جزيرة الهدوء

**ابورفعت** · 09-03-2009, 05:28 PM

جزيرة الهدوء

كتير مننا بيحتاج وقت يكون فيه لوحده… يبعد عن الدوشه اللى حواليه.. بعيد عن الناس… عن اى افكار تحاول انها تعكر مزاجه… حاجه كده زى ما يكون.. واحد يقعد فى جزيرة لوحده .. قعده كده انتونفسكومنك للسما.. بعيد عن كل الناسوكل الناس بمعنى كل الناس... واناعارفه انه فيه ناس هتقولى.. فيه ناس منقدرش نبعد عنهم ... بس بجد بنحتاج وقت من الاوقات اننا نبعد عنهم ... نبعد شويه فى هدوء... وسكينه وصفاء ذهن نفكر… نعمل رفرش لدماغنا… نشوف فيه ايه بنعمله غلط وايه بنعمله صح وايه محتاج تعديل… زى كده نظره شامله ... على حياتنا... نبعد شويه عن ضغط الشغل عن دوشه الاولاد ... عن ضغط الدراسه... عن الالتزامات... المختلفه…….. عن كل حاجه... والوقت ده محتاجه كل فرد…….. الزوج محتاجه……. محتاج انه ينفرد بنفسه شويه... والمفروض ان زوجته تسيبه (مش لازم تكبس على نفسه)... وهو برضه يسيبها تنفرد بنفسها ... ويتطوع ولو يوم واحد ويتحمل مسؤليه البيت... والام والاب كمان يسمحوا لولادهم انهم ينفردوا بنفسهم ... ويدوهم مساحه من الوقت لده .... مش لو الابن قفل على نفسه باب اوضته شويه .. أمه تقعد تخبط عليه : قافل ليه يا ولد... اكيد بتعمل حاجه غلط .. ماهو لو الام فهمت ابنها او بنتها كويس... عمرها ما هتعمل كده معاهم ... والولاد برضه تسيب امهم وابوهم فتره من الوقت ينفردوا فيها بنفسهم ... ويتحملوا مسؤلية نفسهم ولو يوم واحد... اعتقد ان ده هيساعد ان كل فرد فى المجتمع ... يبقى اهدى ويقلل شويه من التوتر... والضغط النفسى وحدة الاعصاب... اللى الواحد بيكون فيها... وبيساعد برضه اننا نحل ... مشاكلنا بصورة اصح ومش تحت ضغط .. انا عارفه كويس ان الشىء ده صعب يحصل فى وقتنا ده... لان محدش هيقدر يبعد ... ولو فتره قصيره لانه بدون ما يدرى الحياة بتاخده ... فى دوامتها سواء شغل (وده بيكون اكتر حاجه) او دراسه…او….او…….الخ ولان دوام الحال من المحال فهنلاقى الانسان طول حياته ... كده عمره ما هيخلص من دوامه الحياه... ومشعارف ياخد وقت ينفرد فيه بنفسه... لكن ... بمجرد ما يكبر فى السن ويتقاعد... ويخلص من هم ولاده ويجوزهم بتجيله الفرصه انه... يقضى الباقى من حياته لحظات صفا وانفراد بنفسه.... ويقعد يفكر ويسترجع شريط حياته ..... اللى مرت ويلاقى ان الدنيا مكنتش تستحق كل اللى كان بيعمله..... ومكنتش تستحق انها....... تاخده بالشكل ده ....... والفتره دى بتكون اطول فتره استرخاء وصفاء ذهن...... بيقضيها الانسان ...... وياريت كل واحد فينايعمل (ستوب) مؤقت لحياته ....... وياخد فتره حسب ظروفه…يوم…ساعه….دقيقه ينفرد فيها بنفسه ويصفى ذهنه ..... وهتشوفوا الفرق......

اعجبتنى هذه الكلمات من كتاب

الحب كل شئ ... تأملات فى الحب والحياة

**Marwa Mahmoud** · 09-03-2009, 07:56 PM

موضوع رااااااااااااااااااائع بحيك عليه

وفعلا انا بحتاج اوى وقت اقعد فيه مع نفسى

فى جو هادى بعيد عن اى حد واكيد كلنا بنحتاج وقت للإسترخاء مع انفسنا

بشكرك جداا ولك خالص تحياتى

**Mimi** · 09-03-2009, 08:01 PM

فعلا موضوع حضرتك ممتاز

ودايما محتاجين لوقت استرخاء لاعصابنا ودماغنا وضغوطات اللي بنتعرضلها كل يوم

كلمات جميلة وبسيطة بس معبرة جدآ شكرآ لاختيارك الممتاز

**ابورفعت** · 09-03-2009, 08:03 PM

اشكرك جدا مشرفتنا العزيزة على مرورك
الاختلاء بالنفس قد يريحها وقد يسحبها لبحر عميق من الفكر والجنون

**ابورفعت** · 09-03-2009, 08:05 PM

المشاركة الأصلية كتبت بواسطة Mimi

فعلا موضوع حضرتك ممتاز

ودايما محتاجين لوقت استرخاء لاعصابنا ودماغنا وضغوطات اللي بنتعرضلها كل يوم

كلمات جميلة وبسيطة بس معبرة جدآ شكرآ لاختيارك الممتاز

اشكرك يابشمهندسه على مرورك وعلى تعليقك

**ALY ELSAYED** · 09-06-2009, 02:06 AM

والله يا ابو رفعت عندك حق في كل كلمه

لازم الواحد يعمل رفرش لنفسه

كل فتره من حين لاخر

الله ينور موضوع رائع

جزاك الله كل خير

**ابورفعت** · 09-06-2009, 09:56 AM

اشكرك على مرورك ياهندسه
جزاك الله خير

**Yamyam** · 09-06-2009, 10:38 AM

بحييك على الموضوع

و فعلاً ساعات بيجى وقت عاى الأنسان

وبيكون عايز يبعد عن كل حاجه

**ابورفعت** · 09-06-2009, 06:58 PM

تسلم ياجميل
اسعدنى مرورك

**ساره مجدى** · 09-07-2009, 11:51 AM

مواضيعك بجد جميله جدا و مفيده
واى انسان فعلا بيحتاج انه ينفرد بنفسه
ولو ثوانى بس حتى الثوانى بتكون غاليه اوى وصعبه ان احنا نحصل عليها
والحل ان الناس كلها تقرأ موضوعك عشان يقدرو يساعدو بعض فى الموضوع ده
وجزاك الله كل خير على موضيعك الجميله خاصه (( الراجل ابو عين زايغه ))

الموضوع: جزيرة الهدوء

أدوات الموضوع

عرض

جزيرة الهدوء

الكلمات الدلالية لهذا الموضوع

المفضلات

المفضلات

ضوابط المشاركة