نبدأها ازاى؟؟

[Horiaa Swedan]

بسم الله الرحمن الرحيم

والصلاة والسلام على اشرف الخلق اجمعين

نبدأها ازاى

نبدأها ازاى انا متكعبل خالص مش عارف اذاكر ازاى مفيش كتب ومش عارف اذاكر ازاى ؟

كلمات كتير اوى بنسمعها من الناس اللى فى الفرقه الاولى وفعلا عنده حق ميعرفش النظام ماشى ازاى

كما تعودنا فى المدرسه بسمع الدرس فى المدرسه واطلع على الدرس اخد الحصه وادفع الشئ الفلانى واذاكر و اراجع مع المدرس ويقرالى كمان.

قليل اوى منا اللى مخدش دروس خاصه فى مرحله الثانويه ومع دخولنا للكليه بنلاقى حاله من الضياع تايهه وسط الكتب والمراجع والمحاضرات تدخل تلاقى دكتور بيتكلم وانت مش عارف تكتب ولا تسمع وخايف تسال

كل ده كلنا مرينه بيه فى اول يوم واول اسبوع واول شهر فى الكليه

فريق منا يقول انا لازم التزم ويشد على نفسه اوى

وفريق تانى يقولك ياعم فكك انا فى جامعه سبونى اعيش حياتى وكلها حتتلم اخر شهرين وورق وحظبط نفسى

طبعا لا ده صح ولا ده صح لان الحل سهل جدا والوصول للنجاح سهل والتفوق كمان
فى الكليه انت مش طالب ولا اتنين احنا اكتر من 500 نفر فى كل فرقه ما بين انتظام وانتساب بس للاسف احنا فرقه من اربع فرق
او شعبه من اكتر من شعبه

وقسم من 14 قسم داخل كليه الاداب
وكليه مابين اكتر من 7 كليات فى المجمع النظرى
ومجمع مابين 3 مجمعات تعليميه
وجامعه مابين جامعات كتير

انت مش حتخترع الذره لما تتخرج بتقدرير مقبول لان قدامك اكتر من مليون فرد بيتخرج معاك .

عشان تكون ممتميز لازم تكون مميز لازم تحقق ذاتك ويكون ليك كرير وطابع مختلف عن غيرك

هما 4 سنين ليس الا وبعدين حتقول يارتنى ارجع اتعلم تانى فى الاربع سنين دول انت بتبنى لقدام بتبنى لحياه حتكملها لوحدك من غير محد يقولك المعلومه الفلانيه فى الحته الفلانيه.

لازم تبدأ تعتمد على نفسك عشان تكون مؤهل لليسانس فى اخر سنه جامعيه وكمان تكون مؤهل للحياه العمليه


انا اخترت الفرقه الاولى عشان اوجهلهم الكلام ده لان كتير منكم متلغبط ومستغرب الجو حوليه.

احب اقولكم براحه على نفسكم متشدش اوى ومترخيش اوى واهم حاجه تعمل اللى عليك.

ابنى خطوات ثابته عشان تقدر تمشى عليها وخلى ديما قصادك هدف تسعى ليه اوعى تكون مستنسخ من حد متقلدش حد حاول يكون ليك شخصيتك المختلفه عن غيرك واللى بيها حتتميز.

فى قسمنا قسم الجغرافيا ونظم المعلومات الجغرافيا كتير منا دخله عشان الالتحاق بشعبه المساحه وده طبعا امر غلط لان محدش منا بيعرف الشعبه بتدرس ايه لكن كلنا بصين للقب مهندس مساحى وده مش صح المفروض تدور على المجال اللى حتتميز فى لذاتك مش تتميز بلقب وتحتاس فى الدراسه.

بالنسبه للبنات نصيحه اخت كبيره شغل المساحه ودرسته مش شغل للبنات اه فى بنات كتير نجحه فى شغلها بس فى مجالات اخرى تكرمك كا بنت لان الطبيعى ان قدرات البنت فى المجال ده اقل من الرجل ودى مش اساءه لكن دى طبيعه فى الانسان المساحه شغلها محتاج مجهود كبير.

فى نفس الوقت شعبه نظم المعلومات شعبه مش سهله وذات قيمه كبيره مثلها كمثل المساحه والخرائط.

بالنسبه للدراسه
اهم حاجه فى قسمنا الحضور جميع المحاضرات ومتابعه المحاضره مع كتابت الملاحيظ الهامه عليها.

مش بس تسمع لا وتكتب.
خاصه لطلاب الانتظام لان مع كل سنه فى مادتين شفوى فى كل ترم ولازم الدكتور يكون شافك فى المحاضره من قبل.

تانيه حاجه تبيض المحاضرات اول باول وقرائتها جميعا.

مع استلام الكتب والمراجع تبدأ توسع دايره معرفتك لان الدكتور بيلقى الضوء على اهم النقاط بالموضوع وانت عليك تهتم بالتفاصيل اللى بيشرحها الكتاب.

اطمنوا جدا احنا مش قسم دش وحفظ بالعكس احنا قسم سلس بيناشد الفهم والتحليل والتفسير لكل نقطه بندرسها وده بيوسع مدراركنا.

من خلال المحاضره والكتاب ممكن تكوين ملخص للموضوع اضافه الى البحث على الانترنت عن اهم النقاط.

الاهتمام كل الاهتمام بالمصطلحات الانجليزيه والاشكال والرسومات وطبعا الخرائط ورسمها.

بعد كل ده ان شاء الله تضمنوا التفوق
اتمنى للجميع حظ موفق فى كل المجالات واوعوا حد يزعل انه مدخلش كليه تانيه او حتى مش حيدخل شعبه المساحه لان كل شئ نصيب وربنا موزع الارزاق ربنا قادر على كل شئ لو نصيبك فى حاجه حتخدها لو مين وقف فيها فابتسموا وابدأوا حياه جامعيه جديده كلها امل وطموح

اسفه لو طولت عليكم


.اختكم حوريه

[حاتم طارق]

يعنى مش عارف اشكرك ازاى على النصيحة اقصد النصائح دى كلها وجارى اتنفيذ

[Horiaa Swedan]

يعنى مش عارف اشكرك ازاى على النصيحة اقصد النصائح دى كلها وجارى اتنفيذ

العفو انتوا اخواتى وانا بستفيد منكم زى ما يارب اقدر افدكم ولو بقدر بسيط واى حد يحب يستفسر عن حاجه يقول ميتكسفش انا موجوده ديما فى خدمه اى حد

على فكره الكلام ده انا طبقته عليا فى اولى والحمد لله كنت من اوائل دفعتى فشدو حلكم والله الموفق للجميع وميرسى على مرورك الكريم اللى شرفنى وزاد موضوعى قيمه

[KAREEM]

بجد احورية
انتى بنت حلال
وربنا هيبارك لك على
اللى انتى بتعمليه
مع زمايلك
ونقل الخبرات دا
حاجة مهمة جدا
خصوصا انا احنا ملقناش
حد يقول لنا الكلام دا
انا بشكرك ياحورية على
النصايح الغالية دى لاخواتنا
الصغيرين
اللى المستقبل أودامهم واسع
وزى ما حورية قالت متضربهاش طناش
وبرضو متدهاش جد أوى واحدة واحدة
هتخش فى مووووووووود المذاكرة
واهم حاجة من كل دا الحضور
والله ياجماعة الحضور مهم جدا
حتى لو مكتبتش عشان لو صورت محاضرة بعد كدا
مش هتفهمها زى ما هى الا اذا كنت حاضر
اسف طولت ...........
وبكركر شكرى ليكى يا حورية ,,,,,,,

[MEROOO]

بجد يا حورية انا مش عارفة اقولك ايه

بصى هو خير الكلام ماقل ودل (جزاكى الله كل خير)

[Horiaa Swedan]

بجد احورية

انتى بنت حلال


وربنا هيبارك لك على


اللى انتى بتعمليه


مع زمايلك


ونقل الخبرات دا


حاجة مهمة جدا


خصوصا انا احنا ملقناش


حد يقول لنا الكلام دا


انا بشكرك ياحورية على


النصايح الغالية دى لاخواتنا


الصغيرين


اللى المستقبل أودامهم واسع


وزى ما حورية قالت متضربهاش طناش


وبرضو متدهاش جد أوى واحدة واحدة


هتخش فى مووووووووود المذاكرة


واهم حاجة من كل دا الحضور


والله ياجماعة الحضور مهم جدا


حتى لو مكتبتش عشان لو صورت محاضرة بعد كدا


مش هتفهمها زى ما هى الا اذا كنت حاضر


اسف طولت ...........

وبكركر شكرى ليكى يا حورية ,,,,,,,

ربنا يبارك فيك يا كريم انا بحاول اقدم حاجه تفيد الجميع عشان فيوم القى اللى بيقدملى ايده
والله الموفق للجميع واشكرك على مرورك الكريم

[الورده البيضاء]

الله ينور ياحورية
جزاكى الله كل خير ياقمر
شكرا ياكرييييييييييم

[Horiaa Swedan]

بجد يا حورية انا مش عارفة اقولك ايه

بصى هو خير الكلام ماقل ودل (جزاكى الله كل خير)

جزانا واياكى يا قمره يارب اكون قدرت افيدك باى حاجه ومش محتاجه تشكرينى بكلاماتك لانك فى الاول وفى الاخر اختى الصغيره وكلنا هنا اخوات واصحاب والى الامام دائما

[temo]

برافو حريه الموضوع هايل جدا وربالرغم اني في الفرقه التالته الا اني استفدت كتير منه temoelmasa7

[Mohamed Hashem]

فعلا الامضاء أختكم حورية
لأن الكلام ده من أخت حقيقية لأخواتها
نفعهم الله بنصائحك وجعلنا ممن يستمعون القول فيتبعون أحسنه
وجزاكى الله خيرا عنهم
تحياتى يا حورية .. كلامك موزون جدا وما شاء الله
اللى قلتيه ده يمكن يأخد من ناس تانيه سنين علشان يكتشفوه
بارك الله فيكى