هنا تعارف الفرقة الأولى 2010 يلاااااااا ادخلو

[esraa marey]

والله احنا مش عارفين عليها درجات ولا بس مانعتقدش ان عليها درجات لانها مش مادة شفوى بس عملنا الى علينا وعملناها.

[أحمد صديق]

شكرًا مرة أخرى esraa على ردك

[Horiaa Swedan]

احب اعرفكم بنفسي
الاسم / احمد حسن الخولي
النظام / انتساب الفرقة الأولي
هدفي الدراسي / ان شاء الله شعبة المساحة والخرائط
بس في مشكلة بسيطة ان انا جامعة المنصورة فكنت عاوز حد من اللي سبقونا وبقو في الدفعة الثانية او الثالثة او خريجيين يعرفونا ايه اللي ممكن يفدينا ويساعدنا في الدراسة
وبجد انا مسرور اني موجود هنا معاكوا في الرابطة العملاقة ان شاء الله

بسم الله الرحمن الرحيم
طبعا سعيده جدا بوجود حضرتك معانا
انا الفرقه التالته شعبه نظم معلومات
بص العلم مش بيتوقف فى مكان لازم تسعى وراه انت فى المنصوره انا اعرف ناس فى اسوان بتيجى لحد اسكندريه تاخد كورسات فالمكان مش عائق ولا حاجه وحياتنا السرعيه دلوقتى بتوفرلك كل حاجه فى متناول ايدك
انا مش عارفه انت فى المنصوره طنطا اقرب منك ولا اسكندريه لان بقى فى فرع من الرابطه فى طنطا يعنى كده حتسهل على الناس اللى مش فى اسكندريه
واذا مقدرتش على السفر او ظروفك تمنعك فمفيش مشكله
لان النت بقى موفر لنا كل شئ
انت ممكن تتعلم وتاخد دورات من خلال النت بس طبعا ده لا ينطبق على مواد المساحه العملى دى لازم تنزل شغل عملى وتدريب لانك مهما اخدت نظرى حيبقى صعب التميز فى الشعبه
بالنسبه لانك عايز حاجات تسعدك او عايز تعرف تعمل ايه
فانت مدام عايز شعبه المساحه يبقى ركز على مواد العملى اللى هى خرايطه ومساحه مستويه وكميه وحاسب الى الخ من المواد اللى ليها صله بالمساحه مهما كان مسماها عندنا من عندكم
1-اضافه لكده خد كورس انجليزى لانك حتحتاج
2-وكورس كمبيوتر اللى هو الرخصه ICDL
اضافه الى كده 3-لازم تتدرب على بعض الاجهزه المساحيه زى "الميزان-التوتل استيشن-التديدوليت"
4- اضافه الى بعض الرامج الحاسبيه اللى ليها علاقه بالمجال زى "الاتوكاد-الجى اى اس"
وبكده تكون مؤهل للشغل والتميز فى شعبه المساحه باذن الله
اهم حاجه تهتم بدرستك وتهتم بجميع المواد كويس ومتقلقش من حاجه والله الموفق

[Horiaa Swedan]

يا جماعة انا طالب بقسم نظم المعلومات الجغرافية والاستشعار عن بعد بجامعة بنى سويف الفرقة الاولى ونفسى ابدا دورات من دلوقتى بحيث عقبال ما اخلص رابعه اكون اخدت كل الدورات اللى تخص قسمى وتدربت كمان فى شركات وكل الكلام ده طبعا مش موجود فى بنى سويف كل شى موجود فى اسكندريه يا ريت الناس اللى مخلصة تقولى اعمل ايه انا نفسى اكون احسن اخصائى مساحه ونظم معلومات فى مصر يا ريت حد يرد عليا

اهلا بيك معانا يا هشام واتمنى تفاعلك الدائم معانا
الحقيقه انا مش عارفه القسم ده زى الجغرافيه يعنى فى شعبه مساحه ولا هو منغلق عندكم على النظم بس
بص بصفه عامه لازم يكون معاك

1-كورس انجليزى.
2-كورس نظم معلومات طبعا "جى اى اس".
3-وممكن تاخد معاه كورس "اتوكاد " حيسعدك كتير ده برنامج مبيوتر برضوا.
4- لازم يكون معاك الرخصه الدوليه لقياده الحاسب ICDL
5- حاول تاخد لغه تانيه الى جانب الانجلش زى "الفرنش او الايطالى او الالمانى " وهذا للتميز فى سوق العمل ليس الا.


طبعا لو فى شعبه مساحه عندكم يبقى لازم تاخد تدريب على الاجهزه المساحيه زى "التوتل استيشن- الميزان- التيدوليت"
والله الموفق للجميع

[Horiaa Swedan]

انا بجد سعيده بتفاعلكم هنا وتواجدكم معانا واللى محتاج اى شئ ميترددش انه يسال حتى لو سؤال فى الدراسه او فى الحياه العامليه او حتى فى الحياه الشخصيه احنا هنا بتكم التانى كلنا اخوات واصحاب بنخاف على بعض من فرقه اولى لحد رئيس القسم
والحمد لله كل دكاترتنا متعاونين ومحترمين عمرهم مبيبخلوا على اى حد فمتترددوش فى السؤال وطلب المساعده
واهلا بيكم معانا ديما

[haddeelltalat]

الاسم/هديل طلعت شرباص
انتظام جامعه الازهر