ماذا تفعل عندما تسأل هكذا؟؟

[محمد عمرو عبد الحليم]

بسم الله الرحمن الرحيم
الموضوع دة عجبنى لانى بصراحة بتسأل معظم الاسألة دة فانتا ممكن يكون ردك اية لما تتسأل ؟؟

بحيث ان في أسئلة بديهية مالهاش اي لزمة في الدنيا
بنتعرّض ليها كل يوم من كل الناس

خلونا نشوف أمثلة

***********
إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش وضع لعب اليوجا !!! واضح ان انا هنام ))

***********
انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتواااااااااااااااا ؟

(( لا لسه ))
***********
والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه

(( !!! لاء دانا لسه راجع ))

**********
أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني ))

***********
مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟
(( لا.. بتفرّج عليه ))

***********
مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟
(( تقوم رامي الكتاب و تقوله لااااااااء ))

***********
ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟

(( لاء.. هفرطها و أسلقها ))
***********
ولاّ تعالو شوفو قنواتنا واسئلتهم البديهية البايخة

برنامج اهداءات يتصل واحد يطلب أغنيه
ترد عليه ست الحجة (المذيعة) بكل خفه ورشاقة : إنتا بتحب الاغنيّة ديه ولا ايه ؟

(( لاء.. طالبها اخنق على نفسي ))

***********
أو مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

(( أكيد يعني مش هيقولهم البقاء لله )):mad:


:mad:

[free eagle]

موضوع جامد

يا محمد

وفعلا بنتعرض للاسئلة البايخة دى تمالى

هههههههههههههههههههههههههههه

[منمونة الدلوعة]

ميرسى على التوبيك وانا ببقى عايزه اضرب اللى بيقولى كده
وفى حالات كتير بضربهم هههههه

[محمد عمرو عبد الحليم]

موضوع جامد

يا محمد

وفعلا بنتعرض للاسئلة البايخة دى تمالى

هههههههههههههههههههههههههههه

ربنا يكرمك يا free eagle دة بس من زوقق
وبصراحة مش انتا لو حدك ال بتتعرض لى الاسئلة دة دة يمكن معظم الناس كدة

[محمد عمرو عبد الحليم]

ميرسى على التوبيك وانا ببقى عايزه اضرب اللى بيقولى كده
وفى حالات كتير بضربهم هههههه

الشكر لى الله وحدة يا منمونة الدلوعة بس لسة العنف دة ربنا ما يجبش ضرب اقلق على حل لما حد بسألك الاسئلة دة سيبك منو وكملى ال انتى بتعملية
مشكورة على مرورك على المشاركة الاجمد دة