ارجوكم سعدونى

[مشتاقه للجنه]

لا حول ولاقوه الا بالله ايه يابيبو اللى حصلك ده بس وامتى والله محد قالى ولا اعرف الف سلامه عليكى ومتقلقيش من حاجه ارتاحى انتى وكله حيدبر باذن الله

انا عارفه انى مقصره بس انا زى زيكم حاجات كتير معرفهاش فى القسم عشان كده حجوبك على قدر استطاعتى والله المستعان


اولا:دكتور ايمان محددتش امتحان شفوى لحد دلوقتى ومعظم السكاشن اتلغت عشان المعمل فى قصور واللى اشتغل من السكاشن ماخدش كتير يعنى من بعد العيد سكشنين فقط على العلم انى سمعت ان اول سبت بعد العيد اتلغى فى السكاشن كلها لان المعمل كان فى صيانه

يعنى مخدناش الاسكشن واحد ومفيش اى معيد قال ان فى شفوى
بالنسبه لكراسه الاساله بتاعت الجى اى اس احنا لحد دلوقتى مخدناش من الاساله دى اى شئ عملى حتى البافر او انتاج الحرم مش موجود على ما اعتقد لكن ممكن نكون اخدنا فى النظرى مع الدكتور يعنى معتقدش فى تسليم واحنا لسه مطبقناش عملى



ثانيا: بالنسبه لامتحان دكتور ممدوح فزى مانتى عارفه انه يوم التلات باذن الله فى اشعات بتقول اننا حنسلم الكراسه لكن الدكتور مقالش لكن شعبه مساحه سلمتها فى الشفوى انهارده وقالوا انهم جابوا الاجابات من النت فلسه احنا مستنين بكره باذن الله نعرف اخر الكرسات دى

لكن الاكيد اننا اخدنا سكشن مع أ/شيماء فى ماده مصر وطلبت 6 خرايط لمصر من النت اللى اعرفهم منها 4
خريطه توضح مناخ مصر فى الصيف-واخرى للشتاء
خريطه توضح الرياح فى الصيف-واخرى للشتاء
مش عارفه الخريطين التانين ايه
وعندنا سكشن تانى باذن الله خلال الاسبوع ده



ثالثا: انا سكشن أ/شيماء فمش حقدر افيدك فى حكايه السكشن

رابعا :موضوع البحث بتاع النفايات

اولا ياقمرايه ده تقرير مش بحث وبيتكلم عن النفايات كل واحد بيكتب عن المنطقه اللى بيسكن فيها
مثال :انا سكنه فى سيدى بشر ابداء اكتب هل القمامه بتشكل مشكله فى منطقت سكنى ولا لاء لا كان بيها اقول لاء واقول ليه لا عشان فى وعى مستوى المعيشه مرتفع المستوى التعليمى مرتفع وهاكذا وده من رابع المستحيلات ان تلقى منطقه مفيهاش مشكله
الخيار التانى انك تقولى اه والله عندنا مشكله مثلا فى مقلب زباله على اول الشارع
الزباله عملتلنا تلوث بضايقنا واحنا ريحين واحنا جين
والله الناس بتسرق جرادل الزباله اللى بتحطها الشركه وهكذا

مجرد بتعرضى فكره عامه عن السلوك المتبع فى منطقه ومدى مستوى التعليم والمعيشه لانها المحرك الاول
ولازم ترفقى التقرير بصور لمقالب الزباله ومظاهر التلوث والتقرير ده مش بيكون كبير يعنى 5 ورقات بالكتير

وربنا معاكى ياقمره ويقومك بالسلامه

اله يسلمك يا حوريه انا عارفه انك لو تعرفى كنتى ح تسئلى عليه وفى بنات يامه من الدفعه زرونى فى المستشفى من معانا ومن مساحه وكتير اتصلو بيه وجزاكى الله كل خير يا حوريه مش عارفه بجد اشكرك اد ايه لانى بجد كنت زعلانه ان مفيش حد من دفعتى رد عليه

اولا :انت طمنتينى من دكتوره ايمان بس يا ريت لو قالت حاجه يوم الاتنين تبلغينى
ثانيا:شكرا على بحث النفايات بس لو فى غلاسه منى هو فى تقرير عن محاضرة التنوع البيولوجى ولا لاء
ثالثا:شكرا ليكى على اجبتك على مصروانا مكنتش اعرف انكم اختو سكشن فى مصر ومعلش هى الخرائط ح تتسلم امته وحنرسمها بادنا ولا مطبوعه
رابعا:شكرا على السكشن يبقى انا كده مفتنيش غير سكشن واحد

بشكرك يا حوريه وبامنك انك لو عرفتى اى حاجه جديده قوليهالى