حقيقة لا تراجع عنها ابدا

[hemo_friends]

مع احترامى لحضرتك تخصص المساحه بيخرج مهندسين الغلط مش فينا الغلط فى الوزاره الى دخلت المساحه فى الجغرافيا مع ارتباطهم الوثيق ببعض دلوقتى فى السعوديه مثلا تصنيف اخصائى المساحه او اى مؤهل عالى فى الجغرافيا او المساحه مهندس بغض النظر اذا كان بكالريوس هندسه او ليسانس جغرافيا مثال على الكلام ده قوات حرس الحدود السعوديه طلبت وظائف شاغره منها خبير رفع طوبغرافى المؤهل بكالريوس هندسه او جغرافيا يعنى فى بلادنا التخلفه ده الى فيها فرق ...

جامعه موسكو قسم الجغرافيا له كليه خاصه بيه لوحده اسمها الجامعه الحكوميه لتنظيم مسح الاراضى بتخرج مهندسين مساحه تدرس فيها مواد المساحه بجانب الجغرافيا والارصاد الجويه والفن المعمارى والقانون وممكن تعمل سيرش عنها فى موقع روسيا اليوم قسم الجامعات الهندسيه...صدقنى البلد الوحيده الى فيها عقد النقص ده هى بلادنا لان اساسا المصريين مش طايقين بعضهم سواء فى مصر او بره مصر.

[your mind]

مع احترامى لحضرتك تخصص المساحه بيخرج مهندسين الغلط مش فينا الغلط فى الوزاره الى دخلت المساحه فى الجغرافيا مع ارتباطهم الوثيق ببعض دلوقتى فى السعوديه مثلا تصنيف اخصائى المساحه او اى مؤهل عالى فى الجغرافيا او المساحه مهندس بغض النظر اذا كان بكالريوس هندسه او ليسانس جغرافيا مثال على الكلام ده قوات حرس الحدود السعوديه طلبت وظائف شاغره منها خبير رفع طوبغرافى المؤهل بكالريوس هندسه او جغرافيا يعنى فى بلادنا التخلفه ده الى فيها فرق ...
جامعه موسكو قسم الجغرافيا له كليه خاصه بيه لوحده اسمها الجامعه الحكوميه لتنظيم مسح الاراضى بتخرج مهندسين مساحه تدرس فيها مواد المساحه بجانب الجغرافيا والارصاد الجويه والفن المعمارى والقانون وممكن تعمل سيرش عنها فى موقع روسيا اليوم قسم الجامعات الهندسيه...صدقنى البلد الوحيده الى فيها عقد النقص ده هى بلادنا لان اساسا المصريين مش طايقين بعضهم سواء فى مصر او بره مصر.

مع كل الاحترام ليك ولمعلوماتك لكن احب اقولك كلمه انت تقريبا قلتها احنا كمصريين ثقافتنا العلميه من زمان اوى فيها حاجتين يادكتور يا باش مهندس غير كده بطيييييييخ
وتلاقى راجل يقولك انا مش هاجوز بنتى غير لدكتور او مهندس والاب والام ايام الثانويه لابنهم يلا شد حيلك علشان تطلع دكتور ولا مهندس ولا ظابط وتشرفنا ويا سلام بقى لما تحب تمدح حد تقوله ايه يا هندسه ولا واحد فنى صحى وعايز تكبره تقوله ايه يا دكتور وكان كل الناس تابعين للمهندسين والاطباء ..


والجميل فى الموضوع الناس اللى بتدفع مبالغ طائله فى الجامعات الخاصه علشان يطلعوا دكاتره ومهندسين مع انه لو دخل اى كليه غلبانه من بتوعنا وعمل مشروع فول وفلافل هايبقى وضعه افضل كتير من مهندس حديث التخرج .....


هتسالنى الحل ايه ؟؟؟

اقولك احنا نلغى حكايه علمى وادبى ونخليها مواد مؤهله لكليات يعنى مثلا اللى ياخد رياضه 2 وفيزياء يبقى مؤهل لهندسه لو جاب 70 فى الميه وطالع وهكذا لباقى المواد يعنى الكليات تبقى اعتمادها اكبر على الميول بعد كده المجموع عارف من تصورى ان الحل ده هايجيب نتيجه بعد 30 سنه لما البلد تبقى كلها مهندسين ودكاتره من كتر اللى دخلوا هندسه وطب وتبقى الحاجات دى عاديه زى التجاره والحقوق وبالتاكيد وقتها هانقفل كليات الاداب والعلوم والزراعه والسياحه لحين وجود طلبه وتبدا قيمتنا تزيد من تانى


الخلاصه يا باشا احنا فى مصر ومش فى السعوديه ولا روسيا وملناش نقابه و اسمنا فى الموقع مساحين مؤهلنا العالى وظيفته الوحيده انك بتتعين على الدرجه التالته لما بتشتغل فى الحكومه وماحدش بيشتغل فى الحكومه اصلا يعنى الغى الميزه دى وانسى الكليه وانسى الاربع سنين وتخيل نفسك خريج معهد الهرم ولا فنى صناعى قسم مساحه واشتغل وكل عيش احسن لك لانك انت وانا فنيين مساحه يعنى مساحين دى قيمه مؤهلنا بالنسبه للمهندس والمحاسب والمحامى والمهندس الزراعى ابو 50%
ومن المستحيل انى اضحك علي واقولك انك مهندس لانك مش مهندس على الاقل فى مصر وللاسف انت مصرى الخلاصه ادعى ربنا بقى علشان يكرمنا بنقابه لانها ممكن تغير شويه شويه وبالتدريج انما كده احنا محلك سر..

معلومه كان فيه ناس كليه حقوق شغالين فى المساحه كان احترامهم من المهندسين كبييير جدا عارف ليه علشان هما مؤهل محترم ومعروف ان مساح دى مش شغلتهم اصلا ..

زعلت من كلامى انا اسف بس هقولك حلول بديله

1- انك تطنش ام الدنيا وتروح تعيش فى المملكه اختها وتبقى مهندس وتاخد وضعك وتعيش حياه كريمه وتحس بانك معاك مؤهل عالى

2- ربنا يكرمك وتشتغل وتكمل فى اى كليه جامعه مفتوحه علشان ماتبقاش مساح وممكن تبقى محاسب او محامى او مهندس حتى زراعى او ديكور او جرافيك او اعلام

اللى يعجبك

3- او حل اسهل كبر دماغك واشتغل اعمال حره ياراجل بلا مساحه بلا وجع قلب وتنطيط

4- ادعى معايا يارب يعترف بمسمان الوظيفى كاخصائيين مساحه ومش فنيين اللهم امين