يلا اللى بعده (جغرافية السكان .... مراجعات ليالى الامتحان)

[KAREEM]

أحب أقول لكوا ان اللى خايف من السكان ميخافش منها
انا عن نفسى مش خايف الا من المناخية وبس
ولو حد عايز اى سؤال فى السكان انا مستعد
اهم حاجة خلى بالكو من الارقام اللى حطيتها قبل كدا
لان دكتور عاشور خد الارقام دى من زميلة لينا فى القسم
وناوى يجيبها فى الامتحان سواء اسيا أو السكان
ولو حد عنده ارقام تانية يكتبها هنا او فى موضوع جديد متفرقش
المهم الفايدة تعود على الكل
بالنسة لرسومات السكان عايز اعرف اللى علينا وهل فى خرايط ولا لأ ؟؟؟

يعنى رسومات بيانية فقط ولا ؟؟؟؟
وانا حابدأ أحط المحاضرات دلوفتى مجمعة من المحاضرة + الكتاب
ان شاء الله تعجبكوا وتعود بالنفع علينا كلنا ...........

[KAREEM]

المحاضرة : الأولى
بتاريخ : 21/2
دكتور : أشرف عاشور

**مكونات النمو السكانى**

1
- الزيادة غير الطبيعية :

- تكون عن طريق الهجرة الخارجية الوافدة من الخارج

- تأثيرها أقل فى التغير السكانى عن الزيادة الطبيعية إلا وان كان هناك استثناءات
2

- الزيادة الطبيعية :

- هى التى تؤثر فى حجم السكان ( النمو السكانى ) وذلك لأى دولة فى العالم بالايجاب أو بالسلب

- والمواليد والوفيات هما المؤثران الأسايان فى الزيادة الطبيعية ( المواليد+الوفيات)

* والمواليد هى اول متغير فى النمو السكانى ومرتبطة بالزيادة الطبيعية


** المواليد :


- عبارة عن الاطفال الذين يتم ضخهم الى المجتمع الذى يواصل الحياة , المواليد يعينها لنا نسبة الخصوبةو فى المجتمع .

- ولكن للتعرف على حجم مواليد مجتمع ما , فإننا نستخدم بعض المقاييس :


* معدل المواليد الخام :

- وهو أبرز المقاييس المستخدمة فى قياس حجم المواليد

- معدل المواليد الخام = اجمالى عدد المواليد فى السنى ÷ اجمالى سكان الدولة فى منتصف العام × 1000 = الناتج يكون فى الالف ؟

- السبب :لأن معدل المواليد والوفيات عامة ننسبها لكل ألف من السكان .

- وهذا المعدل له عيوب ؟ لأنه تعامل مع سكان الدولة ككل على أنهم قادرين على الانجاب , وهناك الكثير من العوامل التى تمنع السكان من الانجاب .

- وميزته ــــــــــ سهولة الحساب والمقارنة بين الدول بسهولة .

- نذكر السكان فى منتصف السنة لتحقيق متوسط الحساب على مدار السنة ونتيجة لهذا القصور فى هذا المعدل نتجه لمعدلات مواليد أخرى .


* معدل المواليد الخاص أو ( معدل الخصوبة الخاص )

= اجمالى عدد المواليد فى السنة ÷ اجمالى الاناث(15-49سنة) × 1000
( 15-49) قترة القدرة على الانجاب .


* معدل الخصوبة العمرية الخاصة :

= عدد المواليد للاناث فى فئة عمرية محددة ÷ عدد الاناث فى نفس الفئة العمرية × 1000

- الفترة الأكثر تأثيراً فى معدلات الخصوبة للإناث هو من (20-25) سنة
,ولكن التأخر فى سن الزواج فقد ارتفعت هذه الفترة الى ( 25-30 )


س : ماهو حال الخصوبة على المستوى العالمى والاقليمى ؟؟

انخفضت معدلات الخصوبة على المستوى العالمى فى النصف الثانى من القرن العشرين , عندما قلت معدلات الوفيات وماصاحبه من قلة شدية فى المواليد , وتباين اختلاف حال الخصوبة من قارة وبين الدول وبعضها وبين أقاليم الدولة الواحدة

- معدل المواليد فى روسيا ــــــــــــــ 8 فى الألف

- معدل المواليد فى أرويا ــــــــــــــ 10 فى الألف

- معدل المواليد فى أفريقيا ـــــــــــــ 34 فى الألف

_ فكلا من دول الشمال نجد فيها معدلات المواليد منخفضة بالإضافة إلى استراليا , أما دول أمريكا اللاتينية فمعدلات مواليدها متوسط , أما فى أفريقيا
فبها أكبر معدل للمواليد بين القارات (34 فى الالف )


****** أما عن حال الخصوبة فى مصر :

- فهو مثله مثل بلدان العالم النامى لم يصل إلى مرحلة الخصوبة المنخفضة ولكنه فى طريقه إلى هذا , حيث أنه كلما تقدمنا أكثر فى مستوى المعيشة
والتنيمة كلما قل معدل الخصوبة ويتضح لنا أن معدل المواليد فى مصر كان 43 فى الألف عام 1960 , وقد انخفض الان الى 26 فى الألف وذلم عام 2000
, وبهذا لم تصل مصر بعد إلى مرحلة الاستقرار ولكن يتصح اختلاف معدلات الخصوبة بين الريف والحضر فنلاحظ أنها تزداد فى الريف وتقل فى الحضر
بسبب معتقدات متوارثة من الأجداد والاباء متعلق بالعزوة وحب الأطفال وكدا يعنى .

انتهت الماحاضرة

الى اللقاء فى المحاضرة التانية .......قريبا بعد الماتش كدا

[Horiaa Swedan]

انت متاكد من الارقام اللى فى معدل المواليد دى

اللى فى المحاضره مش كده

الخصوبه على مستوى العالم لعام 2008:

1- معدل المواليد فى قاره اسيا "20 فى الالف " والنسبه 105%

2- معدل المواليد فى قاره امريكا الشماليه 14 فى الالف " والنسبه 71.5%"

3- معدل المواليد فى امريكا اللاتينيه 23 فى الالف " والنسبه 78%"

4- معدل المواليد فى روسيا الاتحاديه 10 فى الالف

اجمالى بلدان العالم النامى 24 فى الالف " والنسبه 75%"

[Horiaa Swedan]

فى ارقام تانيه بتاعت معدلات الموليد فى كل جزء من كل قاره

كتير اوى

[KAREEM]

بصراحة الارقام دى جايبها من واحد صاحبى
ومش واثق فيه ممكن تكون غلط
أثق فيكى انتى اكتر منه
خاصة بعد المحاضرت والحاجات اللى انتى أفدتينا بيا قبل كدا
اما الارقام اللى فى الموضوع التانى اكيدة وتمام
ماعدا الخيرة ممكن تكون ناقصة بس

[mesa7a3]

ما شاء الله مراجعة جميلة والله فعلا مراجعة ليلة الامتحان

و بالنسبة للنسب : روسيا ــــــــــــــ 8 فى الألف و أرويا ــــــــــــــ 10 فى الألف دى النسب الى فى الكتاب لعام 2000 وليس 2008

وبلتوفيق وبانتظار القادم ان شاء الله

[Horiaa Swedan]

دكتور اشرف قال ملكمش دعوه بالنسب اللى فى الكتاب وقال نحفظ التعدادات اللى هو اداها بس

واللى فى الكتاب للقرائه

[KAREEM]

طب اوك نخش ع المحاضرة التانية
بتاريخ : 7/3/2009
- يمكن التحكم فى الخصوبة كمتغير يمكن التحكم به على عكس الوفيات التى لا يمكن التحكم بها ( دى حاجة بأيد ربنا ) حيث أن الوفاة أمر حتمى

- لكن يمكن التحكم فى المواليد كعنصر يمكن ويسهل التحكم به .

- نسبة الأطفال الى الاناث ومعدل التكاثر :

** معدل التكاثر الاجمالى نضرب مجموعه × 5 ÷ الاناث

- ويعرفنا عدد الأطفال التى يمكن للأنثى أن تنجبهم .

** يجب معرفة هذه المقاييس التى تقيش معدل الخصوبة معرفة تامة بالذات أول ثلاث مقاييس ( مههمين يعنى _ بتوع المحاضرة اللى فاتت )

** منحنى الخصوبة :

- ويعبر عن الاتجاه العام لتطور معدلات الانجاب فى المجتمع ويقترن بالاناث ونعرف منه قيمة الخصوبة فى المجتمعات .

- فى ظل المجتمعات الفتية التى تحث على الزواج المبكر والنجاب , فنجد أن قيمة منحنى الخضوبة موجودة فى سن 20-25 ( مجتمعات نايمة ) على رأى
دكتور ممدوح التهامى *عفوا مجتمعات نامية .

- يوجد مجتمعات أخرى تبدأ من( 25- 30 ) وهذه المجمتعات تتزوج فى سن متأخرة نتيجة لتقدم مستوى لامستوى التعليم , وهذا يكون فى المجتمعات الناهضة مثل مصر وتركيا وإيران .

أما الدول المتقدمة فيبدأ سن الزواج من( 27 : أقل من 35 سنة )

- لمنحنى الخصوبة 3 حالات ويظهر لنا حالات متعددة من الخصوبة

** وعلى مستوى العالم :

- نلاحظ أن معدل الخصوبة يدور حول سن العشرين على مستوى العالم

- أما الحا فى أفريقيا ففيها أعلى نسبة مواليد على مستوى القارات فى دول العالم النامى

- أما دول العالم المتقدم من دول الشمال ( امريكا لشمالية - أروبا - آسيا - روسيا ) فنجد نسبة المواليد تدور حول من 10 - 20 فى الالف مولود .

**** أما عن العوامل المسئولة عن الخصوبة فى المجتمع

- فهناك مجموعة من العوامل تؤثر فى قدرتهم على الانجاب وليس للانسان دخل فيها وليس للانسن دخل فيها
- مثل القدرة على الانجاب بسبب عوامل ترجع الصحة الانجابية وهم مجموعة ليس لهم نسبة واضحة المعالم ( ليس لهم نسبة محددة فى العالم ) .

- وهناك عوامل أخرى ترجع التركيبة العمرية والنوعية للمجتمع .

- إن المجتمعات التى تتسم بانخفاض نسبة الذكور فيها يكون فيها انخفاض فى معدل المواليد .

- هنالك بعض الدول التى يزداد فيها نسبة المعمرين ويقل فيها نسبة صغار السن والشباب

- وهناك عوامل أخرى مرتبطة بأحوال المجتمع مثل ايقاع الحياة اليومى الذى يرتبط بالحياة الاجتماعية الاقتصادية

- وهذا يظهر فى الريف والحضر حيث لكل منها نمط اجتماعى خاص وحياة اجتماعية تحض على النجاب أو عدم الانجاب أو تاخير الانجاب بالمرة .

- ومن المعلوم أن الريف يميل الى الزواج المبكر وكثرة الانجاب لاعتبارات اجتماعية .

- إن المعهاجر من الريف الى المدينة يحمل معه تقاليده مما يؤثر فى ارتفاع معدلات مواليد المدينة .

- ونلاحظ هذا فى مناطق العمران الحديث والتى سكانها معظمهم من الريفين أصلا الذين مازالوا يحرصون على النجاب بكثرة لأسباب تتعلق بتقاليد وعادات مكتسبة من الاجداد .

- أما بالنسة للتعليم فهو عنصر مهمه ومؤثر فى ايفاع الحياة الديموجرافية فى المجتمع .

-** حلل ــــــــ خريطة( فئات ) الزواج المبكر

- إن المتزوجون فى سن مبكرة يتميزون بانخفاض مستوى التعليم

- والدليل على ذلك ان من يكمل دراسته العليا ينهى دراسة فى سن أقل من 21 سنة ,
لذا فإن التعليم يؤخر من سن الزواج وهذا ينعكس بالطبع على تأخر مرحلة الانجاب , مما يؤثر فى الهيكل الديموغرافى للمجتمع .

* إذا التعليم والعمل بالنسبة للمرأة أيضا عنصر حيوى يؤثر فى الخصوبة , فبعض سيدات المجتمع التى تنادى بحقوق المرأة , أو من بعض السيدات اللاتى يعملن عملاُ يحتاج الى واجهة وهيئة جيدة , فبالكاد يلد مولود أو اثنين بالأغلب , كما أن لهم مشاكل زوجية وأسرية وبعضهم يلجأ الى الانفصال وبعضهم مطلقين من أزواجهم .( طب والعيال ذنيهم ايه ؟؟؟؟؟؟؟؟)

- هذا لكى تحافظ المرأة على مظهرها العام فتقلل من انجابها .

** المؤثرات الاقتصادية (مهم):

- التى تؤثر فى النجاب ومن قبلها الزواج

- إن متوسط دخل الفرد يعتبر عنصر حيوى يؤثر على الخصوبة ويسبقه متوسط دخل الفرد قبل الزواج .

- العوامل الاقتصادية تؤثر فى تفكير فى عدد الأطفال حيث أن دخل الأسرة لا يكفى فى بعض طبقات المجتمع للتعليم والصحة والرفاهية ( رفاهية مين ياعم دا العيش عليه طوابير !!!!!!!!! )

- وأحيانا يكون هناك نواحى سياسية تجبر لسكان على تنظيم النسل , مثل ( الصيـــن ) التى ألزمت سكانها بمولود واحد لكل أسرة والثانى على حساب أبيه وفى بعض الاحيان يسجن الأب كما بدأت الهند أن تأخذ هذا النهج .
الخلاصة من الكتاب ( من الآخر يعنى )
من صفحة 203 : 212

*** هما 5 عوامل وهم :

1 - عوامل بيولوجية ( اللى احنا قلنا عليها الصحة الانجابية )

2 - عوامل ديموجرافية ( التركيب العمرى اولنوعى )

3 - العوامل الاجتماعية ( كذا حاجة قلنا عليعم _ راجعوهم من الكتاب )

4 - العوامل الاقتصادية ( متوسط دخل الفرد )


5- العوامل السياسة (زى الصين كدا ) الصين بلد كميل !!!!!!!!!!


***** معلش المحاضرة كانت طويلة ورخمة حاولت ابسطها شوية وأرفه عنكوا فيها



**** المحاضرة القادمة ان شاء الله الوفيات + مقارنة بين المواليد والوفيات ( يامسهل الحال يارب)

[mesa7a3]

جزاك الله عنا كل خير وبانتظار القادم.....

[KAREEM]

سورى جدا الوفيات دى طويلة ومش حلحق انزلها
اتزنقت كدا ع الاخر
سامحونى بقى
ولو حد عنده حاجة يقدر ينزلها
يبقى جزاه الله خيراٌ