهم نفسه باشياء هو بس اللي عايز يصدقها
صدقوني مفيش حاجه اتغيرت عن زمان
اسفه للاطاله

[Youssef Mostafa]

شكرا ليكو ياجماعة جدا على المشاركة فى الموضوع
بشمهندس اسلام ممدوح رايك سليم جدا وهى دى فكرتى اللى كنت عاوز اوصلها شكرا ياباشا

[ahmedko]

الله ينور يا يوسف
موضوعك كويس و مهم جدا عشان نلفت النظر للناس اللى سورى فى اللفظ (بتحب على روحها )
كل شوية تلاقى واحد بيحب واحدة و يقول هى دى خلاص مفيش غيرها و هب تحصل حاجة صغيرة يقول دى وحشه و متنفعنيش
دة كلام فاضى
و أويد رأى اسلام فى ان الطريق الاول و الاوحط للارتباط هو باب البيت مش شباكه
و البنت الكويسه متديش فرصة للشاب انه يكلمها فى حاجة زى دى و تغلى من نفسها و تعلى من شأنها

[Youssef Mostafa]

الله يخليك ياحمد نورت الموضوع بوجودك