طبعا كله هيقول حسام داخل يهزر بس اللى هيقرا للاخر الموضوع هيعرف ان بجد
تعرفوا ان اول امبارح كان اخر يوم فى تقديم الاقرار الضريبى
واللى مسمعش كلام وزارة المالية وقدم الاقرار يا ويلة ويا سواد ليلة
اذا كان تحت قبة البرلمان
دكتور يوسف بطرس غالى قالها صريحة
اللى عنده حمامين وهيكتب حمام واحد
هعرف من المواسير عنده كام حمام
وساعتها هخليه يعملها فى
طيب وبالنسبة لسكان المناطق الشعبية يا دكتور
فجاوب وقال
الكل لازم يقدم الاقرار واحنا بعدها هنشوف مين يدفع ومين ميدفعش
ففكرت وقلت يعنى سكان
الدويقة هيدفعوا ضرائب اكيد لا
طيب ليه مطلوب منهم يقدموا اقرار ضريبى
يلا سيبكم من كده
خلينا فى الاعلان
شوفتوا عبد القوى
لما قاله فين الاجندة الحمرااااا علشان يقيد فيها الحسابات
وقاله انت خايف من ايه
ده كل ده بيرجعلك على صوره خدمات ومدارس ومستشفيات
اومال ال 55 مليون جنيه فى اليوم دخل قناة السويس بيروح فين
ادخلكم فى موضوع تانى خالصبتفرج على ماتش الاهلى على دريم
وكان المعلق محمود بكر وفجاة قال
انا بناشد محافظ اسكندرية يشوف حل فى الاراضى الزراعية كلها بقت مبانى
طيب احنا اكلنا الدور والباقى على اولادنا اللى مش هيلاقوا ياكلوا
بصرااااااااااحة
حاسس ان الضرائب دى مفروضة على ناس معينه
على عامه الشعب
زى ضريبة الرؤوس ايام الرومان
يا خوفى كمان سنتين يقولكم لازم تقدموا الاقرار الضريبى للمنتدى واحنا هنقرر يدفع ولا ميدفعش
سؤالى
هل فعلا حاسيين ان الضرائب بتطور بلدنا ولو لا تفتكروا بتروح فين ؟؟؟؟؟؟
المفضلات