هل ممكن ان تتحول الصداقه الى حب ؟؟ وان يتحول الحب الى صداقه ؟؟

[shimo]

هاااا مستعدين للوجع الجديد ؟؟؟؟؟؟؟؟؟؟ يلا بينا نقول بسم الله الرحمن الرحيم ونبدا موضوعنا
هو مش موضوع بمعنى موضوع انا بس كان عندى سؤال ومطلوب برضو من الكل انه يشاركنى فيه و يحكى ويقول رأيه و بمنتهى الصراحه وبجد ها بجد سامعين ؟ ولحد ماشوف كل الاجابات بتاعتكم هقول انا المفيد فالاخر
سؤالى بقئ يا شعب
من رأيكم

هل ممكن ان تتحول الصداقه الى حب ؟؟
وان يتحول الحب الى صداقه ؟؟

بمعنى هل يمكن ان يكون الحبيب صديقا ؟ والصديق حبيبا ؟ زى ما قلتلكم عايزة ارائكم بصراحه وناقشونى كدا واللى عايز يحكى يحكى ولو حد اتحط فموقف زى دا يقول ردوا كان ايه وقتها وعمل ايه ؟ مستنياكم وانتظروا جديدى فى كل ما يمس المشاعر و يداعب الروح والاحساس :) :)

[noga]

هو الصداقه تتحول لحب شيىء ممكن قوى ويبقوا حبايب واصحاب وتبقي شيىء جميل قوووى بس الاهم هل ممكن الحب يتحول لصداقه هو ده فعلا السؤال الاهم ؟؟؟؟؟؟؟؟ هو من راي ممكن يبقوا صحاب طياري هما يبقوا صحاب خفافي يعنى ازيك الله يسلمك ويعنى كلام عادى نميمه خفيفه بس مش اكتى اكيد فى حذاذيه ... ارجو الافاده

فى انتظار المزيد من الاسئله اللى فى الجون

[رامى فاروق]

مش كلمة الحب احساس

[Mimi]

ياجماعة ليه الفكرة دي قالقة كل الناس .. والمل بيأكد ان الحب عمره ما يتحول لصداقة

وكأن الصداقة دي علاقة أقل من الحب أول أقل في قيمتها بالعكس والله

بصو انا من رأيي الصداقة دي من أقوى العلاقات المستمرة للأبد ليه باه ؟

لو حللنا كلمة صديق هنلاقي النتيجة دي

اول حرف الـ هو " ص " = صدق ..انسان يصدقك لما الكل يكذبك وانسان مشاعره ليك صادقة ..انسان أمين معاك في كل حاجة

تاني حرف الـ هو " د " = دم ..في انسان يقدر يعيش من غير دم ؟ الصديق دا هو اللي بيعتبرك الدم اللي بيجري في عروقه وميستغناش عنك لانه من غيرك يموت

تالت حرف الـ هو " ي " = يد ..هو الايد اللي بتساندك وتساعدك في كل المصاعب اللي بتقابلك

رابع حرف الـ هو " ق " - قلب .. يعني في اكتر من انه صديقك يعتبرك قلبه اللي بنبضه بيعيش وبتوقف نبضه بيموت !!

بعد دا كله ..بعد المعاني اللي من حروف الكلمة دي بس هنقلل تاني من قيمتها ونحطها تحت كلمة الحب ؟

لالالالا انا من رأيي الحب لو مش هيتحول لصداقة فدا عشان الصداقة شئ أسمى بكتير من أي علاقة تانية

بس عشان نجاوب على المقصود انا مريت بتجربة شخصية والحبيب فيها أصبح صديق ودا شئ مش مستحيل ولا حاجة ..كل ما احترمنا الظروف واحترمنا النصيب والقدر مفيش اي حاجة هتبقى مستحيلة

[THE PHAROUH]

الله على الكلام الجميل ياجودي

[Hassan Mohamed]

نعم تتحول الصداقه الى حب ولا يمكن ان يحدث العكس ابدا

[ميرا مار]

طبعا الصداقة ممكن جدا تتحول
وممكن تتفهم غلط وتتحول الى حب زائف وساعتها هيضيع الحب والصداقة
دا اولا ثانيا بقى ممكن الحب يعمل صداقة جميلة مع الحب
لكن عشان نقول طب باىباى حب ونبقى اصحا بس واصدقاء ..
سورى استحالة تحصل ولو حصل يبقى صدقينى ماكانش حب حقيقى

[Mohamed Saad Yassin]

ممكن ان يتحول الحب الى صداقة
و ممكن أن تتحول الصداقة الى حب

[noga]

لا ياجماعهبردوا انا لسه عند رايى اكيد لما الحب يتحول لصداقه هيبقي فيه حذاذيه ومش هيرجعوا زي الاول وعلى رايك يامها يبقي مكنش حب حقيقي وعموما هى بتختلف من حاله للتانيه وحسب الظروف اللى خلت الحب ده ينتهى وممكن ان الانسان ده ميستهلش يكون صديق اصلا

وبعدين ياجودي صعب تلاقى دلوقتى الصديق اللى انت فصصتيه ده ده لازم يكون تفصيل( بس الحمد لله احمد ربنا على اصحابى _اصحاب بجد _ )

[onon]

الصداقه ممكن تتحول حب ممكن لكن ان الحب يتحول صداقه معتقدش انا من وجهه نظري استحاله وانا مع نوجا ان اكيد حيكون في حزازيه ومش حيكونوا زي الاول وفي حاجه عايزه اقولها لجودي انتي كلامك عن الصداقه وتعريفك ليها حلو وممتاز جدا وياريت نلاقي المواصفات دي كلها في الناس بس اكيد احنا مش ملائكه والصداقه فعلا هي علاقه ساميه جدا بس الكلام ده بيكون لما يكون العلاقه مابين الاتنين قايمه علي اساس الصداقه بس اما لو كانت قايمه علي حب فمن الصعب جدا ومن المستحيل علي الاقل بالنسبالي انها مستحيله وده رائي ياريت ميزعلش حد