كيفية التصويت على التعديلات الدستورية

**دكتور / السيد الزغبى** · 03-10-2011, 02:31 AM

كيفية التصويت على التعديلات الدستورية

قررت اللجنة القضائية العليا للاشراف على استفتاء تعديل الدستور المصرى
اعتبار بطاقة الرقم القومى هى المستند الوحيد الذى ستحتاجه للتصويت
وليس من الضرورى ان يكون اسمك مسجل فى الجداول الانتخابية
حيث انه سيتم استخدام قاعدة بيانات الرقم القومى كمرجع لكشوف الناخبين
وتيسيرا على السادة الناخبين
قررت اللجنة قبول التصويت بواسطة الرقم القومى المنتهية المدة
وبهذه المناسبة تحث الرابطة جموع الشعب المصرى وخاصة ابناءها خريجى المساحة والخرائط ونظم المعلومات الجغرافية بالجامعات المصرية

على المشاركة والتصويت على التعديلات الدستورية المطروحة علما بان هذه التعديلات مؤقتة و خاصة بالمرحلة الانتقالية حيث سيتم اعداد مشروع دستور جديد بعد انتخاب رئيس الجمهورية
وعلى اى حال التصويت لكل من بلغ 18 سنة

والله الموفق والمستعان

**Ahmed Hosny** · 03-10-2011, 11:33 AM

السلام عليكم ورحمة الله وبركاته
ان شاء الله هنروح نصوت كلنا باذن الله
لان ده حقنا وهنهلاقى ان نسبة التصويت مش هتكون
25% زى اى تصويت كان بيتم او اى انتخابات

وان شاء الله كمان هيكون فى دستور جديد واحنا "الشعب"
اللى هنعمله وليس الحزب الوطنى .

**دكتور / السيد الزغبى** · 03-11-2011, 01:00 AM

ايه اللى دخل الحزب الوطنى فى الموضوع ياريت نشتغل بس ونعمل اللى علينا ياريت

**KAREEM** · 03-11-2011, 01:41 AM

وايه اللى زعل حضرتك يا دكتور لما جت سيرة الحزب الوطنى
بصراحه المفروض حضرتك متبكيش عليه بعد اللى عملوا
و اللى ما زال بيعملوا فى البلد

دلوقتى لما حد بقى يحب يشتم حد
يقولو انت حزب وطنى

**دكتور / السيد الزغبى** · 03-11-2011, 02:34 AM

انا لست باكيا ياكريم على الحزب الوطنى او غيره انا كنت امارس عمل سياسى لم استفيد منه اى شىء انا بطبيعتى احب المشاركة بكل انواعها سياسية او مجتمعية او اجتماعية
وهذا ليس عيب ..... المهم ادائى الشخصى ومدى استفادتى من هذه العضوية وعموما كان الكثيرين يلهثون للانضمام للحزب الوطنى وللعلم انا عضو منذ عام 1981 وانا طالب بالكلية ولم استفيد من الحزب الوطنى اى شئ ولو قضيت هذه المدة فى اى هيئة حكومية كنت الان على راسها ولكن لانى لم ولن اصفق لكل مايحدث بالحزب فلم اشغل اى موقع متقدم فيه علما باننى حاصل على درجة الدكتوراة فى الجغرافية السياسية وكل مانشهده حاليا من تجاوزات لقيادات الحزب الكل منها مصدوم
انا اللى اقصده نبطل شتيمة وكلام لن يفيد وارجو ان تعلم لايوجد هناك سئء مطلق ولا شريف مطلق هناك شرفاء فى كل مكان حتى فى الحزب الوطنى
ارجو ان تكون موضوعى مع شكرى وتقديرى وللحديث بقية

**KAREEM** · 03-11-2011, 04:02 AM

مفيش حد يقدر يشكك فى حضرتك يا دكتور
وكلامى دا يدل انى بعتبر حضرتك من الشرفاء
القلائل اللى فى الحزب اللى مشاركوش فى الفساد
وانا معتقد ان الشعب المصرى كله كان فاسد قبل الثوره
وكان فسادنا اغلبية الشعب هو السكوت عن الحق
والشعب تخلص عن فساده انه اتكلم وخرج فى ثوره
عشان كدا مش لازم نسكت تانى

وتانى أحب أأكد لحضرتك حضرتك مش محتاج تدافع عن نفسك والله
كفايه معاملة حضرتك معانا كأبنائك كلنا

**دكتور / السيد الزغبى** · 03-11-2011, 05:07 AM

شكريا ياكريم انا متأكد من شعورك وانا عموما لا ازعل ابدا من المناقشة والحوار بالعكس انا احترم اى مناقشة وحوار موضوعى وفى حدود الاحترام وانا مستعد لاى حوار او مناقشة مع الطلاب وده دورى وواجب عليا وانت انسان رائع ومحترم ومتربى بجد وعلى خلق حسنة واتمنى لك التوفيق والنجاح
وعايزك تفكر لنا كدة انت والطلاب فى مشروع او اى فكرة ممكن ننفذها على مستوى الكلية او الرابطة او الشارع بجد انا دائما من قبل ومن بعد علاقاتى طيبة ومتعاون جدا مع الطلاب فى اى مكان وتحياتى لك

**دكتور / السيد الزغبى** · 03-14-2011, 08:14 PM

نعم للتعديلات الدستورية
من اجل ان نعبر مرحلة الفراغ الى مرحلة البناء

</I>

**ياسمين جمعه** · 03-21-2011, 12:44 AM

**ياسمين جمعه** · 03-21-2011, 12:45 AM

اجمالى من لهم حق الاستفتاء حوالى
45 مليون مواطن
الحضور 18 مليون 5730 الف 940

...نسبه الحضور
41.19 %
عدد الاصوات الصحيحه 1836647
البطاله 177 الف

الموافقون 14 مليون
الغير موافقون 4 مليون

يبقى النتيجه ( نعم ) موافقة

نسبة الموافقة 77.2 %
نسبة غير الموافقة 22.8 %

الموضوع: كيفية التصويت على التعديلات الدستورية

أدوات الموضوع

عرض

كيفية التصويت على التعديلات الدستورية

الكلمات الدلالية لهذا الموضوع

المفضلات

المفضلات

ضوابط المشاركة