قصه الجوهره

**ALY ELSAYED** · 08-17-2009, 02:15 AM

بسم الله الرحمن الرحيم

قصه الجوهره

(((عم إبراهيم شخص عادى جداً بسيط جداً على قد حاله فى مره وهو راجع بليل من شغله اتكعبل فى حاجه المهم ااتعصب وبكل غيظ اخد الحجر الى كعبله عشان يرميه بعيد ولكن ده مش حجر ده زى مايكون جوهره
آه فعلا ..مبقاش مصدق نفسه هو بجد لقى جوهره
المهم روَّح وهو بيمنِّى نفسه بالفلوس الكثير والبيت الجميل اللى هيحصل عليه بعد ما يبيع الجوهره
وتانى يوم صحى وقال يبدأ يلف على المحلات عشان يبيعها
دخل اول محل السلام عليكم معايا جوهره وعايز ابيعها ..نظر صاحب المحل لعم ابراهيم ومظهره المتواضع ونظر الى الجوهره وقال له : اسف دى مش جوهره دى ازازه ولو اشترتيها اشتريها كأزاز
اتعصب عم إبراهيم وقال له حرام عليك عشان انا راجل غلبان عايز تاخد الجوهره على انها زجاج وتركه وانصرف
المهم اتكرر الموقف مع أكثر من صاحب محل وعم إبراهيم كلهم ينظر لهيئته وينظر للجوهره ويجيب بردود متشابهه
المهم كان فى واحد صاحب محل مشهور بالصلاح فذهب له عم إبراهيم وكله أمل وقال له :أنا لفِّيت كثير وكلهم عايزين يفهِّمونى إنها زجاج عشان محدش مصدق إن ممكن واحد زيى يبقى معاه جوهره غاليه وأنا جيت لك وعارف إنك رجل صالح وإنت أكيد مش هتقول زيُّهم ...المهم شاف صاحب المحل الجوهره وقال لعم إبراهيم إنه مش هيقدر يشتريها والجواهر اللى بالحجم ده غاليه جداً وفى أمير هييجى آخر السنه هو اللى ممكن يشتريها
وعقبال ما ييجى دخَّل الجوهره فى الخزنه واقفل عليها وخللى المفتاح معاك واشتغل معانا وهدِّيك مرتب كويس
وفعلا بدأ يشتغل ويتعلم معاهم ويفهم فى الشغل وقبل ميعاد وصول الامير فكَّر يفتح الخزنه يشوف الجوهره ولكن آه الجوهره موجوده وآه هى هى متغيرتش لكن دلوقتى بقى عنده خبره الجوهره مش اصليه!!! دى ازاز!!!!!
صاحب المحل قاله أنا لقيتك مش مصدق كل الناس فقلت لو إتعلِّمت هتصدق بنفسك وعامة ً أديك إتعلمت صنعه ومتزعلش))))
انتهت قصه الجوهره
ولكن

؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟

تعالوا نفكر كده شويه
هو إيه اللى حصل؟؟
هو إفتكر إنه معاه حاجه غاليه لإنه ماعندوش خبره لكن بعد شويه لما اتعامل مع ناس خبره وبقى هو كمان خبره

اكتشف الحقيقه
طب وأحنا؟؟؟؟؟؟؟؟؟؟؟؟

آه كل واحد شايف إنه كويس وإن أهى ماشيه وإن علاقته بربنا معقوله آه بَذنِب بس ربنا غفور رحيم وبعدين ما تعقَّدهاش ساعه لربك وساعه لقلبك و....
طيب انت بتقول كده عشان معندكش خبره
آه صحيح ما إنت بتقارن نفسك باللى أسوأ منك
لا قارن نفسك بعباد حقيقيين
بناس بتحب ربنا بجد ...بيعبوده بجد

ايه رأيك شهر رمضان إقضيه مع ناس خبره فى العباده

إعتكف ..حاول تكون فى المسجد على قد ما تقدر
إسمع دروس ..شوف اللى بيدعوا ..واللى بيبكوا...واللى بيقيموا الليل كله.....واللى بيختموا القرآن كذا مره
إعمل زيهم
إتعلم وإفهم وقرَّب وإدعى
وأكيد بعد كده إنت اللى هتحكم على حياتك وهتعرف إن كانت جوهره ولا ازازه

الللهم بلغنا رمضان
م
ن
ق
و
ل

**حسناء** · 08-17-2009, 07:57 AM

قصه في منتهي الروعه يا كارمو
وحقيقي ربنا يحققلك هدفك النبيل

جزاك الله خير ويجعلها فميزان حسناتك

**ALY ELSAYED** · 08-17-2009, 01:40 PM

شكرا ليكي يا حسناء جدا

والله انتي الي منورانا يارب دايما

جزاكي الله كل خير

**جوليت الحب** · 08-17-2009, 02:00 PM

بجد قصة جميلة اوى يا على بجد كلامك ونصايحك اد اية غالية ويارب كلنا ربنا يقدرنا ويثبتنا على دينيا ويهدينا يارب ويجعل الشهر دا كله غير على المسلمين جميعا وربنا يجعلنا من عتقاءة الشهر دا وكله نستغله ويثبتنا على الى هنكون فيه حتى بعد الشهر دا معلش طولت عليك بس نصايحك غالية وانا هستفاد منها وهعمل بيها ان شاء الله وكل سنه وانت طيب بجد وربنا يجعله فى ميزان حسناتك ان شاء الله

**ALY ELSAYED** · 08-17-2009, 02:07 PM

المشاركة الأصلية كتبت بواسطة جوليت الحب

بجد قصة جميلة اوى يا على بجد كلامك ونصايحك اد اية غالية ويارب كلنا ربنا يقدرنا ويثبتنا على دينيا ويهدينا يارب ويجعل الشهر دا كله غير على المسلمين جميعا وربنا يجعلنا من عتقاءة الشهر دا وكله نستغله ويثبتنا على الى هنكون فيه حتى بعد الشهر دا معلش طولت عليك بس نصايحك غالية وانا هستفاد منها وهعمل بيها ان شاء الله وكل سنه وانت طيب بجد وربنا يجعله فى ميزان حسناتك ان شاء الله

ربنا يخليكي يا جوليت

والله مش عارف اقول ايه بعد

الكلام الجميل ده كله ويارب ثبتنا يارب

جزاكي الله كل خير