خلي بالك لما تسمع الجمل او العبارات دي

بسم الله الرحمن الرحيم

في الدرس اللي فات عرضنا بعض الجمل الشائعة والمتداولة غالبا ولسة هنكمل باذن الله

بس موضوع النهاردة بيتكلم عن بعض العبارات او الجمل في اللغة الانجليزيه اللي ليها معنى تاني غير المعنى الحرفي

يعني ايه الكلام دا ؟ يعني مثلا زي ما احنا بنقول لحد سرحان " اللي واخد عقلك " ومنقصدش ان في حد اخد عقله بالمعنى الحرفي لكن اللي نقصده انه سرحان وهكذآ...أظن الفكرة وصلت:)

دي شوية جمل اللي بتأكد فكرة الموضوع

Break The Ice

المعنى الحرفي للجملة دي هو : اكسر التلج

بس المعنى المقصود هو : مهد للأمور أو مثلا مهد الموضوع زي ما اجي اقولك متدخلش علطول في الموضوع مهد الاول ليه واحدة واحدة

He looks blue

المعنى الحرفي هنا : شكله أزرق

بس المعنى المقصود : شكله حزين او زعلان

She's in the clouds

المعنى الحرفي : هي في الغيوم !!

بس المقصود منها : شكلها سرحانه أو مش معانا مخها شارد

I will go banana

المعنى الحرفي : انا هبقى موزة !! مش معقول في واحد يقول على نفسه كدا:D

طبعا المعنى المقصود هو : انا خلاص هتجنن أو عقلي هيطير

It rains cats & dogs

المعنى الحرفي : دي بتمطر قطط وكلاب !! <--- ياسلام في كدا؟

المقصود من الجملة دي : دي بتمطر بغزارة ( بتتقال في الحالة دي يعني )

This nuts

المعنى الحرفي : دي مكسرات

والمعنى المقصود : لما تبقى يعني قاعد ومش عاجبك الكلام بتقول الجملة دي كأنك بتقول دا تهريج او دا كلام فاضي

It's apiece of cake

المعنى الحرفي : دي حتة كيكة

المعنى المقصود : كأنك بتقول الموضوع سهل مش محتاج ( زينا مثلا لما بيتطلب مننا حاجة سهلة فنقول : ياسلام دي لعبتي )

He leads adog's life

المعنى الحرفي : دا عايش عيشة الكلاب ( عفوآ )

المعنى الايجازي :دا حياته كلها قلق x قلق او مثلا دا انسان متوتر دايما في حياته مش حاسس بالامان

He's ablack cheep

المعنى الحرفي : هو خروف اسود !!

المقصود : الجملة دي بتتقال على واحد أخلاقه وحشة ويكون حد مش كويس بس انا مش عارفه هو في خروف اسود ؟ ولو في خلاقه مش كويسة فعلا ؟:confused:

This ahot air

المعنى الحرفي : دا هوا سخن او حار

المقصود : دا كلام ملوش اي قيمة او فايدة

كدا خلصنا يارب تكون الفكرة عجبتكم وهيا زي ما تقولو اقوال دارجة في اللغة زي ما عندنا بالضبط ( كبر الجمجمة ، وسع الطاسة ، هطلعك زي الشعرة من العجينة ، قصر ، نفض ..وهكذا ....) دا شباب غريب جدا مشوفتش كدا :p

موضوع ممتاز يا جودى وانا من عشاق اللغة الانجليزية بس احب اتكلم بيها واسمعها بس مااحبش اكتبها ماعندكيش حل ليا؟؟؟؟ :mad:

أكيد ياباش مهندسة اتقان اللغة الانجليزية واجادتها بشكل تام بيتطلب 3 حاجات :

1 - القدرة على نطقها بطلاقة

2 - القدرة على استيعابها بسهولة ( يعني الاستماع ليها من الغير )

3 - وأخيرآ الحاجة اللي حضرتك مش بتحبيها وهي اجادة كتابتها :o

بس الموضوع في الآخر بسيط جدآ ومحلول في الآتي

لازم نحاول نستمع للغة بالشكل الصحيح ليها يعني هقول لحضرتك على طريقة سهلة .. خليكي على القنوات الأجنبية في التلفزيون ، في البداية مثلا ابتدي اتفرجي على أفلام أجنبية مثلا على mbc 2 لانها بتكون مترجمة فحاولي تتابعي النطق مع الترجمة وشوية شوية تبتدي نستغنى عن الافلام المترجمه دي ونشوف مثلا افلام مش مترجمة على قنوات الـ Showtime وصدقيني مهما الواحد كانت لغته ضعيفة لو فضل يتابع الافلام الغير مترجمة دي لمدة 3 شهور هيبقى مفيش زيه في اللغة

وغير الكلام دا انا كنت حطيت لحضرتك بعض المواقع للاستماع في موضوع موجود هنا

موضوع الكلام باه عايز احتكاك مباشر مع اجانب وفي مصر الموضوع دا مش متوفر اوي بس في حضرتك في البالتوك بعض الرومات اللي من خلالها تقدري تتكلمي مع المدرسين بشكل مباشر ولو مش حابة موضوع الرومات التعليمية في مواقع بتساعد ع النطق السليم غير كدا في طريقة تانية بس مش عارفه هترضي حضرتك ولا لاء..وهيا مثلا انك تجيبي كلمات اغاني وتسمعي الاغاني الاجنبية مع متابعه الكلمات وتحاولي تردديها بنفس طريقة النطق اللي بيرددها المغني ودي هتبقى بدايه كويسة

متهيألي لو قدرنا نجيد النطق والفهم عن طريق الاستماع هتكون مشكلة الكتابه هينة جدا وعايزه مجرد ممارسة او تدريب لان في تصريقات في اللغة الاجانب نفسهم احيانا بيتلخبطو فيها ومش بيعرفز يصرفو بعض الافعال الشاذة ولكن هيا بتيجي بالحفظ للشكل وبلاش نعقد الموضوع كدا خلينا في البسيط ومعلش انا آسفة اني صدعت حضرتك

بس ان شاء الله خلال الشهور القادمة هنقدر وصلنا لمستوى كويس وهنحط مستويات واختبارات لكل الاعضاء ومعاها مسابقات عشان نشوف باه مين اللي بيشتغل ومين اللي مش مجتهد ..بحيي حضرتك على حماسك وخليكي متابعه معانا :) ولو في اي لغة غير الانجلش حضرتك نفسك تتعلميها ممكن حضرتك تطلبيها

طب واللي معنودش ال 3 حاجات يعمل ايه

ههههههههههههههه ممكن أصدق انهم مش عندك بس مصدقش انك متقدرش تلاقيهم

بتصور حد زيك يقدر يتغلب على العقبات دي باتباع الحلول البسيطة اللي حطيناها فوق ودا بدون مجاملة بأمانة

وأظن ياحسن انك قلت في موضوع الباش مهندسة مها عن تعرف ايه عن نفسك باين ..انك قلت احسن حاجة بتحبها فيك اصرارك وعزيمتك

فمتهيألي دول صفتين مش محتاجين اكتر منهم في اي حاجة تحسها صعبة

بجد بسم الله ما شاء الله
احنا فى المنتدى كدة معانا عمالقة فى كل شئ
حتى اللغة اللى مكناش و اضعينها فى اعتبرنا بقى ليها قسم متميز بمشاركات الباشمهندسة Judy بس كدة حتخلينا نطمع
لان بصراحة مشاركاتك متميزة باستفيد منها و ده طبعا لان مستوايا فى اللغه تعبان موله
بس باحاول اللحاق بالركب
و شكرا
أه بالمناسبه
معلش قبل ما امشى سؤال
مهندكيش مكان فى الفصل بتاعك لتلميذ خيبان فى الانجليزى؟؟؟؟؟؟؟؟؟؟؟؟؟؟؟؟
:confused:
بالتوفيق

ياخبررررر ايه التواضع الكبير دا دا حضرتك أستاذنا في كل حاجة

ميرسي على تقييمك المشرف ليا يااستاذ محمد وأكيد هيسعدني ويشرفني انضمام حضرتك لباقي الزملاء

متقلقش هعملك دسكاونت على المصاريف وحجزتلك اول ديسك كمان ;)

بس والله مشرفني انضمامك لينا في القسم وحتى كلمة انضمامك مش لايقة المفروض اقول اننا سعداء بانضمامنا لحضرتك

يلا باه انسى كل الكلام اللي فوق دا .. دي كلها مجاملات عشان نضمن وجودك معانا وهنبتدي الجد باه وخصم درجات وعقوبات وحاجات كتيره اوي :p:p

http://www.freefever.com/hi5/hi5grap...ter/flower.gif

Thank you Judy

Great work

Still the world can be changed with words like this

These types of sentences are like saying Poet but with using less words

تسلمى يا جودى بجد موضوع جميل جدا

جودى يا جميله صراحه انا اول مرة ادخل قسم الانجليزى
على الموضوع ده وشكلى هبقى مقيمه فيه
صراحه انا اخدت بعض من الجمل دى لما كنت فى ثانوى
مش بعيد يعنى فا لسه فكراهم وفتحتى نفسى
عليها لانى بحبها وماكنتش عارفه ادخل فيها كدراسه ازاى

شكرا يا جوجو
كان معكم
المندوب المقيم ان شاء الله

اقتباس:

---

المشاركة الأصلية كتبت بواسطة AYMAN GAMAL

Thank you Judy

Great work

Still the world can be changed with words like this

These types of sentences are like saying Poet but with using less words

---

Thanks Ayman for your sharing and as you said these sentences are common overseas as we have in our scoiety

اقتباس:

---

المشاركة الأصلية كتبت بواسطة zooma

تسلمى يا جودى بجد موضوع جميل جدا

---

شكرا يازوما مشاركتك الأجمل ومبسوطة لاهتمامك

اقتباس:

---

المشاركة الأصلية كتبت بواسطة spider girl

جودى يا جميله صراحه انا اول مرة ادخل قسم الانجليزى
على الموضوع ده وشكلى هبقى مقيمه فيه
صراحه انا اخدت بعض من الجمل دى لما كنت فى ثانوى
مش بعيد يعنى فا لسه فكراهم وفتحتى نفسى
عليها لانى بحبها وماكنتش عارفه ادخل فيها كدراسه ازاى

شكرا يا جوجو
كان معكم
المندوب المقيم ان شاء الله

---

ميرسي ياحبيبتي سارة على الكلام الجميل دا

وبتمنى تبقي فعلا مقيمة ياحبيبتي انتي منورة في اي حتة

thank u judy for this topic

الصراحه موضوع جميل وفعلا الواحد ساعات
بيسمع جمل مش بيعرف المعني المقصود منها ايه
زي ما انتي قولتي

وشكرا ليكي مرة تانية علي المجهود الرائع

judy
thnx
but
i do nothing more than watching forigne searies and i can understan them without
reading the translation
but i don`t like to be confused when ever i write any word
just like
diffrent
oh my god, shall i write e or i
see
that is what i hate

:D:D:D:D:D:D:D:D:D:D:D:D:D:D:D:D:D:D:D:D:D:D
هو مافيش حد فى القسم ده بيتكلم عربى ولا ايه
عايزين نفهم يا ميرا :D:D:D
ينفع كده يا جودى

اقتباس:

---

المشاركة الأصلية كتبت بواسطة romeo88

thank u judy for this topic

الصراحه موضوع جميل وفعلا الواحد ساعات
بيسمع جمل مش بيعرف المعني المقصود منها ايه
زي ما انتي قولتي

وشكرا ليكي مرة تانية علي المجهود الرائع

---

You're welcome Romeo

مشاركتك الاجمل ياروميو وان شاء الله يكون الموضوع وضحلك شوية من الجمل دي

وبتمنى تكون عضو فعّال في القسم

اقتباس:

---

المشاركة الأصلية كتبت بواسطة ميرا مار

judy
thnx
but
i do nothing more than watching forigne searies and i can understan them without
reading the translation
but i don`t like to be confused when ever i write any word
just like
diffrent
oh my god, shall i write e or i
see
that is what i hate

---

Take it easy sweety it just requires practice no more

it's time now to tell you " Break the ice " don't take it hardly

so Keep on trying, no matter how hard it seems sweety :)

اقتباس:

---

المشاركة الأصلية كتبت بواسطة zooma

:D:D:D:D:D:D:D:D:D:D:D:D:D:D:D:D:D:D:D:D:D:D
هو مافيش حد فى القسم ده بيتكلم عربى ولا ايه
عايزين نفهم يا ميرا :D:D:D
ينفع كده يا جودى

---

يعني انت يازوما سايب كل الاقسام اللي في المنتدى اللي كلها عربي

ومستخصر على دا الانجليزي ؟ هههههههههههه دا حتى القسم لاي لغة تانية

بس احنا بنتعامل هنا باللغتين عادي لان الغرض منه تثقيف وتعليم بنفس الوقت

وكلنا بنستفيد الحمد لله من بعض

ook judy
ان شاء الله I Promise you ان ابقى better
فى الانجليزى you now ان انا جامد فرنساوى but على قدى برضه
:D:D:D:D:D:D:D:D:D:D:D:D

مش عارف ليه بدأت احب الانجليزي واتحلت مشاكلي معاه

شكرا ليكي يا بشمهندسة

موضوع جميل اوى يا جودى
وبجد حبيبنى اوى فى القسم دة
وحسسنى انى ممكن اتعلم اللغة صح
وبالنسبة للأغانى الأجنبى بسمع
وفعلا وحدة وحدة بأدر افهم الأغنية واحفظها كمان
بس بالنسبة للأفلام
احداث الفيلم بتشدنى
وما بتخلنيش اركز فى سماع الفيلم

مبسووووطة اوي لمشاركتك دي ياميرو واكيد كل واحد فينا بيتبع اسهل طريقة يتلقى بيها اللغة

انا مبسوطة انك حبيتي القسم ووجودك منورنا دايما ياحبيبت ألبي

موضوع رائع

موضوع جامد موت بس يا judy فى حاجة أسمها adumatic expresion
ودى عند ناس كتير وكتير عارفنها

أنا أسف بس بخد حاجة مهمة جدا شكرا ممكن أحكلها او انقلها دة بعد أذنك

انا ما بحبش الانجليزى النبى عربى يا جدعان

مش داخل هنا تانى خلينى برة مع العرب سلام

بشكرك يا ميمى موضوع رائع

أنا من محبين اللغة الإنجليزيه

بجد تسلمى يا حببتى

جزاكى الله خير على مجهودك الرائع أختى فى الله بصراحة أنا مبسوط جدا بدخول هذا القسم الرائع

شكرآ محمد أنا لاحظت اهتمامك فعلا في أكتر من موضوع

وأتمنى تفضل من محبي القسم وتشاركنا دايمآ http://www.qataru.com/vb/images/s1/flowers.gif
http://img.photobucket.com/albums/v5...m/goldbar2.gif

ميرسي حبيبتي مرمر مبسوطة بمشاركتك

وبتمنى كل التوبيكات تعجبك ياعمري http://www.qataru.com/vb/images/s1/flowers.gif

http://img.photobucket.com/albums/v5...m/goldbar2.gif

أستاذ بحر رأئيك أكيد مرحب بيه

وأهلا وسهلآ بيك فين ما كنت وفي أي قسم

http://img.photobucket.com/albums/v5...m/goldbar2.gif

جوهر منور الموضوع وشكرآ على مشاركتكhttp://www.qataru.com/vb/images/s1/flowers.gif

ميمى بجد شكرااااااااااا ليكى اوى على مجهودك الرائع فى القسم ده

اد ايه الموضوع عجبنى جداااااااااااااا

وعلى فكره انا بحب الانجليزى والفرنساوى جدااااااااااااا وبجد كنت حد متميز فيهم بس للاسف بعدت عنهم تماما فترة الدراسه فى الجامعه فبجد ندمانه جداااااااااااااااا

بس بجد بحاول على اد ما اقدر انى ارجع تانى كويسه فيهم وخاصة انى مدمنه افلام اجنبى

وحتابع معاكى هنا لانى متاكده انى حلاقى هنا كل اللى محتجاه ان شاء الله

باشكرك للمره التانيه واتمنى انك تقبلينى معاكى هنا فى القسم

برييييتي ازيك ياألبي كلامك حلو أويhttp://www.qataru.com/vb/images/s1/flowers.gif

وانا أطوا أقبل أو أرفض حد جميل وبريتي كدا

طبعآ ياحبي انتي منورة القسم دا ومنورة المنتدى كله

ميرسي أوي لتعليقك ويارب متحرمش من ناس حلوة زيك كدا http://www.qataru.com/vb/images/s1/flowers.gif

It rains cats & dogs &
Suggetions too nice topic

شكرا اوى على الموضوع الجاااااامد ده