الدعم الفنى للعاملين بالمساحة البحرية

[Mohamed Hashem]

السلام عليكم
مهندس محمد ازي حضرتك
انا اتكلمت مع الدكتور مشرف المشروع علي الجزئيات اللي اتكلمنا فيها وحضرتك اشرت بيها هنا في المنتدي وهو موافق حضرتك تمام ما فيش ادني مشكله بس زي ما قلت لحضرتك انو احنا تخصص انشاءات مدنيه مش مواني فطبعا مش ها نقدر نتعمق في مجال الهندسه البحريه والمواني الا بالكم اللي يسفيدنا في مشروعنا
اما بالنسبه لموضوع الخريطه هو للاسف البيانات اللي كانت اخدناها هي علي فايل اكسل كانت مع الدكتور بس للاسف ضاعت منه علشان كان في مشاكل في الجهاز بتاعه وانا للاسف مش لاقيها عندي بس فايل الكاد صح تمام من حيث النقط ودا عليا يعني الفايل صح ما فيش فيه اي خطا في النقط

الموضوع التاني اللي كنت عاوز اتلكم فيه مع حضرتك ها ينفع نقابل حضرتك في اسكندريه ان شاء الله بعد يوم 28/6/2010
ولا ها يبقي في مشكله لحضرتك علشان بس نشوف الموضوع بتاع الخريطه ونتناقش مع حضرتك في شويه حاجات بخصوص معدات المساحه البحريه علشان ها نشوف ايه اللي ها نحطه في البحث وايه اللي ممكن مانحطهوش حسب ما يخدم البحث بتاع المشروع

واخيرا بشكر حضرتك جدا جدا جدا
علي مجهود حضرتك اللي لولاه ماكنا قدرنا ننجز اي شئ في مجال المسح البحري

العزيز بشمهندس احمد
انت تشرفنا فى اى وقت .. حاكلمك على الموبايل نتفق على ميعاد ان شاء الله