هتعمل ايه لو قابلت شخص دمر جزء كبير من حياتك ؟

[Mimi]

أهلآ بيكم كل أعضاء منتدى الرابطة أحب أهنيكم بالعيد وأقول كل عام وانتم بخير وينعاد عليكم بالخير يارب

وحابة أحاوركم وأناقشكم في الموضوع دا وأكيد هنبسط بآرائكم فيه

وهو باختصار عن شخص دمر جزء كبير من حياتك .. وقفت وشك لوشه .. هتعمل ايه ؟

أكيد كلنا مش ملايكة ولا عايشين في الجنة

بس في حياتنا في الحقود وفي الحسود و في أعداء لكل واحد مننا

في أشخاص هدفهم الوحيد تدمير أهداف الآخرين

وللأسف ممكن يكونو حد من الأقارب أو يكون أخ أو أخت أو حتى أب أو أم

فإذا كنتي أو كنت واحد من اللي حظهم وحش وربنا ابتلاك بحد نفوذه كبير

وبعد ما دمر حياتك

جبتك حطيتك في أودة انت وهو بس .. وبصيتله في عنيه وللأسف انت لازم تتكلم معاه لأنه بكل بساطة ابتسملك


فـ ياترى هتعمل ايه ؟ تلزم الصمت وتظهر لامبالاة نتيجة لكرهك ليه ؟ والعلامة دي هتبين انك لسه متأثر باللي عمله فيك و كارهه وبكدا يكون انتصر عليك

ولا هتظهرله نظرات حقد وكره وتتعدى عليه بالسب وتتخانق معاه ؟

ولا هتهرب من عنيه ؟

ولا هتقول حسبي الله وتتحسبن عليه

هتعمل ايه ؟ ممكن اللي اتعرض للموقف دا يشاركنا برأيه ويقولنا لأي درجة الشخص دا أثر على حياتك ؟ وممكن اللي متعرضلوش يتخيلانه اتعرضله ويشاركنا أكيد

[ALY ELSAYED]

الله ينور يا ميمي

موضوع جامد والله

بس الحمد الله مفيش حد دمر حياتي

بس اتوقع انها حتكون لحظه صعبه اوي

وحيختلف رد الفعل بين كل واحد والتاني

ياريت فعلا الي حصله كدا يقولنا عمل ايه

جزاكي الله كل خير

[Mimi]

ميرسي لمشاركتك السريعة اللي اتعودنا عليها ياكامو

والحمد لله انك متعرضتش للانسان دا وان شاء الله متتعرضلوش

ميرسي ليك مرة تانية وفي انتظار باقي الآراء

[اسامه البنا]

ولا هتقول حسبي الله وتتحسبن عليه

في في وجهه

الله ينور يا ميميموضوع هايل وكمان كل سنه وانتي طيبه

[Mimi]

وانت طيب وبصحة وسلامة يابشمهندس

نورني ردك الجميل على الموضوع وبأيدك في الاختيار اللي اخترته

[Marwa Magdy]

حقول حسبى الله ونعم الوكيل
دى كفايه اوى
بجد موضوع جميل اووى اوى يا مىمى
تسلم ايدك

[Mimi]

مشاركتك الاجمل ياميرو ياعمري

كل سنة وانتي طيبة ياحبي

ودا احسن رد وانا معاكي فيه طبعا

[GooD_DrSh]

بصراحه ان مش هعبره ...
ولا كانى شايف لان فعلا مايساويش حتى ان انطق معاه بعد ال حصل منه وكدا كدا مابقاش لازمنى ف حاجه ف هكلمه ليه اصلا

ThanX

[Hassan Mohamed]

ربنا يسامحها

[ساره مجدى]

الموضوع فكرته حلوه اوى
وانا شخصيااتعرضت للموقف ده بس بصراحه مكناش فى غرفه لوحدنا وكان معانا ناس وبعد تبادل التحيه العاديه جدا لقيت نسى بحاول افح اى موضوع مع اى شخص غيره فى المكان وتحاشيت النظر له نهائيا
بس بصراحه حسيت انى مكسوره رغم انه كان الشخص ده هو الى غلط فيه وكل الموجودين كانو عارفين انى اتظلمت .
ولو فى تصرف تاني اقدر اعمله يريت تقولهولى لأنى اكيد حقابل الشخص ده تانى



-