أكيـــد هنا حتلاقى ●•حلمــك●•... لتعيش♥ حلـــم بلا أجنحه

[Wild_Angel]

كل إنســـان عنده حلم وعايز يحققه
وهنا حتحقق حلمك ولو لسه ملقتهوش حتلاقيه

تخيل معايا
انك طاير فى السما


ايوه بقول طاير

مش مهم طاير أزاى المهم انك فى السما دلوقتى


شايف الطيور؟؟


رزقها دايماً على الله.. بتعمل دايما اللى عليها ودايما ربنا مش ناسيها



طب شايف الشمس
منوره.. بتدفى كل اللى حواليها.. ومهما كان ادامها غيوم.. بتظهر وتدفى كل الناس.. بأذن الرحمن






شايف الناس من فوق
بيحاولوا يوصلوا للسما
يمسكوا النجوم البعيده



فى ناس لسه عايشه من غير أحلام تحلمها يعني عايشه وخلاص
وفى ناس عايشه عشان تحقق حلم بس ساعات بتحس باليأس




بس لو أنت / أو انتى حد عايز يحقق حلمه
يبقى بص فى السما وأحلم وأدعي ربنا
ربنا قادر على كل شئ

زى ما الطير ربنا بيرزقه كل يوم بيطير ويرجع عشه بأكله
وزى الشمس ما بتطلع تنور بعد الظلمه
وزى النجوم ما موجوده بعيده وربنا خالقها

تقدر انت كمان توصل بعيــــــــــــد لحد حلمك
اللى دايماً خليه قريب أدام عنيك

أحلم..
وأدعي..
ذاكر.. أشتغل.. أسعى للخير دايماً
حتحقق حلمك وتطير ليه فى ثوانى ..
و بدون أجنحه




بالكاي بورد ●•●☻•●• Wild_Angel

[AYMAN GAMAL]

ممتازة يا اسراء

فعلا ربنا بيرزق الطير فمش ممكن ينسى حد

و انا ديما مؤمن بان اللي ربنا بيقسمه لينا هوه اللي فيه خير

و اعرف ان الحرامي مثلا لما بيسرق فده رزقه بس اللي كان هياخده لو صبر كان ربنا هيديهوله بالحلال بالعمل

جزاكي الله كل خير

و عندك حق مش محتاجين جناحات عشان نحقق هدفنا غير بالايمان

[Wild_Angel]

جزانا الله وإياك يا ايمن
اتمنى اننا جميعاً نحقق كل أحلامنا
ونقدر نوصلها
بالايمان والعمل بأذن الرحمن

[KAREEM]

فعلا أكثر حاجة
بتحقق الاحلام
لما الواحد يكون
قريب من ربنا
اهو اللى هيعينك
انك تحقق وتنجز
اى شىء مهما كان
صعب او ... أو ......

موضوع صغير
بهدف كبيييييير

جزاكى الله خير

[ALY ELSAYED]

ربنا يخليكي للمنتدي يا انجل

وميحرمنا منك ومن الكيبورد ابدا

جزاكي الله كل خير

[Heba Bebo]

ربنا يخليكي للمنتدي يا انجل

وميحرمنا منك ومن الكيبورد ابدا

جزاكي الله كل خير

ههههههههههههههههههههههه


ايه ده يا علي


هي ماشية ورجعت ف كلامها ولا ايه


ويخليك لينا وتنور مواضيعنا باللون الازرق ده


علطول





اما انتي بقي فالله اكبر


ايه الحلاوة دي


موضوعات قمة حلاوتها ورونقها في بساطتها


شفتوا عمركم طيور كده


ولا السمس الذهبية دي


جزاكي الله كل خير



علي راي علي

في كل كومينت


جزاك الله كل خير


ترحيب بقي عيد ميلاد تعزية ومواساه


لازم يدعي بالدعوة الحلوة دي


يخليكم لنا جميعا


اسراء باللون اللبني السماوي الرائع


وعلي بالازرق الرهيب ده
:animation343py:




هضرب ولا اييييييييييييييييييييه

:cc_hang:

يارب نحقق كل احلامنا فيما يرضي رب العباد

[Wild_Angel]

جزاك الله خيراً يا كريم ربنا يحققلنا جميع أحلامنا يارب
وتنجحوا كلكم يارب فى دراستكم وفى حياتكم كلها

ربنا يخليك ياعلي وجزاك الله خيراً >> وسيبك من كلام بيبو

نيجي بقى لبيبو

بيبووووووووو
يا بيبـــــــــــــــــو
:box:
لا بلاش الضرب ده
خلينا هاديين


بهزر طبعا يا بيبو
انتى حبيبتى
بجد ربنا يخليكي يا بيبو
ردك بيحمسني
بس ماشاء الله عندك قوة ملاحظه
على موضوع الوان الكتابه
فعلا انا بحب اللون اللبني جدا
وبحب اكتب بيه :)

بجد انا سعيده جدا بوجودكم ومروركم

[Wild_Angel]

يارب يكون عجبكم الموضوع :)

[هبه ابراهيم]

انتى فعلا ملاك
يا انجل

[blue_sky]

موضوع جميل
أنا كان في حاجات كتير تعتبر أحلام من الصعب تحقيقها لكن بفضل الله أتحققت لازم الواحد يكون واثق في رحمة ربنا
وده سر تحقيق الأحلام