المغازلة...مين قال هي قلة أدب؟.

**alaa eid** · 03-18-2010, 02:41 PM

السـلام عليـكم ورحمة الله وبركاته

**
**
**

(( تستهويني المغازلة))
المغازلة مش قلة أدب
هذا ما يقولوه بعض الشباب دائماً

**
**

كما أنه في طبيعة البشر
نفسي أعرفهم >>> هااا

الله يهديهم ...
ويهديني ...

المهم

**
**
**

فيه بعض الشباب والبنات
عبروا عن رأيهم في هذا الموضوع

**
وكان ردهم
مين قال أن المغازل قلة أدب‏ ؟.

**
**

المغازلة أو المعاكسة هي فن وصناعة ورياضة
وطب وعلم نفس وثقافة ...

**
**
سوف نستعرض عليكم الترجمة الحرفية للمغازلة
تعالوا شوفوا ..
وهذا على سبيل المثال وليس الحصر
فمثلاً :-

**
**
**

معاكسة الشباب للبنات
**************

عيونك دوخوني = طب

عودك مثل غصن اللبان = زراعة

أموت عشانك = تضحية وايثار

يا أرض احفظي ما عليكي = دعاء

تمشي على رمشي = جمباز

يا ريتني لبانه في فمك = تحفيز للصناعة الوطنية

أخفض نورك ما نقدر على كده = دعوة لتقنين الكهربائي

أمك ماجابت زيك = مؤشر تحسين النسل

من تكون ليلي علوي وهيفا ونانسي جنبك = جبران خواطر

ياااااعيني يااااعيني... = دعوة للطرب الأصيل

معاكي 24 ساعة 7 ايام في الاسبوع = مواعيد عمل الإسعاف والمطافي والصيادلة

الله يجعل أمك حماتي = تخطيط

أخوكي خال أولادي = استراتيجية

**
**
**

رد البنات على المعاكسة
***************

رصاصة في قلبك = تشجيع على النضال

ياسم.. يارب تموت = خدمة إنسانية للمجتمع

صاعقة ونايبة تاخذك وأتوبيس سواقه أعمي يدوسك = لغة عربية من معاني كلمة" موت"

ماعندكش اخوات بنات = صلة رحم

امشي بطريقك أحسن لك لا ألم عليك خلق الله = إذا مشى وسمع الكلام ...(إرشاد وتوجيه)

وإذا تنـــــح ولم يمشي يكون برنامج ترفيه جماعي ... (على قفاه من خلق الله)..

شفتوا معنى المغازلة من وجهة نظرهم ..

**
سؤال يطرح نفسه دائماً وللكل بعد التعديل ...
هل المغازلة قلة أدب؟؟؟

***

**
دمتم سالمين..

**

عجبني وحبيت اشوف رأيكم فيه

**ers** · 03-18-2010, 05:19 PM

السلام عليكم
على قله ادب فعلا قله ادب وقله زوق واحترام

ربنا يهدى بنات وشباب المسلمين

**ALY ELSAYED** · 03-18-2010, 06:22 PM

هههههههههه

موضوع جامد جامد والله يا لولو

وبالنسبه للشباب المغازله تعبر عن سن المراهقه

وقبل متكون عيب هيا اصلا حرام لانها درجه من درجات الزنه

والرسول قال كما تدين تدان

بس الي بنشوفه الايام دي المغازله بقت شئ طبيعي

والشباب عنده حق من الي بيشوفه من البنات وملابس البنات

دا غير ان البنات اصلا بيبقي عايزين يتعكسوا ويسمعوا كلام من ده

وان من نظري ان المعاكسه الصح دلوقتي انك تشوف البنت تدور وشك عنها خالص

وهيا ساعتها حتجن هههههههههههه

وده رائي المتواضع اي خدمه يا لولو

جزاكي الله كل خير

**Wild_Angel** · 03-18-2010, 08:39 PM

:) :) :)
طريقه جديده لمناقشة موضوع المعاكسات
المشكله بقى يا لولو ان فى شباب بيبقى عندهم اخوات بنات ولا بيتعظوا
ولا بتفرق معاهم البنت دى محترمه ولا محجبه ولا منقبه
وبتبقى احيانا حاجه مستفزه

ربنا يهديهم جميعاً
هما والبنات اللى بلبسهم وشكلهم بيخلوهم يعملوا كده
يارب ارحمنا واغفرلنا جميعاً

**esraa** · 03-18-2010, 10:05 PM

انا معاكى يا اسراء ان البنت هى العامل الاول للمعاكسه اللى بتصدر من الشباب

حتى يا لولو لو انتى جيتى تسألى شاب يقولك هى اللى بتدفعنى انى اغازلها و اعاكسها ( مستفزة ) سواء كان من ناحيه البس او الماكياج او التعامل او الصوت ( الضحكة )

ربنا يهدى شباب و فتيات المسلمين

**Ahmed Waheed Shalaby** · 03-18-2010, 11:01 PM

هى صراحة اخر قلة ادب

ويارب يهدى الجميع

**mohamed ali** · 03-18-2010, 11:45 PM

الف شكررررررر على التفسيرات الجميلة

بس ياريت تكون على اد كده دى بيحصل

حاجات اكتر من كده فى بنات هى اللى بتعاكس

الولاد

**alaa eid** · 03-19-2010, 12:14 AM

اولا بشكر كل من شارك برأيه ف الموضوع
ثانيا بوجه سؤالي لشبابخاصة انتو بتقولوا المشكلة من البنت وانا بقولكم اوك ماشي طيب لما واحدة تكون محترمة ف لبسها وزيها وما فيش صوت بيطلع يبقي دا ايه لان بجد الواحد بقي يتنرفز تلاقي الواحد ف حاله دا يعاكس ودا يبص لما بقت حاجة مستفزة مش عارفة بيستفيدوا ايه من كلام اهبل زيهم سوري يعني
وارجو الشباب يوضحولنا الجزءية ديه
وشكرا كتير ليكم

**alaa eid** · 03-19-2010, 03:02 AM

المشاركة الأصلية كتبت بواسطة Wild_Angel

:) :) :)

طريقه جديده لمناقشة موضوع المعاكسات
المشكله بقى يا لولو ان فى شباب بيبقى عندهم اخوات بنات ولا بيتعظوا
ولا بتفرق معاهم البنت دى محترمه ولا محجبه ولا منقبه
وبتبقى احيانا حاجه مستفزه

ربنا يهديهم جميعاً
هما والبنات اللى بلبسهم وشكلهم بيخلوهم يعملوا كده

يارب ارحمنا واغفرلنا جميعاً