و عجبى .....

**خالد أبوسعده** · 10-22-2008, 09:13 PM

و عجبى كلمه كنت ممكن اسمعها زمان و اضحك عليها

لكن لما الواحد شاف الدنيا و تفاعل مع الناس
بقت كلمه و عجبى دى كلمه للى مش فاهم حاجه
او الى بيحاولوا يخلوه مش فاهم حاجه

المهم انا عندى حاجات حصلت و مش لاقيلها تفسير
و حد يفسرهالي يا جماعه
او كان لها عنده تفسير

مثلا في القانون
في قانون السرقه لو واحد سرق جنيه عقوبتها 3 سنين
و لو سرق مره تانيه جنيه برضه اضاف عليه 3 سنين
يبقا اتسجن 6 سنين علشان 2 جنيه
و الي بيسرق من البنك 7 مليار و يهرب و لو صل و عرفوا يمسكوه بيتسجن برضه 3 سنين

واحد سرق جنيه اتسجن 3 سنين و واحد سرق 7 مليار و برضه اتسجن 3 سنين

مع العلم ان العايش في السجن في نعيم هو الي سرق ال 7 مليار

و دا بيبرر المثل الي قال ان سرقت اسرق جمل

ما علينا

و مثلا في قانون المرور
لازم يكونالسائق لابس الحزام
و الي قاعد جنب السائق يلبس الحزام
حزام الامان طبعا
والي يلاقوه مش لابس حزام الامان
مخالفه

المفروض ان المخالفه يتسحب عليها الرخصه
و يسلمه ايصال بالمخالفه ويروح المرور يدفعها

لكن الي بيحصل ان ظابط المرور بياخد من السائق او صاحب العربيه
25 جنيه
و دى اسمها مصالحه
و يرجعلوا الرخصه
ولا كأن حاجه حصلت

طب يا ترى صاحب العربيه بيصالح مين؟؟

ما علينا

حاجه تانيه كلنا كنا في المدرسه و احنا صغيرين
حد فاكر ان المدرسه كان فيها عياده او دكتور
و ان كان فيها عياده حد فاكر الدكتور كان بيبقى موجود الساعه كام
انا فاكر انه كان بيبقى موجود في وقت الفسحه بس ال ربع ساعه لا اكثر
طب لو حد من التلاميذ تعب في الحصه الخامسه
يودوه لمين؟؟؟؟؟؟؟
و دا طبعا شبه العياده الي عندنا في المجمع
الي فاتحه علي طول و مفيهاش دكتور

ما علينا

انا طبعا لو كتبت كل المواضيع مش حخلص
بس انا عايز اعرف فى ايه
هو العيب في مين؟

و عجبى

**Rania Ismail** · 10-23-2008, 03:11 AM

فعلا عندك حق وعجبى بجد على اللى بيحصل فى الدنيا

**eslam mamdouh** · 10-23-2008, 03:22 AM

فى حاجات يا خلوووود متقدرش تقول فيها غغير عجبى على راى جاهين

عجبى

**ميرا مار** · 10-23-2008, 08:43 PM

والله عندك حق بس لو حبينا نتعجب كتير مش هنخلص
لان العيب مننا احنا
يعنى ايه دكتور مايقعدش فى عيادة فى مواعيدة لانه موظف ،
حال كل الموظفين مافيش حد بيتابع وراه
وفين الضمير
لكن والله تصدق الكلمة بتريح قوووى خصوصا لو
قلناها فى وش اللى عمل حاجة غلط او مش مفهومة
زى الرشوة هما بقوا بيسموها مصالحة؟؟؟
حاجات كتير ماشية غلط وعنك حق وعجبى

**خالد أبوسعده** · 10-24-2008, 03:03 PM

اشكركم يا جماعه
انا كنت فاكر انا بس الي بقول و عجبى

**م/ احمد فاخر** · 10-24-2008, 03:28 PM

حقيقى ياموبوتو
السلبيات كتيره جدا
وانتشرت فى كل المجلات بس الاكيد انى العيب فينا احنا

لان الساكت عن الحق شيطان اخرص
وعجبى

**ميرا مار** · 10-25-2008, 02:33 AM

عندك حق يابشمهندس
نعيب زماننا والعيب فينا ،، وما لزماننا عيب سوانا

**مى الشورى** · 12-07-2008, 10:46 PM

والله يا خالد احنا مش محتاجين نقول وعجبى
لانك لو بصيت حواليك هتقول على كل حاجه
عجبى
وانا بقولك كده عن تجربه
يعنى مثلا موضوع المرور
بيحصل معايا كتير ولما السواق ميدفعش
شوف بقى المطارده وهو بيجرى ورانا واحنا راكبين نتصعب
وعجبى

**Wild_Angel** · 12-08-2008, 10:59 PM

خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!

دى من رباعيات صلاح جاهين
وعجبى ...نظره ساخره فلسفيه بحته تدعو للتأمل والتألم من اجل العمل على انقاذ ما يمكن انقاذه
ربنا يصلح حال الجميع

**bosy** · 12-09-2008, 11:38 PM

وعجبى

والله هى الكلمه الوحيده الى تتقال

الموضوع: و عجبى .....

أدوات الموضوع

عرض

و عجبى .....

الكلمات الدلالية لهذا الموضوع

المفضلات

المفضلات

ضوابط المشاركة