حكايتى انا وحبايبى

[Ma7amed Adel]

أصل أنا لى فى الهوى
كل يوم.....حكاية
كلها حب و ماآسى
و ان دورت هتلائى
أد كام قصة و رواية
و شعر بدون قافية
و غنوة ملهاش نهاية
و لحن رن فيه العود من البداية
* * *
و أدى مطربة صوتها آية
بتقول يابن الناس كده كفاية
دالحب مش غاية
لا يوم القلب فرغ منه
و لا فكر يبقى مش جوايه
و الدنيا كده كده ماشيه
و لا عمرى قولت كفاية
حتى ما بصتش و رايه
* * *
بادعى ربنا كل اللى حبيته
يبقى قريب منى و حواليه
أصلهم كتير و انا باقول شويه
عارف عددهم و هما فى عينيه
نفسى الهموم اللى معايه
فى الدنيا تبقى مش ويايه

* * *
حاسس طيور الرحمه حواليه
من الجنة رايحه جايه
و سمعت اصوات بتقول
أنت يا حبيبى فى عينيه
و كل مكان مشيناه
سوى هو ذكرى ليه
بس اوعاك تنسى تيجى
يوم تنور الدنيا عليه